THE PURPOSE of this Nunavut Wildlife Management Board (NWMB or Board) written public hearing is to consider the Proposal to limit sport hunting on the Qamanirjuag, Beverly, Ahiak, Lorillard, and Wager Bay caribou herds.

The Government of Nunavut-Department of Environment (Department of Environment) has filed a Proposal for NWMB Decision (Proposal), seeking a limitation of sport hunting on the Qamanirjuag, Beverly, Ahiak, Lorillard, and Wager Bay caribou herds. The Proposal, along with other documents comprising the best available information to date, is available for review or download from the NWMB’s website (www.nwmb.com).

ᑎᓯᐱᕆ 22, 2017

ᐱᔾᔪᑕᐅᕗᑦ ᑕᒪᒃᑯᓂᖓ ᓄᓇᕗᒻᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᐱᓕᕆᓂᖏᓐᓂᒃ (ᐆᒪᔪᓕᕆᔨᕐᔪᐊᒃᑯᑦ ᑕᒡᕙᓂ) ᑎᑎᖅᑲᑎᒎᖅᑐᓂᒃ ᐃᓄᖕᓂᒃ ᑐᓴᕐᕕᖃᕆᐊᕐᓂᐊᓕᕐᒪᑕ ᐃᓱᒪᒃᓴᖅᓯᐅᕈᑕᐅᔭᕆᐊᖃᖅᑐᓂᒃ ᐱᒋᐊᖅᑎᑕᐅᔪᒪᔪᓂᒃ ᐃᓱᖃᖅᑎᑦᑎᖁᔨᓕᕐᓂᖅ ᑐᒃᑐᑕᐅᖃᑕᕈᓐᓇᕐᓂᖏᓐᓂᒃ ᐊᑭᓖᕙᒃᑐᓂᒃ ᑐᒃᑐᓯᐅᕈᔾᔨᕙᒃᑐᓂᒃ ᑕᐃᒃᑯᓇᖓᑦ ᑐᑐᕐᑲᕐᕕᐅᓂᖏᓐᓂᒃ ᑕᐃᔭᐅᔪᓂᒃ ᖃᒪᓂᕐᔪᐊᕐᒥ, ᑎᑉᔭᓕᖕᒥ, ᐊᕼᐃᐊᖅᒥ, ᑰᒑᓗᖕᒥ ᐊᒻᒪᓗ ᐅᒃᑯᓯᒃᓴᓕᖕᒥ ᑐᒃᑐᓂᒃ. 

ᓄᓇᕗᑦ ᒐᕙᒪᐃᑦ - ᐊᕙᑎᓕᕆᔨᒃᑯᖏᑦ (ᒐᕙᒪᑯᑦ ᐊᕙᑎᓕᕆᔨᖏᑦ) ᑐᓂᓯᓯᒪᓕᕐᒪᑕ ᑎᑎᖃᓂᒃ ᑐᒃᓯᕋᐅᑎᓂᒃ ᐃᓱᒪᓕᐅᕈᑕᐅᖁᓪᓗᒋᑦ ᐆᒪᔪᓕᕆᔨᕐᔪᐊᒃᑯᓄᑦ (ᐱᒋᐊᖅᑎᑕᐅᔪᒪᔪᓂᒃ) ᐃᓱᖃᖅᑎᑕᐅᖁᔭᐅᓂᖏᓐᓂᒃ ᑐᒃᑐᑕᐅᖃᑦᑕᕈᓐᓇᕐᓂᖏᑦ ᐊᑭᓖᒃᕙᒃᑐᓂᒃ ᑐᒃᑐᓯᐅᕈᔾᔨᕙᒃᑐᓂᒃ ᑕᒪᐃᓐᓂᒃ ᑕᐃᒃᑯᓇᖓᑦ ᑐᒃᑐᖏᓂᒃ ᖃᒪᓂ’ᕐᔪᐊᕐᒥ, ᑎᑉᔭᓕᖕᒥᒃ, ᐊᕼᐃᐊᖅᒥ, ᑰᒑᓗᖕᒥ ᐊᒻᒪᓗ ᐅᒃᑯᓯᒃᓴᓕᖕᒥᒃ. ᑕᐃᒃᑯᐊ ᐱᒋᐊᖅᑎᑕᐅᔪᒪᔪᑦ, ᐊᓯᖏᓗ ᑎᑎᖃᐃᑦ ᐱᐅᓂᖅᐹᓂᒃ ᖃᐅᔨᒪᔾᔪᑎᒃᓴᖃᖅᑐᑦ ᐅᓪᓗᒥᒧᑦ ᑎᑭᓪᓗᒍ, ᐊᑐᐃᓐᓇᐅᔪᑦ ᕿᒥᕐᕈᐊᒐᒃᓴᐅᓂᕐᒧᑦ ᐅᕝᕙᓗᓐᓃᑦ ᑎᑭᓴᒐᒃᓴᐅᓂᕐᒧᑦ ᐆᒪᔪᓕᕆᔨᕐᔪᐊᒃᑯᑦ ᖃᕆᑕᐅᔭᒃᑯᑦ ᑕᑯᓂᐊᖅᑕᐅᕝᕕᖓᓂᒃ (ᐅᕙᓂ www.nwmb.com).

{slider Rules}

HEARING RULES:

1. The NWMB shall provide notice to the public at least sixty (60) days prior to the deadline for filing hearing submissions.
2. Any interested person or body may file with the NWMB a written submission and supporting documentation[1]in response to Department of Environment Proposal, or otherwise regarding the proposed limitation of sport hunting on the Qamanirjuag, Beverly, Ahiak, Lorillard, and Wager Bay caribou herds—duly translated into Inuktitut or English as the case may be—by no later than 5:00 p.m. (Iqaluit time) on February 2^nd, 2017.
3.  Unless persuasive written and translated reasons are provided to the NWMB for late filing, the NWMB will not consider materials for this hearing that are not filed on time.
4. The requirement for translation of submissions and supporting documentation filed with the NWMB does not apply to individual members of the public.
5.  For all others who file supporting documentation with the NWMB, the requirement for translation does not apply to such documents over ten (10) pages in length, as long as each supporting document that is not translated is accompanied by a concise, translated summary (English and Inuktitut) at least two (2) pages in length.
6. The NWMB shall ensure that all materials filed with it or produced by it are made publicly available, subject to relevant confidentiality or privacy concerns.
7.  Any representative or agent of the Government of Canada or Government of Nunavut, any Hunters and Trappers Organization or Regional Wildlife Organization and any Inuk shall be accorded the status of party for the hearing.
8.  Unless invited by the NWMB to be a party, any other person or body wishing to be named as a party by the NWMB shall make an appropriate request in writing to the NWMB.

[1] “Supporting documentation” refers to one or more studies, articles, opinions or other documents separate from a person’s or organization’s written submission, filed as additional evidence and/or argument in support of that person’s or organization’s submission.

ᑎᑎᖃᑎᒍᑦ ᑐᓴᕐᕕᖃᕆᐊᕐᓂᕐᒧᑦ ᐃᓄᖕᓂᒃ ᐱᓕᕆᐊᖑᓂᖏᓐᓂᒃ ᒪᓕᒃᑕᐅᔪᒃᓴᐃᑦ:

1. ᐆᒪᔪᓕᕆᔨᕐᔪᐊᒃᑯᑦ ᑐᓂᓯᓯᒪᓂᐊᖅᑐᑦ ᖃᐅᔨᒪᑎᑦᑎᕙᒌᕈᑎᒃᓴᓂᒃ ᐃᓄᖕᓂᒃ ᑕᒫᓂ 60 ᐅᓪᓗᐃᑦ ᐃᓱᓕᕝᕕᒃᓴᖃᖅᑎᑕᐅᓂᖓᑕ ᐅᓪᓗᖓᑕ ᓯᕗᓂᐊᒍᑦ ᑎᑎᖃᓂᒃ ᖃᐃᑦᑎᓯᒪᔭᕆᐊᖃᕐᓂᖏᓐᓂᒃ ᑐᓴᕐᕕᐅᔪᒪᔪᓂᒃ ᐅᖃᐅᓯᒃᓴᖃᕐᕕᒋᓂᐊᖅᑕᖏᓐᓂ.
2. ᑭᓇᑐᐃᓐᓇᖅ ᐃᓄᒃ ᑎᒥᖁᑎᒋᔭᐅᔪᕐᓗᓐᓃᑦ ᑐᓂᓯᔪᓐᓇᖅᐳᑦ ᑎᑎᕋᖅᓯᒪᔭᒥᓂᒃ ᐅᖃᐅᓯᒃᓴᖃᕐᕕᒋᔭᖏᓐᓂᒃ ᐊᒻᒪᓗ ᐊᓯᖏᓐᓂᒃ ᐃᑲᔪᖅᓱᐃᔾᔪᑕᐅᔪᓂᒃ ᑎᑎᖃᓂᒃ[1]ᑭᐅᔾᔪᑎᒃᓴᕆᔭᔭᒥᓂᒃ ᒐᕙᒪᒃᑯᑦ ᐊᕙᑎᓕᕆᓂᕐᒧᑦ ᐱᒋᐊᖅᑎᑕᐅᖁᔭᖏᓐᓂᒃ ᐱᔾᔪᑎᖃᖅᑐᓂᒃ, ᐊᓯᖏᓐᓂᒡᓗᓐᓃᑦ ᐱᒋᐊᖅᑎᑕᐅᔪᒪᔪᓂᒃ ᐃᓱᖃᖅᑎᑕᐅᖁᔭᐅᓂᖏᓐᓂᒃ ᐊᖑᓇᓱᒋᐊᕈᔾᔨᓯᒪᓂᕐᒧᑦ ᑐᒃᑐᑕᐅᖃᑦᑕᕈᓐᓇᕐᓂᖏᓐᓂᒃ ᑕᐃᒃᑯᓂᖓ  ᖃᒪᓂᕐᔪᐊᕐᒥ, ᑎᑉᔭᓕᖕᒥ, ᐊᕼᐃᐊᖅᒥ, ᑰᒑᓗᖕᒥ ᐊᒻᒪᓗ ᐅᒃᑯᓯᒃᓴᓕᖕᒥ ᑐᒃᑐᖏᓐᓂᒃ - ᐃᓄᒃᑎᑑᖓᑦᑎᐊᕆᐊᖃᕐᓂᐊᖅᑐᑦ ᖃᓪᓗᓈᑎᑐᓪᓗᓐᓃᑦ ᓇᓪᓕᐊᖕᓂᑐᐃᓐᓇᖅ-ᐅᖓᑖᓂᐅᑦᑕᐃᓕᒪᔪᓂᒃ 5:00-ᒥ ᐅᓐᓄᓴᒃᑯᑦ (ᐃᖃᓗᐃᑦ ᖃᐅᔨᓴᐅᑎᖓᒍᑦ/ᓯᖁᖑᔭᖓᒍᑦ) ᑕᒡᕙᓂ ᐅᓪᓗᖓᓂ ᕕᕗᐊᕆ 2, 2017-ᒥ.
3. ᑎᑎᕋᖅᑕᐅᓯᒪᔪᑦ ᐃᓄᒃᑎᑑᖓᔪᓪᓗ/ᖃᓪᓗᓈᑎᑑᖅᑐᓪᓗ ᑎᑎᖃᐃᑦ ᑐᓂᔭᐅᓯᒪᔪᑦ ᐆᒪᔪᓕᕆᔨᕐᔪᐊᒃᑯᓐᓄᑦ ᑭᖑᕙᖅᑐᒥᒃ ᖃᐃᑕᐅᒍᑎᒃ, ᓴᖑᓐᓂᐊᕈᓐᓇᑦᑎᐊᕈᑎᒡᓗ ᑭᓯᐊᓂ ᐃᓕᑕᕆᔭᐅᖁᔨᓂᖏᓐᓂᒃ ᐊᑐᖅᑕᐅᖁᔨᓗᑎᒃ ᑭᖑᕙᖅᓯᒪᔪᓂ, ᐆᒪᔪᓕᕆᔨᕐᔪᐊᒃᑯᓐᓄᑦ ᐃᓱᒪᒃᓴᖅᓯᐅᕈᑕᐅᓂᐊᓐᖏᑦᑐᑦ ᑕᒪᑐᒪᓂ ᑐᓴᕐᕕᖃᕆᐊᖃᕋᓱᐊᕐᓂᖏᓐᓂ ᐃᓄᖕᓂᒃ, ᐱᕕᒃᓴᖃᖅᑎᑕᐅᓂᖏᑕ ᐃᓗᐊᓂ ᖃᐃᑕᐅᓯᒪᓐᖏᑐᐊᕈᑎᒃ.
4. ᐃᓄᒃᑎᑑᖓᔭᕆᐊᖃᕐᓂᖏᑦ/ᖃᓪᓗᓈᑎᑑᖓᔭᕆᐊᖃᕐᓂᖏᓪᓗᓐᓃᑦ ᐅᖃᐅᓯᒃᓴᐃᑦ ᑎᑎᖃᖏᑦ ᖃᐃᑕᐅᓂᐊᖅᑐᑦ ᐊᓯᖏᓪᓗ ᑎᑎᖃᐃᑦ ᐃᑲᔪᖅᓱᐃᔾᔪᑕᐅᔪᑦ ᒪᓕᒐᕆᔭᐅᓂᖏᓐᓂᒃ ᐆᒪᔪᓕᕆᔨᕐᔪᐊᒃᑯᓐᓄᑦ ᐊᑐᕆᐊᖃᕐᓂᐊᓐᖏᑦᑐᑦ ᐃᓄᖕᓄᑦ ᐃᖕᒥᒎᖅᑐᓄᑦ ᐃᓄᖁᑎᒋᔭᐅᔪᓂᒃ, ᐊᓯᒥᓂᒃ ᑭᒡᒐᖅᑐᐃᓂᖏᓐᓂᒃ.
5.  ᐊᓯᓕᒫᖏᓐᓂᒃ ᖃᐃᑦᑎᓯᒪᔪᑦ ᑎᑎᖃᐃᑦ ᐃᑲᔫᖅᓱᐃᔾᔪᑕᐅᓂᖏᓐᓂᒃ ᐆᒪᔪᓕᕆᔨᕐᔪᐊᒃᑯᓐᓄᑦ, ᐃᓄᒃᑎᑑᖓᓕᖅᑎᖅᑕᐅᓯᒪᔭᕆᐊᖃᕐᓂᖏᓐᓂᒃ/ᖃᓪᓗᓇᐅᔭᕆᐊᖃᕐᓂᖏᓐᓄᓪᓗ ᒪᓕᒐᕐᓂᒃ ᒪᓕᒐᖃᖅᑎᑕᐅᓇᔭᓐᖏᓚᑦ ᑎᑎᖃᖁᑎᖏᑦ ᐊᒥᓲᓂᖅᓴᐅᒍᑎᒃ ᐅᖓᑖᓂᒃ ᖁᓕᓂᒃ 10-ᓂᒃ ᒪᒃᐱᒐᖃᖅᑐᓂᒃ, ᐃᒪᐃᓐᓇᓕᖓᑐᐊᕈᑎᒃ: ᐊᑐᓂ ᑎᑎᖃᖏᑦ ᐃᓄᒃᑎᑑᖓᔪᑦ/ᖃᓪᓗᓈᑎᑐᓪᓗᓐᓃᑦ ᐃᓚᖃᕈᑎᒃ ᑐᑭᓯᓇᑦᑎᐊᖅᑐᓂᒃ ᓇᐃᓈᖅᑕᐅᓯᒪᔪᓂᒃ ᐅᓂᒃᑳᑦᑎᐊᖅᑐᓂᒃ (ᖃᓪᓗᓈᑎᑐᓪᓗᓐᓃᑦ ᐃᓄᒃᑎᑐᓪᓗᓐᓃᑦ) ᑕᑭᓂᖃᕈᓐᓇᖅᑐᓂᒃ ᒪᕐᕉᖕᓂᒃ 2 ᒪᒃᐱᒑᖕᓂᒃ ᐅᖓᑕᓂᒡᓗᓐᓃᑦ.
6. ᐆᒪᔪᓕᕆᔨᕐᔪᐊᒃᑯᑦ ᐅᔾᔨᖅᑐᑦᑎᐊᖅᐸᖕᓂᐊᖅᑐᑦ ᑕᒪᕐᒥᒃ ᑎᑎᖃᐃᑦ ᖃᐃᑕᐅᔪᑦ ᐃᖕᒥᓄᑦ ᐅᕝᕙᓗᓐᓃᑦ ᐊᑐᖅᑕᐅᓪᓗᑎᒃ ᑎᑎᕋᖅᓯᒪᔪᓂᒃ ᓴᕿᑎᑦᑎᓗᑕᒍᑎᒃ, ᐃᓄᓕᒫᓄᑦ ᐊᑐᐃᓐᓇᐅᑎᑕᐅᑦᑎᐊᕐᓂᐊᖅᑐᓂᒃ, ᒪᓕᒡᓗᑎᒃᑕᐅᖅ ᑭᓯᐊᓂ ᐊᑐᕆᐊᖃᕐᒥᔭᖏᓐᓂᒃ ᑕᒪᐅᖓᑐᐃᓐᓇᖅ ᐅᖃᐅᓯᐅᑦᑕᐃᓕᒪᔭᕆᐊᖃᓂᖏᓐᓂᒃ ᐅᕝᕙᓗᓐᓃᑦ ᑕᒪᐅᖓᑐᐃᓐᓇᖅ ᑐᓴᒐᒃᓴᐅᖁᔭᐅᓐᖏᓐᓂᖏᓐᓄᑦ ᐃᓱᒫᓘᑕᐅᒍᑎᒃ.
7. ᑭᓇᒃᑯᑐᐃᓐᓇᐃᑦ ᑭᒡᒐᖅᑐᐃᔨᐅᔪᑦ ᑲᓇᑕᐅᑉ ᒐᕙᒪᒃᑯᖏᓐᓂᒃ ᐅᕝᕙᓗᓐᓃᑦ ᒐᕙᒪᖏᓐᓂᒃ ᓄᓇᕗᒻᒥ, ᓇᓪᓕᐊᖕᓂᑐᐃᓐᓇᕐᓗᓐᓃᑦ ᐊᖑᓇᓱᒃᑏᑦ ᒥᑭᒋᐊᕐᓂᐊᖅᑏᓪᓗ ᑲᑐᔾᔨᖃᑎᒌᖏᓐᓂᒃ ᐅᕝᕙᓗᓐᓃᑦ ᐊᕕᒃᑐᖅᓯᒪᓂᖏᓐᓂ ᐊᖑᓇᓱᒃᑏᑦ ᐆᒪᔪᓕᕆᓂᕐᒧᑦ ᑲᑐᔾᔨᖃᑎᒋᖏᓐᓂᒃ ᐊᒻᒪᓗ ᑭᓇᑐᐃᓐᓇᖅ ᐃᓄᒃ ᐃᖕᒥᒎᖅᑐᖅ, ᐃᓕᑕᕆᔭᐅᓯᒪᖃᑕᐅᓂᐊᖅᑐᑦ ᐃᓚᒋᔭᐅᓂᕐᒧᑦ ᐃᓄᖕᓂᒃ ᑐᓴᕐᕕᐅᒋᐊᖅᓯᒪᓂᖏᓐᓂᒃ.
8. ᖃᐃᖁᔭᐅᓯᒪᔪᑦ ᐆᒪᔪᓕᕆᔨᕐᔪᐊᒃᑯᓐᓄᑦ ᑐᓴᕐᕕᐅᔪᒪᓂᖅ ᑐᑭᓯᓂᐊᕐᕈᑕᐅᔪᓄᑦ ᐊᓯᖏᑦ ᐃᓄᐃᑦ ᑎᒥᖁᑎᒋᔭᐅᔪᓪᓗᓐᓃᑦ ᐃᓚᒋᔭᐅᖃᑕᐅᔪᒪᔪᑦ ᐅᒪᔪᓕᕆᔨᕐᔪᐊᒃᑯᓐᓄᑦ, ᓈᒪᔪᓂᒃ ᑐᒃᓯᕋᐅᓯᐅᕆᐊᖃᖅᐳᑦ ᑎᑎᖃᑎᒍᑦ ᐃᓕᑕᕆᔭᐅᓂᐊᕐᒪᑕ ᐆᒪᔪᓕᕆᔨᕐᔪᐊᒃᑯᓐᓄᑦ ᐃᓚᒋᔭᐅᖃᑕᐅᓂᕐᒧᑦ ᑐᑭᓯᓂᐊᕈᑕᐅᓂᖏᓐᓄᑦ.

[1] “ᐃᑲᔪᖅᓱᐃᔾᔪᑕᐅᔪᑦ ᑎᑎᖃᐃᑦ” ᑐᑭᓯᖃᖅᑐᑦ ᑎᑎᖃᓂᒃ ᐊᑕᐅᓯᕐᒥᒃ ᐅᖓᑖᓂᓗᓐᓃᑦ ᖃᐅᔨᓴᖅᑕᐅᓯᒪᔪᓂᒃ ᐅᓂᒃᑳᓕᐊᖑᓯᒪᔪᓂᒃ, ᐅᖃᓕᒪᒐᒃᓴᓕᐊᕆᔭᐅᔪᓂᒡᓗᓐᓃᑦ ᐊᓯᖏᓐᓂᓗᓐᓃᑦ ᑎᑎᖃᓂᒃ ᐃᓅᑉ ᑎᒥᖁᑕᐅᔪᑉᓗᓐᓃᑦ ᑎᑎᕋᖅᓯᒪᔭᖏᓐᓂᒃ, ᑐᓂᔭᐅᖃᑕᐅᓯᔾᔭᐅᓯᒪᓪᓗᑎᒃ ᓴᕿᑎᑦᑎᒋᐊᒃᑲᓐᓂᕈᑕᐅᓂᕐᒧᑦ ᐊᒻᒪᓗ/ᐅᕝᕙᓗᓐᓃᑦ ᐊᐃᕙᐅᑕᐅᓂᕐᒥᓄᑦ ᐃᑲᔪᖅᓱᐃᔪᓂᒃ ᐅᖃᐅᓯᒃᓴᖏᓐᓂᒃ.

{slider Agenda}

{/sliders}