ᐋᖅᑭᒋᐊᖅᑕᐅᓯᒪᔪᑦ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᑦ

ᖃᓄᑎᒋᑦ ᐃᓄᐃᑦ ᐊᖑᓇᓱᖕᓂᕆᕙᒃᑕᖏᑦ ᓇᓗᓇᐃᖅᑕᐅᓯᒪᔪᑦ ᓈᓴᐅᑎᖏᓐᓂ 5.6.26 ᑎᑭᓪᓗᒍ 5.6.30. he BNL. ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᕿᒥᕐᕈᓇᖃᑦᑕᕐᓂᐊᖅᐳᑦ ᐊᑯᓚᐃᑦᑐᒃᑯᑦ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᓐᓂᒃ ᐊᑐᓂ ᐆᒪᔪᓄᑦ ᐅᕝᕙᓗ ᓂᕐᔪᑎᑦ ᐅᓄᕐᓂᖏᓐᓄᑦ ᐊᒻᒪ ᐋᖅᑭᒡᓯᖃᑦᑕᕐᓗᑎᒃ ᖄᒃᑲᓐᓂᐊᒍᑦ ᑐᓂᓯᔭᕆᐊᖃᕐᒪᖔᑕ ᐊᖑᒻᒪᑎᓕᖁᓪᓗᒋᑦ ᐃᓚᖏᓐᓂᒃ ᐃᓘᓐᓇᖏᓐᓂᒡᓘᓐᓃᑦ (a) ᐅᓄᖅᓯᒋᐊᖅᑎᓪᓗᒋᑦ ᓂᕿᖃᖅᐸᒃᑐᑦ ᐅᕝᕙᓗ ᐊᑐᖅᑕᐅᔪᑦ ᐃᓄᖕᓄᑦ; (b) ᓄᓇᓕᖕᓂᑦ ᓄᓇᓕᖕᓄᑦ ᐊᓯᐊᓄᑦ ᓂᐅᕐᕈᑎᖃᖃᑦᑕᕐᓂᖅ; ᐊᒻᒪ (c) ᓂᐅᕐᕈᑎᖃᖃᑦᑕᕐᓂᖅ ᓂᕿᒃᓴᐅᓂᐊᕐᓗᑎᒃ ᐅᕝᕙᓗ ᐊᑐᖅᑕᐅᓂᐊᕐᓗᑎᒃ ᓄᓇᕗᑦ ᐃᓗᐊᓂ. ᐊᕐᕌᒍᑉ ᐃᓗᐊᓂ ᓇᓕᐊᖕᓂᑐᐃᓐᓇᖅ ᐋᖅᑭᒋᐊᖅᑕᐅᓯᒪᔪᑦ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᑦ ᖁᕝᕙᕆᐊᖅᑕᐅᔪᓐᓇᖅᐳᑦ ᐅᕝᕙᓗ ᐊᒃᐸᕆᐊᖅᑕᐅᓗᑎᒃ, ᑭᓯᐊᓂᓕ ᑐᖔᓄᐊᕈᓐᓇᖏᑦᑐᑦ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᑕ.

ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᑦ (BNL)

ᖃᓄᑎᒋᑦ ᐃᓄᐃᑦ ᐊᖑᓇᓱᖕᓂᕆᕙᒃᑕᖏᑦ ᓇᓗᓇᐃᖅᑕᐅᓯᒪᔪᑦ ᓈᓴᐅᑎᖏᓐᓂ 5.6.19 ᑎᑭᓪᓗᒍ 5.6.25. e TAH. ᑕᐃᒪᓕ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖓ ᐋᖅᑭᒡᑕᐅᓯᒪᓕᖅᐸᑦ, ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐋᖅᑭᒡᓯᒐᔭᖅᐳᑦ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᓐᓂᒃ ᒪᓕᒃᑕᐅᓪᓗᑎᒃ ᓄᓇᑖᕈᑎᓂ ᐊᖏᕈᑎᓂ ᓈᓴᐅᑎᖓ 5.6. ᐃᓄᐃᑦ ᓂᕆᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᑦ ᐃᓗᓕᖃᖅᐳᑦ ᓯᕗᓪᓕᖅᐹᒥ ᐊᑐᖅᑕᐅᔪᒪᔪᑦ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᓐᓂᒃ. ᑕᐃᒪᓕ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖓ ᐊᔾᔨᖃᖅᐸᑦ ᐅᕝᕙᓗ ᑐᖔᓃᑉᐸᑦ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᓐᓄᑦ, ᐃᓄᐃᑦ ᐱᔪᓐᓇᐅᑎᖃᕐᓂᐊᖅᐳᑦ ᐱᔪᓐᓇᖅᑎᑕᐅᓗᑎᒃ ᐃᓘᓐᓇᖏᓐᓂᒃ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᓐᓂᒃ.

ᐊᖏᔫᑕᐅᓂᖅᓴᑦ ᓂᕐᔪᑎᑦ

ᑖᒃᑯᐊ ᓂᕐᔪᑎᑦ ᑎᑎᕋᖅᑕᐅᓯᒪᔪᑦ ᐅᐃᒍᖓᑕ ᓈᓴᐅᑎᖓᓂ 5-1 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒋᖑᑎᓂ, ᐅᑯᐊᖑᕗᑦ ᖃᓪᓗᓈᑦ ᓄᓇᖓᓐᓂ ᐊᒪᕈᐃᑦ (coyotes) ᐊᒪᕈᐃᑦ, ᖃᕐᕖᑦ, ᐅᒥᖕᒪᑦ, ᓇᓄᐃᑦ, ᐊᐃᕖᑦ, ᑐᒃᑐᑦ, ᑐᒃᑐᕙᐃᑦ, ᖃᓪᓗᓈᑦ ᓄᓇᖓᓂ ᑐᒃᑐᑦ (deer) ᐊᒻᒪ ᖁᓐᖐᑦ.

ᓄᓇᐃᑦ ᐱᐅᖅᓱᐊᕐᕕᐅᔪᑦ

ᓇᓂᑐᐃᓐᓇᖅ ᓄᓇᒥ ᐱᐅᖅᓱᐊᕐᕕᒃᓴᖃᖅᐸᑦ ᐱᑕᖃᓕᕇᖅᑐᕕᓂᐅᓗᓂ ᐊᖏᕈᑕᐅᑎᓪᓗᒍ ᓄᓇᕗᒥ ᓄᓇᑖᕈᑎᑦ ᑎᑎᕋᖅᑕᐅᓯᒪᔪᑦ ᐅᐃᒍᖓᑕ ᓈᓴᐅᑎᖓᓂ 9-1 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ; ᐊᒻᒪ ᐃᓗᓕᖏᑦ ᑎᑎᕋᖅᑕᐅᓯᒪᔪᑦ ᓈᓴᐅᑎᖓᓂ 9.1.1-ᒥ ᓴᖅᑭᑕᐅᔪᕕᓂᐅᑎᓪᓗᒋᑦ ᐱᖁᔭᕐᔪᐊᑎᒍᑦ ᑲᓇᑕᐅᑉ ᒐᕙᒪᒃᑯᖏᑕ ᐆᒪᔪᖃᐅᓯᕝᕕᖏᑦ; ᑎᖕᒥᐊᑦ ᑎᑭᒃᑕᖅᑐᑦ ᓇᔪᒐᖏᑦ; ᓄᓇᕐᔪᐊᕐᒥ ᐊᕙᑎᓕᕆᓂᕐᒧᑦ ᐃᓕᕆᔾᔪᑎᐅᔪᑦ ᓄᓇᐃᑦ ᐅᕝᕙᓗ ᐊᒡᒍᖅᑐᖅᓯᒪᓂᐅᔪᑦ; ᐃᓄᖕᓄᑦ ᐊᒻᒪ ᐊᕙᑎ ᓴᓂᕐᕙᒃᑕᐅᓯᒪᔪᑦ; ᓄᓇᕐᔪᐊᕐᒥ ᐃᑦᑕᕐᓂᓴᖃᕐᕕᖕᓄᑦ ᐊᖏᖃᑎᒌᒍᑎᑦ, ᓄᓇᐃᑦ, ᐊᒻᒪ ᐃᑦᑕᕐᓂᓴᖃᕐᕕᐅᔪᑦ; ᐆᒪᔪᖃᐅᓯᕝᕕᑦ; ᐊᑦᑕᕐᓇᓕᖅᑐᑦ ᐆᒪᔪᑦ ᓇᔪᒐᖏᑦ; ᑲᓇᑕᒥ ᐃᑦᑕᕐᓂᓴᖃᕐᕕᑦ; ᑲᓇᑕᒥ ᐃᒻᒪᕐᓂᓴᕐᓄᑦ ᒥᓐᖑᐃᖅᓯᕐᕕᑦ; ᓴᕋᑦᑐᑦ ᓄᓇᐃᑦ ᐱᒻᒪᕆᐅᔪᑦ ᓄᓇᕐᔪᐊᕐᒧᑦ ᑎᖕᒥᐊᓄᑦ ᐃᒪᕐᒥᐅᑕᓄᑦ (Ramsar); ᑲᓇᑕᒥ ᓄᓇᐃᑦ ᓇᓗᓇᐃᒃᑯᑦᑎᖅᑕᐅᓯᒪᔪᑦ; ᑲᓇᑕᒥ ᐃᒻᒪᑐᖃᖅ ᑰᑦ ᐊᑐᖅᑕᐅᖃᑦᑕᖅᑐᑐᖃᕕᓂᑦ; ᐃᒻᒪᑐᖃᖅ ᓇᔪᒐᕕᓂᑦ; ᐊᒻᒪ ᐱᓗᐊᖅᑐᒥᒃ ᐱᒻᒪᕆᐅᔪᑦ ᐊᕙᑎᒧᑦ, ᐃᓕᖅᑯᓯᕐᒧᑦ, ᖃᕐᒪᖃᕐᕕᕕᓂᑦ, ᖃᐅᔨᓴᐃᓂᕐᒧᑦ, ᐊᒻᒪ ᐊᔾᔨᑲᓴᖏᓐᓂᒃ ᐱᔾᔪᑎᖃᖅᑐᑦ ᓄᓇᐃᑦ.

ᐱᕙᓪᓕᐊᑎᑦᓯᓂᖅ

ᓇᓕᐊᑐᐃᓐᓇᖅ ᓂᐅᕐᑎᒃᓴᓕᐅᖅᐸᒃᑐᑦ ᐅᕝᕙᓗ ᓴᓇᕝᕕᒡᔪᐊᖃᖅᑐᑦ ᐱᓕᕆᐊᑦ, ᓄᓇᓕᑦ ᒐᕙᒪᒃᑯᖏᓐᓂ, ᑲᓇᑕᐅᑉ ᐊᒡᒍᖅᑐᖅᓯᒪᓂᖏᓐᓂ, ᐅᕝᕙᓗ ᑲᓇᑕᐅᑉ ᒐᕙᒪᒃᑯᖏᓐᓂ ᐱᓕᕆᔭᐅᔪᑦ ᐅᕝᕙᓗ ᐱᓕᕆᔭᐅᓂᑯᑦ ᐅᖓᕙᕆᐊᖅᑕᐅᔪᑦ, ᓄᓇᒥ ᐅᕝᕙᓗ ᐃᒪᖓᓂ ᓄᓇᕗᑦ ᐃᓗᐊᓂ ᐊᒻᒪ ᐊᒡᒍᖅᑐᖅᓯᒪᓂᐅᔪᑦ I ᐊᒻᒪ II ᑭᓯᓂᓕ ᐱᖃᓯᐅᔾᔨᓯᒪᖏᑦᑐᖅ ᐅᒥᐊᕐᔪᐊᒃᑯᑦ ᐅᓯᑲᖅᑐᖅᐸᒃᑐᓂᒃ, ᐊᒻᒪ ᐆᒪᔪᐃᑦ ᖃᐅᔨᓴᖅᑕᐅᓂᖏᓐᓂᒃ ᐅᕝᕙᓗ ᐊᑐᕐᓂᕐᒥᒃ ᐊᖏᖅᑕᐅᓯᒪᔪᓂᒃ ᒪᓕᒡᓗᒍ ᓄᓇᑖᕈᑎᓂ ᓈᓴᐅᑎᖓ 5.

ᐊᕙᑎᒥᐅᑕᑦ

ᐊᒃᑐᐊᓂᖃᖅᑐᖅ ᐱᔭᕐᓂᖏᑦᑐᓄᑦ ᓄᓇᒥᐅᑕᐅᔪᓄᑦ ᐊᒻᒪ ᐊᕙᑎᒥᐅᑕᐅᔪᓄᑦ ᐃᓗᓕᖏᑦ ᓄᓇᐃᑦ ᓄᓇᒥᐅᑕᓪᓗ.

ᐃᓅᓕᐊᖃᕋᓱᖕᓂᕐᒧᑦ ᐆᒪᔪᒥᒃ ᑐᖁᑦᓯᓂᖅ

ᓂᕐᔪᑎᒥᒃ ᑐᖁᑦᓯᑎᓪᓗᒋᑦ ᐃᓅᓕᐊᖃᕋᓱᐊᕐᓗᓂ ᑲᑉᐱᐊᓈᕿᓕᖅᑎᓪᓗᒋᑦ ᐅᕝᕙᓗ ᓴᐳᒻᒥᒡᓯᕋᓱᐊᕐᓗᓂ ᐃᓅᑉ ᐱᖁᑎᖓᓂᒃ, ᐅᕝᕙᓗ ᓂᕿᒃᓴᕐᓯᐅᕐᓗᑎᒃ ᑳᓕᖅᑎᓪᓗᒋᑦ. ᑕᐃᒪᐃᑦᑐᓂᒃ ᐊᑐᕈᓐᓇᖅᑐᑦ ᐊᑐᖏᑲᐃᓐᓇᕐᓗᒋᑦ ᐊᓯᖏᑦ ᐃᓗᐊᓃᑦᑐᑦ ᓈᓴᐅᑎᖓᑕ 5 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ (s. 5.6.52-5.6.55).

ᓄᖑᓐᓂᐊᖅᑐᒋᔭᐅᓕᖅᑐᑦ ᐆᒪᔪᑦ

ᐱᕈᖅᑐᑦ

ᐱᖃᓯᐅᔾᔨᓯᒪᖏᑦᑐᖅ ᓇᐹᑐᓂᒃ ᓂᐅᕐᕈᑎᒃᓴᓕᐊᖑᔪᓂᒃ ᕿᔫᓗᑎᒃ ᐅᕝᕙᓗ ᐃᒡᓗᒃᓴᓂᒃ ᕿᔪᖕᓂᒃ, ᑭᓯᐊᓂᓕ ᐱᖃᓯᐅᔾᔨᓯᒪᔪᖅ ᐊᑐᖅᑕᐅᕙᒃᑐᓂᒃ ᐃᓄᖕᓄᑦ ᓄᓇᖏᓐᓂ, ᓄᓇᐃᓐᓇᕐᒥ ᐱᓕᕆᐊᖃᖅᑎᓪᓗᒋᑦ ᐊᒻᒪ ᓴᓇᔭᐅᓯᒪᔪᓂᒃ ᐊᒡᒐᖕᒧᑦ.

ᐊᒥᓖᑦ ᒥᖅᑯᓕᖕᓂᒃ

ᓂᕐᔪᑎᑦ ᑎᑎᕋᖅᑕᐅᓯᒪᔪᑦ ᐅᐃᒍᖓᓂ 5-2 ᓄᓇᕗᒥᓄᓇᑖᕈᑎᓄᑦ ᐊᖏᖃᑎᒌᒍᑎᓂ, ᐱᖃᓯᐅᔾᔨᓯᒪᔪᖅ ᖃᓪᓗᓈᑦ ᓄᓇᖓᓐᓂ ᓯᒃᓯᐅᔮᖅᑐᑦ squirrels, ᐅᑲᓖᑦ, ᑮᒋᐊᑦ, ᑎᕆᒐᓂᐊᑦ, ᐊᒪᕈᐃᑦ, ᖃᓪᓗᓈᑦ ᓄᓇᖓᓐᓂ ᐊᒪᕈᐃᑦ coyote, mustelids, ᖃᕐᕖᑦ, otter, ᑎᕆᐊᕐᔪᐊᑦ, marten, fisher, ᐱᑐᖅᓯᒐᖅ, ᐊᕕᓐᖓᕐᔪᐊᑦ, ᓇᓄᐃᑦ, skunk, ᐊᕕᓐᖓᐃᑦ, voles, marmot, ᓯᒃᓯᒃ, woodchuck.

ᐊᖑᔭᑦ

ᐅᓄᕈᓐᓃᖅᐸᓪᓕᐊᔾᔪᑎᖏᑦ ᓂᕐᔪᑎᑦ ᐱᓯᒪᔭᐅᔪᑦ, ᐱᖃᓯᐅᑎᓪᓗᒍ ᐊᖑᓇᓱᖕᓂᒃᑯᑦ, ᒥᑭᒋᐊᕐᓂᐊᕐᓂᒃᑯᑦ, ᐃᖃᓪᓕᐊᕐᓂᒃᑯᑦ, ᓄᓗᐊᕐᓂᐊᕐᓂᒃᑯᑦ, ᒪᓐᓂᒃᑕᕐᓂᒃᑯᑦ, ᓄᓂᕙᖕᓂᒃᑯᑦ, ᓄᐊᑦᓯᓂᒃᑯᑦ, ᐅᓈᕐᒧᑦ ᑐᖁᑦᓯᓂᖅ, ᐆᒪᔪᕐᓂᒃ ᐅᕝᕙᓗ ᑎᒍᓯᓂᖅ ᓇᓕᐊᑐᐃᓐᓇᕐᒥᒃ ᐆᒪᔪᓂᒃ (ᓈᓴᐅᑖ 1 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ).

ᐊᖑᔭᓂᒃ ᖃᐅᔨᓴᐃᓂᖅ

ᓄᓇᕗᒥ ᐆᒪᔪᑦ ᐊᖑᔭᐅᕙᓪᓕᐊᔪᑦ ᖃᐅᔨᓴᖅᑕᐅᓂᖏᑦ ᓇᓗᓇᐃᖅᑕᐅᓯᒪᔪᖅ ᐃᓚᖓᓂ 4 ᓈᓴᐅᑎᖓ 5 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ.

ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ ᑎᒥᖏᑦ (HTO)

ᓄᓇᓕᖕᓂ ᐊᖑᓇᓱᒃᑐᓕᕆᔨᖏᑦ ᑎᒥᖁᑎᖁᑎᖃᖅᑐᐃᓐᓇᐅᕗᑦ ᓄᓇᓕᓕᒫᑦ ᐊᑐᓂ (ᐊᒻᒪ ᓄᓇᓕᕋᓛᖑᔪᑦ ᐃᒻᒥᒃᑯᑦ ᑎᒥᖁᑎᖃᕈᒪᔪᑦ) ᓄᓇᕗᑦ ᐃᓗᐊᓂ. ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ ᑎᒥᖏᑦ ᑲᒪᒋᔭᖃᖃᑦᑕᖅᐳᑦ ᐆᒪᔪᑦ ᒥᐊᓂᕆᔭᐅᓂᖏᓐᓄᑦ ᐃᓚᒋᔭᐅᔪᓄᑦ. ᓴᓐᖏᓂᕐᒥᒃ ᐱᕙᒃᑐᑦ ᑕᐃᑲᓐᖓᑦ ᓈᓴᐅᑎᖓᒍᑦ 5.7 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ; ᐱᓕᕆᐊᒃᓴᖏᓪᓗ ᑲᒪᒋᔭᒃᓴᖏᑦ ᓇᓗᓇᐃᖅᑕᐅᓯᒪᓪᓗᑎᒃ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓᓂ 5.7.3.

ᓄᓇᕐᔪᐊᕐᒥ ᐊᖏᖃᑎᒌᒍᑎᑦ

ᓂᕐᔪᑎᓄᑦ ᐊᖏᖃᑎᒌᒍᑎᑦ ᐊᑯᕐᖓᓐᓂ ᑲᓇᑕᐅᑉ ᒐᕙᒪᒃᑯᖏᑕ ᐊᒻᒪ ᐊᑕᐅᓯᐅᑉ ᐅᓄᕐᓂᖅᓴᓪᓘᓐᓃᑦ ᓄᓇᖅᑲᑎᒋᓐᖏᑕᑦᑎᓐᓄᑦ ᑲᓇᑕᐅᑉ ᓯᓚᑖᓂ ᒐᕙᒪᐅᔪᓄᑦ ᐅᕝᕙᓗ ᑲᑐᔾᔨᖃᑎᒌᖏᓐᓄᑦ ᑲᓇᑕᐅᑉ ᓯᓚᑖᓂ ᓄᓇᖅᑲᑎᒋᓐᖏᑕᑦᑎᓐᓂ.

ᐃᓄᖕᓄᑦ ᐱᒋᔭᐅᓂᖓᓂᒃ ᓇᓗᓇᐃᒃᑯᑕᖅ

ᓇᓕᐊᑐᐃᓐᓇᖅ ᑎᒥᐅᔪᖅ ᓄᐊᑦᓯᖃᑦᑕᖅᑐᖅ ᒪᓕᒐᐃᑦ ᒪᓕᒃᑕᐅᓪᓗᑎᒃ ᐱᓕᕆᐊᒃᓴᖏᓐᓂᒃ ᐱᓕᕆᑎᓪᓗᒋᑦ ᓄᓇᕗᑦ ᐃᓗᐊᓂ ᐊᒻᒪ ᐅᑯᐊ a) ᓕᒥᑎᓐᖑᔪᑦ ᑲᒻᐸᓂᑦ 52%-ᖏᑦ ᑲᒻᐸᓂᐅᔪᑦ ᓂᕈᐊᕈᓐᓇᖅᑎᓪᓗᒋᑦ ᓄᓇᕗᒥ ᓄᓇᑖᖃᑕᐅᓯᒪᔪᓄᑦ ᓇᖕᒥᓂᕆᔭᐅᓪᑎᓗᒃ ᐃᓄᖕᓄᑦ; b) ᐃᑲᔪᖃᑎᒌᖕᓂᒃᑯᑦ ᑲᑐᔾᔭᐅᓪᓗᓂ ᐊᐅᓚᑕᐅᔪᖅ ᐃᓄᖕᓄᑦ; ᐅᕝᕙᓗ c) ᐃᓄᒃ ᓇᖕᒥᓂᖃᖅᑐᖅ ᐊᑕᐅᓯᖅ ᐅᕝᕙᓗ ᑕᐱᖃᕐᖢᓂ.

ᐃᓄᐃᑦ ᖃᐅᔨᒪᔭᑐᖃᖏᑦ (IQ)

ᓄᓇ (ᓈᓴᐅᑎᖓ 11; ᓄᓇᐅᑉ ᐊᑐᖅᑕᐅᓂᒃᓴᖓᓄᑦ ᐸᕐᓇᐃᔾᔪᑎᑦ)

ᐱᖃᓯᐅᔾᔨᓯᒪᔪᖅ ᐃᒪᕐᒥᒃ ᐊᒻᒪ ᖃᐅᔨᒪᔾᔪᑎᑦ ᐱᖃᓯᐅᔾᔭᐅᓯᒪᔪᑦ ᓂᕐᔪᑎᓄᑦ.

ᐃᑭᕐᒥᐅᑕᑦ

ᑲᓇᑕᐅᑉ ᐃᓗᐊᓂ ᐃᒪᖁᑎᖏᑦ ᐅᕝᕙᓗ ᓄᓇᕗᑦ ᐃᓗᐊᓂ ᐃᒪᖁᑎᖏᑦ ᑕᕆᐅᖅ, ᓯᖁᖃᓐᖏᑎᓪᓗᒍ, ᐅᕝᕙᓗ ᓯᑯᓯᒪᑎᓪᓗᒍ, ᐃᓗᐊᓃᑦᑐᖅ ᓄᓇᕗᑦ, ᑭᓯᐊᓂᓕ ᐱᖃᓯᐅᔾᔨᓯᒪᖏᑦᑐᑦ ᓄᓇᖅᐸᓯᖕᒥ ᐃᒪᕐᓂᒃ. ᖃᐅᔨᓇᕐᓂᖅᓴᐅᖁᓪᓗᖑ, ᑎᑎᕋᖅᓯᒪᔪᑦ ᓄᓇᖅᑲᐸᓯᖕᒥ ᐃᒪᐃᑦ ᐅᕝᕙᓗ ᓄᓇᕗᒥ ᑕᕆᐅᖓ ᐱᖃᓯᐅᔾᔨᕗᖅ ᐃᖅᑲᖓᓂᒃ ᐊᒻᒪ ᐊᑖᓃᑦᑐᒥᒃ ᓄᓇᒥᒃ ᐃᖅᑲᖓᓃᑦᑐᑦ ᐃᒪᐅᑉ ᑲᓇᑕᒥ ᐅᕝᕙᓗ ᓄᓇᕗᒥ ᑕᕆᐅᖅ.

ᓂᐅᕐᕈᑎᖃᕐᓂᖅ

ᓂᐅᕕᐊᒃᓴᑦ ᐅᕝᕙᓗ ᐊᓯᖏᑦ ᓂᐅᕐᕈᑕᐅᖃᑦᑕᖅᑐᑦ, ᓴᓇᓯᒪᓇᑎᒃ, ᑭᓯᐊᓂ ᐱᖃᓯᐅᔾᔨᓯᒪᖏᑦᑐᖅ ᓂᐅᕕᕐᕕᖕᒥᓐᖓᔭᓂᒃ ᓂᕿᖁᑎᖏᓐᓂᒃ ᓂᕆᕕᐅᑉ.

ᑕᕆᐅᕐᒥᐅᑕᑦ ᐳᐃᔨᑦ

ᑐᑭᖃᖅᑐᖅ ᐃᖃᓗᖕᓂᒃ ᐱᖃᓯᐅᔾᔨᓯᒪᔪᖅ ᐃᓚᖏᓐᓂᒃ ᐃᖃᓗᐃᑦ, ᐃᖅᑲᕐᒥᐅᑦ ᑯᑭᐅᔭᓕᑦ, ᓯᓚᑖᒍᑦ ᓴᐅᓂᓕᑦ, ᐳᐃᔨᑦ ᐊᒻᒪ ᐃᓚᖓᓂᒃ ᑯᑭᐅᔭᖃᖅᑐᑦ, ᓯᓚᑖᒍᑦ ᓴᐅᓂᓕᑦ, ᐅᕝᕙᓗ ᐳᐃᔨᓂᒃ, ᐊᒻᒪᓗ ᒪᓐᓂᖕᓂᒃ, ᖃᐸᖏᓐᓂᒃ, ᐃᖃᓗᐃᑦ ᐃᕐᓂᐅᖅᑕᖏᓐᓂᒃ, ᒪᓐᓂᖏᓐᓂᒃ, spat, ᐊᒻᒪ ᐱᕈᕋᓱᐊᓕᖅᑎᓪᓗᒋᑦ ᐃᖃᓗᐃᑦ, ᑯᑭᐅᔭᖃᖅᑐᑦ, ᓯᓚᑖᒍᑦ ᓴᐅᓂᓕᑦ, ᐊᒻᒪ ᐳᔨᐃᓂᒃ.

ᑎᑭᑦᑕᖅᑐᑦ ᑎᖕᒥᐊᑦ

ᑖᒃᑯᐊ ᑕᐃᔭᐅᓯᒪᔪᑦ ᐅᐃᒍᖓᓂ 5-3 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ; ᑎᑭᑦᑕᖅᑐᑦ ᑎᖕᒥᐊᑦ ᐅᑯᐊᖑᓂᕋᖅᑕᐅᕗᑦ ᑲᖑᐃᑦ/ᓂᕐᓕᑦ, ᒥᑎᑦ, ᖁᒡᔪᐃᑦ, ᑕᑎᒡᒐᕐᔪᐊᑦ, rails, coots, gallinules, pigeons, ᑕᒡᕖᑦ, plovers, ᓯᒡᔭᕆᐊᑦ, phalaropes, allies, ᐊᒻᒪ ᓯᒡᔭᕐᒥᐅᑕᑦ ᑎᖕᒥᐊᑦ ᐱᖃᓯᐅᑎᓪᓗᒋᑦ godwits, curlews, tattlers, turnstones, woodcocks, snipes, dowitche ᐊᒻᒪ knots.

ᑕᒫᓂᕐᒥᐅᑕᑐᖃᐅᖏᑦᑐᑦ ᐆᒪᔪᑦ

ᐊᖑᓇᓱᖕᓂᕐᒧᑦ ᒪᓕᒐᐃᑦ

ᑭᒡᓕᓕᐊᕆᔭᐅᓯᒪᔪᑦ ᖃᓄᐃᑦᑐᑐᐃᓐᓇᐃᑦ, ᑭᑭᓪᓗᒍ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᑦ, ᐊᒻᒪ ᐱᖃᓯᐅᔾᔨᓯᒪᔪᓐᓇᖅᑐᑦ ᒪᓕᒐᖃᖅᑎᑦᓯᓂᕐᒥᒃ ᐊᕐᕌᒍᑉ ᐃᓗᐊᓂ ᖃᖓᒃᑯᑦ ᐊᖑᓇᓱᒍᓐᓇᖅᑕᐅᔪᓂᒃ, ᐊᕐᓇᓪᓘᓂᖓᓂᒃ/ᐊᖑᓴᓪᓘᓂᖓᓂᒃ ᓂᕐᔪᑎᐅᑉ, ᓂᕐᔪᑎᐅᑉ ᐊᒃᑎᒋᓂᖓᓂᒃ, ᐅᑭᐅᖓ ᓂᕐᔪᑎᐅᑉ, ᐅᕝᕙᓗ ᖃᓄᐃᑦᑐᒥᒃ ᐊᑐᕐᖢᓂ ᐊᖑᔭᐅᖕᒪᖔᑦ.

ᓄᓇᕗᒥ ᐊᕙᑎᓕᕆᓂᕐᒧᑦ ᕿᒥᕐᕈᔨᑦ ᑲᑎᒪᔨᖏᑦ (NIRB)

ᐱᓕᕆᕕᖁᑎᖓ ᑭᓇᒃᑯᑐᐃᓐᓇᕐᓄᑦ ᒐᕙᒪᖃᖅᑐᓄᑦ; ᐊᐅᓚᑕᐅᓪᓗᐊᑕᖅᑐᑦ ᓄᓇᕗᒥ ᐊᕙᑎᓕᕆᓂᕐᒧᑦ ᑲᑎᒪᔨᖏᓐᓂ ᓇᓗᓇᐃᖅᑕᐅᓯᒪᔪᑦ ᓈᓴᐅᑎᖓᓂ 12.2.2 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ.

ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ (NLCA)

ᓄᓇᑖᕈᑎᓄᑦ ᐊᖏᖃᑎᒌᒍᑎ ᐃᓗᐊᓂ ᑐᑭᖓ ᒪᓕᒡᓗᒍ ᓈᓴᐅᑎᖓᓂ .35 ᑲᓇᑕᐅᑉ ᑐᓐᖓᕕᒡᔪᐊᖓᓄᑦ ᐱᖁᔭᕐᔪᐊᓂ, ᐊᒻᒪ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ, ᑲᓇᑕᐅᑉ ᑐᓐᖓᕕᒡᔪᐊᖓᒍᑦ ᓴᐳᒥᐅᓯᖅᑕᐅᓯᒪᔪᖅ ᓄᓇᑖᕈᑎᑦ ᓴᓐᖏᓂᖅᓴᐅᓪᓗᑎᒃ ᐊᔾᔨᒌᖏᑦᑐᖃᕐᓂᖅᐸᑦ ᐱᖁᔭᕐᓂᒃ ᐅᕝᕙᓗ ᐊᑭᓴᖅᑐᐃᓯᒪᔪᖃᕐᓂᖅᐸᑦ.

ᓄᓇᕗᒥ ᐸᕐᓇᐃᔨᑦ ᑲᒥᓴᖏᑦ (NPC)

ᐊᐅᓚᓪᓗᐊᑕᖅᑕᖏᑦ ᓄᓇᕗᒥ ᐸᕐᓇᐃᔨᒃᑯᑦ ᑲᑎᒪᔨᖏᑕ ᓇᓗᓇᐃᖅᑕᐅᓯᒪᕗᑦ ᓈᓴᐅᑎᖓᓂ 11.4.1 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ

ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ (NSA)

ᓄᓇ ᓇᓗᓇᐃᖅᑕᐅᓯᒪᔪᖅ ᐃᓗᐊᓂ ᓈᓴᐅᑎᖓᑕ S. 3.ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ ᐊᒻᒪ ᑎᑎᕋᖅᑕᐅᓯᒪᔪᑦ ᐃᓗᐊᓂ ᐅᐃᒍᖓᑕ 3-1.

ᓯᓈᖅ

ᓄᓇᐃᑦ ᑭᒡᓕᖃᖅᑐᑦ ᐅᑯᓇᓂ a) ᐅᑭᐅᖅᑕᖅᑐᕐᒥ ᓄᓇᓐᖑᐊᒥ ᑐᑭᒧᑦ 73.40 ᐅᐊᖕᓇᖓᓂ Cape Liverpool ᒥᑦᑎᒪᑕᓕᐅᑉ ᐊᑭᐊᖓᓂ, b) ᓂᒋᐊᓂ ᓄᓇᓐᖑᐊᒥ ᑐᑭᒧᑦ 66.37 ᐅᐊᖕᓇᖓᓂ ᐱᖑᐊᕐᔪᖕᓂ ᕿᑭᖅᑖᖕᒥ, c) ᐱᖓᖕᓇᖓᓂ ᓯᒡᔭᖅᐸᓯᖏᑦ ᓄᓇᕗᑦ ᐃᑭᖓᓂ ᑭᒡᓕᖓᓂ ᑲᓇᖕᓇᖅᐸᓯᐊᓂ ᕿᑭᖅᑖᓗᖕᒥᐅᑦ ᕿᑭᖅᑕᖓᑕ ᓯᒡᔭᖓᓂᑦ, ᐊᒻᒪ d) ᐊᒻᒪ ᑲᓇᖕᓇᖓᓂ ᐊᖏᓂᖅᐹᖑᔪᖅ ᑭᒡᓕᖓ ᓯᓈᑉ (1963-1989) ᒪᓕᒡᓗᒍ ᓇᓗᓇᐃᖅᑕᐅᓯᒪᔪᖅ ᓄᓇᓐᖑᐊᒥ ᐅᐃᒍᖓᓂ 16-1 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ.

ᐃᓱᒪᒋᔭᐅᔪᑦ ᑭᓐᖒᒪᔭᐅᒋᐊᖏᓐᓂᒃ

ᓂᕐᔪᑎᑦ ᑎᑎᕋᖅᑕᐅᓯᒪᔪᑦ ᓈᓴᐅᑎᖓᓂ 5.6.5 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᐃᒪᐃᓕᖓᔪᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᓴᓇᓂᐊᖅᐳᑦ, ᑕᐃᒫᑐᐃᓐᓇᖅ ᐊᒻᒪ ᓇᓗᓇᐃᖅᓯᔾᔪᑎᓂᒃ ᐱᑕᖃᖏᒃᑲᓗᐊᕐᓗᑎᒃ, ᐃᓄᐃᑦ ᑭᓐᖒᒪᔭᖏᓐᓂᒃ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᓐᓂᒃ ᓴᖅᑭᑦᓯᓗᑎᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ.

ᒪᓕᒐᖏᑦ ᐱᐅᖅᓱᐊᕐᓂᐅᑉ

ᒪᓕᒐᖏᑦ ᐃᓗᐊᓂ ᓇᓗᓇᐃᖅᑕᐅᓯᒪᔪᑦ ᓈᓴᐅᑎᖓᓂ 5.1.5 ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ, ᐅᑯᐊᖑᕗᑦ (a) ᐊᕙᑎᐅᑉ ᑲᒪᒋᔭᐅᑦᑎᐊᕐᓂᖓ ᓄᓇᕗᑦ ᐃᓗᐊᓂ; (b) ᓴᐳᒻᒥᔭᐅᓂᖏᑦ ᓂᕐᔪᑎᑦ ᓇᔪᒐᖏᑦ; (c) ᐸᖅᑭᔭᐅᑦᑎᐊᕐᓂᖓ ᖃᓄᐃᖏᑦᓯᐊᕐᓗᑎᒃ, ᖃᓂᒪᖏᓪᓗᑎᒃ, ᐆᒪᔪᑦ ᐅᓄᕐᓂᕆᔭᖏᑦ ᐊᖑᓇᓱᒃᑕᐅᔪᓐᓇᕐᓂᐊᕐᒪᑕ ᒪᓕᒡᓗᒋᑦ ᑭᓐᖒᒪᔭᖏᑦ ᓇᓗᓇᐃᖅᑕᐅᓯᒪᔪᖅ ᓄᓇᑖᕈᑎᓂ ᓈᓴᐅᑎᖓ 5; (d) ᐅᑎᕐᔫᒥᑎᑕᐅᓂᖏᑦ ᐊᒻᒪ ᐅᓄᖅᓯᕙᓪᓕᐊᑎᑕᐅᓂᖏᑦ ᓄᖑᓕᓚᐅᖅᑑᒐᓗᐊᑦ ᓂᕐᔪᑎᑦ ᐊᒻᒪ ᓂᕐᔪᑎᑦ ᓇᔪᒐᖏᑦ.

ᓴᐳᒻᒥᔭᐅᔪᑦ ᓄᓇᐃᑦ

ᓇᓗᓇᐃᖅᓯᒪᑦᑎᐊᖅᑐᑦ ᓄᓇᓐᖑᐊᑎᒍᑦ ᑭᒡᓕᖓ ᐊᒻᒪ ᐃᓕᓴᕆᔭᐅᓯᒪᓪᓗᓂ ᓯᕕᑐᔪᒧᑦ ᐊᕙᑎ ᐊᕙᑎᒥᐅᑕᓪᓗ ᐱᐅᖅᓱᐊᖅᑕᐅᔭᕆᐊᖃᕐᓂᖏᓐᓂᒃ ᐊᒻᒪ ᐊᑑᑎᖃᕐᓗᑎᒃ ᐃᓕᖅᑯᓯᕆᔭᐅᔪᒧᑦ.

ᐊᒡᒍᖅᑐᖅᓯᒪᓂᕐᒥ ᐆᒪᔪᓕᕆᓂᕐᒧᑦ ᑲᑎᒪᔨᑦ ᑎᒥᖓᑦ (RWO)

ᐱᖓᓲᖕᒪᑕ ᐊᒡᒍᖅᑐᖅᓯᒪᓂᕐᒥ ᐆᒪᔪᓕᕆᓂᕐᒧᑦ ᑎᒥᖁᑎᖏᑦ ᓄᓇᕗᒥ, ᐊᑕᐅᓯᕐᒥᒃ ᑎᒥᖁᑎᖃᖅᑐᑦ ᐊᑐᓂ ᐊᒡᒍᖅᑐᖅᓯᒪᓂᕐᒥᐅᑕᑦ, ᑖᒃᑯᐊ ᑲᒪᒋᔭᖃᖃᑦᑕᖅᑐᑦ ᒥᐊᓂᖅᓯᓂᕐᒥᒃ ᐊᖑᓇᓱᖕᓂᖏᓐᓄᑦ ᐃᓚᒋᔭᐅᔪᑦ ᓄᓇᓕᖕᓂ ᐊᖑᓇᓱᒃᑐᓕᕆᓂᕐᒧᑦ ᑎᒥᖁᑎᖏᓐᓂ ᐊᒡᒍᖅᑐᖅᓯᒪᓂᖓᑕ ᐃᓗᐊᓂ. ᐱᔪᓐᓇᕐᓂᖅᑖᖅᑎᑕᐅᓯᒪᔪᑦ ᓈᓴᐅᑎᖏᑎᒍᑦ 5.7 ᓄᓇᕗᒥ ᓄᓇᑖᕈᑎᓂ ᓇᓗᓇᐃᖅᑕᐅᓯᒪᔪᑦ ᐱᓕᕆᐊᒃᓴᖏᑦ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑖᒍᑦ 5.7.6.

ᖃᐅᔨᓴᖅᑎᒻᒪᕆᑦ ᖃᐅᔨᒪᓂᖏᑦ

ᖃᐅᔨᒪᓂᐅᔪᑦ ᓄᐊᑕᐅᓗᑎᒃ ᖃᐅᔨᓴᐃᓂᒃᑯᑦ ᐊᒻᒪ ᐊᖅᑭᒡᓱᖅᑕᐅᓯᒪᓂᖏᑎᒍᑦ ᑭᓱᑐᐃᓐᓇᕐᒧᑦ ᑐᕌᖓᔪᑦ ᑐᓐᖓᕕᐅᔪᑦ.

ᐆᒪᔪᑦ

ᓂᕐᔪᑎᑦ ᓇᓕᐊᑐᐃᓐᓇᖅ ᐅᕝᕙᓗ ᓇᓗᓇᐃᖅᑕᐅᓯᒪᔪᑦ ᑎᑭᑦᑕᖅᐸᒃᑐᑦ ᓂᕐᔪᑎᑦ ᐃᓗᐊᓂ ᐆᒪᔪᑦ ᐊᒡᒍᖅᑐᖅᓯᒪᓂᖏᓐᓂ ᐅᕝᕙᓗ ᐆᒪᔪᐃᑦ ᐅᓄᕐᓂᖏᓐᓂ.

ᐊᒥᐊᒃᑯᑦ

ᑕᐃᒪᓕ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᑦ ᐅᕝᕙᓗ ᐋᖅᑭᒋᐊᖅᑕᐅᓯᒪᔪᑦ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᑦ ᐃᓄᐃᓴᖕᓂᖅᓴᐅᒃᐸᑕ ᑲᑎᓐᖓᔪᑦ ᐆᒪᔪᖅᑕᐅᔪᓐᓴᖅᑐᑦ ᑭᒡᓕᖏᓐᓂᒃ ᐆᒪᔪᕐᓄᑦ, ᑖᒃᑯᐊ ᐊᒥᐊᒃᑯᖏᑦ ᐊᔾᔨᒋᖏᓐᓂᖓ ᐊᑯᓐᓂᐊᑕ ᐋᖅᑭᒋᐊᖅᑕᐅᓯᒪᔪᑦ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᑦ ᐊᒻᒪ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᑦ ᐊᒻᒪ, ᐋᖅᑭᒋᐊᖅᑕᐅᓯᒪᓐᓂᖏᑉᐸᑕ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᑦ, ᐊᔾᔨᒋᖏᓐᓂᕆᔭᖓᓗ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᑦ ᐊᒻᒪ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᑦ. ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐋᖅᑭᒡᓯᔭᕆᐊᖃᖅᐳᑦ ᑐᓂᓯᐅᖅᑲᐃᓂᕐᒥᒃ ᐊᒥᐊᒃᑯᖏᓐᓂᒃ ᐆᒪᔪᒐᒃᓴᑦ ᒪᓕᒃᑕᐅᓗᑎᒃ 5.6.31 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ.

ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᑦ (TAH)

ᐅᓄᕐᓂᖏᑦ ᓂᕐᔪᑎᑦ ᒪᓕᒐᐃᑦ ᒪᓕᒡᓗᒋᑦ ᐆᒪᔪᖅᑕᐅᔪᓐᓇᖅᐸᑕ ᒪᓕᒡᓗᒋᑦ ᓴᓇᔭᐅᓯᒪᔪᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ ᐊᑐᕐᓗᒍ ᓈᓴᐅᑎᖓ s 5.6.16 ᑎᑭᓪᓗᒍ 5.6.18 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ.

ᐃᓄᐃᑦ ᐊᕙᑎᒧᑦ ᖃᐅᔨᒪᔭᑐᖃᖏᑦ

ᒪᓕᒡᓗᒍ ᐊᓲᑉ ᐅᖃᐅᑎᒋᓯᒪᔭᖏᑦ (ᑕᑯᓗᒋᑦ ᑎᑎᕋᖅᓯᒪᔭᖓ ᑕᐃᔭᐅᔪᖅ Arctic vol. 53 no. 2, ᔫᓂ 2000) ᐱᖃᓯᐅᔾᔨᓯᒪᕗᑦ ᑎᓴᒪᓂᒃ ᐅᑯᓂᖓ ᐃᓗᓕᖏᓐᓂᒃ: ᐱᓪᓚᕆᒃᑐᓂᒃ/ᐃᔾᔪᑎᖏᑦ ᖃᐅᔨᒪᓂᐅᔪᑦ ᐊᕙᑎᐅᑉ ᒥᒃᓵᓄᑦ; ᖃᐅᔨᒪᓂᓪᓚᕆᐅᔪᑦ ᑭᖑᓂᑦᑎᓐᓂᓐᖔᖅᑐᑦ ᐊᒻᒪ ᐅᓪᓗᒥᓂᓴᐃᑦ ᐊᑐᖅᑕᐅᖃᑦᑕᖅᑐᑦ ᓄᓇᒥ; ᐃᓕᖅᑯᓯᒃᑯᑦ ᑐᓐᖓᕕᖃᖅᑐᑦ ᑎᑎᕋᖅᓯᒪᔪᑦ ᐅᖃᐅᓯᖃᖅᑐᑦ ᖃᓄᖅ ᐱᐅᓯᖃᕆᐊᖃᕐᒪᖔᑕ, ᐊᒻᒪ ᓇᓕᐊᒃ ᓇᓛᒎᕐᒪᖔᑕ ᐊᒻᒪ ᑕᒻᒪᖏᓪᓗᑎᒃ ᐱᖅᑯᓯᐅᔪᑦ, ᐱᖃᓯᐅᑎᓪᓗᒍ ᐃᓅᑦᑎᐊᕐᓂᕐᒧᑦ ᐅᕝᕙᓗ ᐱᐅᓯᐅᔭᕆᐊᖃᖅᑐᓄᑦ ᑎᑎᕋᖅᓯᒪᔪᑦ ᖃᓄᖅ ᐃᓕᖅᑯᓯᖃᕆᐊᖃᕐᒪᖔᑕ ᐱᓪᓗᒋᑦ ᐆᒪᔪᑦ ᐊᒻᒪ ᐊᕙᑎᐅᑉ, ᐊᒻᒪ ᑭᒃᑯᑐᐃᓐᓇᐃᑦ ᖃᓄᐃᖏᑦᓯᐊᕆᐊᖃᕐᓂᖏᓐᓄᑦ ᐃᓗᐃᑦᑐᑦᓯᐊᖑᓗᑎᒃ; ᐊᒻᒪ ᑐᓴᒐᒃᓴᑦ ᐱᔭᐅᓯᒪᔪᑦ ᑕᑯᔭᐅᖃᑦᑕᖅᑐᓂᑦ, ᐊᑐᖅᑕᐅᓯᒪᔪᓂᑦ, ᐊᒻᒪ ᑎᓕᓯᔾᔪᑎᑦ ᐋᖅᑭᒡᓱᖅᑕᐅᓲᖑᕗᑦ ᓇᓗᓇᐃᖅᓯᔾᔪᑕᐅᓂᐊᕐᓗᑎᒃ ᐊᒻᒪ ᑐᑭᒧᐊᒍᑕᐅᓂᐊᕐᓗᑎᒃ. ᑖᑦᓱᒪ ᑐᑭᖓ ᐱᔭᐅᓚᐅᖅᓯᒪᔪᖅ ᐋᕐᓗᒃ ᐅᓂᒃᑳᓕᐊᖏᓐᓂᑦ ᐊᖏᕈᑕᐅᓯᒪᔪᑦ ᑲᑎᒪᔨᓄᑦ ᐊᕐᕌᒍᐊᓂ 2009).

ᓂᕐᔪᑎᑦ

ᐱᔾᔪᑎᒋᓪᓗᒍ ᓈᓴᐅᑎᖓ 5 ᓄᓇᑖᕈᑎᓂ ᐃᓘᓐᓇᖏᑦ ᓄᓇᒥᐅᑕᑦ, ᐃᒪᕐᒥᐅᑕᑦ, ᑎᖕᒥᐊᑦ ᐊᒻᒪ ᖁᐱᕐᕈᒐᓚᐃᑦ ᐱᕈᖅᑐᓪᓗ ᐊᒻᒪ ᓄᓇᐃᑦ ᐊᒻᒪᓗ ᐃᓚᓕᒫᖏᑦ; ᓈᓴᐅᑎᖓ 6 ᑐᑭᖏᑦ ᐱᖃᓯᐅᔾᔨᓯᒪᖏᑦᑐᖅ ᓄᓇᒥᒃ.

ᐊᒡᒍᖅᑐᖅᓯᒪᓂᖅ 1

ᑖᒃᑯᐊ ᐃᒪᐃᑦ ᐅᖓᑖᓃᑦᑐᑦ 61 degrees ᑐᑭᒧᑦ ᓄᓇᓐᖑᐊᒃᑯᑦ ᑲᓇᑕᐅᑉ ᒐᕙᒪᒃᑯᖏᑕ ᐱᔪᓐᓇᕐᓂᖃᕐᕕᒋᔭᖏᑕ ᐃᓗᐊᓂ ᐃᑭᕐᒧᑦ ᑎᑭᓪᓗᒍ ᓄᓇᕗᒥ ᐃᑭᖓᓂ ᑭᒡᓕᖓ ᐆᒃᑐᖅᑕᐅᓯᒪᔪᖅ ᑎᑎᖅᑕᐅᓯᒪᓪᓗᑎᒃ ᒪᓕᒃᑕᐅᓪᓗᑎᒃ ᓄᓇᕗᑦ ᐃᑭᖓᓄᑦ ᓄᓇᓐᖑᐊᒥ ᓇᓗᓇᐃᒃᑯᑕᖏᑦ ᐅᑯᐊ (ᐃᓚᖓ 7) ᑎᓕᓯᔾᔪᑦ SOR/85-872 ᐃᓚᒋᔭᐅᖏᑦᑐᑦ ᓄᓇᕗᒥ ᓄᓇᑖᕆᔭᐅᓯᒪᔪᑦ.

ᐊᒡᒍᖅᑐᖅᓯᒪᓂᖅ 1 - ᐱᑐᐃᓐᓇᐅᖏᑦᑐᒃᑯᑦ ᐱᐅᖅᓱᐊᖅᑕᖅ (ᓄᓇᑖᕈᑎᓂ ᓈᓴᐅᑖ 8; ᒥᓐᖑᐃᖅᓯᕐᕕᑦ)

ᓇᓗᓇᐃᖅᑕᐅᓯᒪᔪᑦ ᐃᓗᓕᖏᑦ ᐱᑐᐃᓐᓇᐅᖏᑦᑐᒃᑯᑦ ᐱᐅᖅᓱᐊᖅᑕᐅᔭᕆᐊᓕᑦ ᐱᓪᓗᒍ ᐃᓗᓕᖃᕐᓂᖏᓐᓄᑦ ᐅᕝᕙᓗ ᐃᓚᖃᕐᓂᖏᓐᓄᑦ ᐊᔾᔨᐅᖏᑦᑐᓂᒃ, ᑕᑯᔭᐅᒐᔪᖏᑦᑐᓂᒃ, ᐅᕝᕙᓗ ᐃᓄᐃᓴᓗᐊᖅᑐᒋᔭᐅᓕᖅᑐᓂᒃ ᐅᕝᕙᓗ ᐱᐅᓂᖅᐹᑦ ᐆᒃᑑᑎᒃᓴᑦ ᓄᓇᐅᑉ ᖃᓄᐃᓕᖓᓂᖓᓄᑦ.

ᐊᒡᒍᖅᑐᖅᓯᒪᓂᖅ II

ᑕᕆᐅᖓ ᔭᐃᒻᔅ ᐸᐃᒥ, ᑕᓯᐅᔭᕐᔪᐊᖓᓂ ᕼᐊᓐᓴᓐ ᐸᐃ, ᐊᒻᒪ ᕼᐊᓴᓐ ᓯᑐᕋᐃᑦ ᐃᑭᕋᓴᖓᓂ ᐃᓚᖏᔭᐅᖏᑦᑐᑦ ᓄᓇᕗᒧᑦ ᐅᕝᕙᓗ ᐊᖏᓯᓐᓄᑦ ᓄᓇᑖᕈᑕᐅᓯᒪᔪᓄᑦ.

ᐊᒡᒍᖅᑐᖅᓯᒪᓂᖅ II - ᐃᓄᐃᓪᓚᖅ (ᓄᓇᑖᕈᑎᓂ ᓈᓴᐅᑖ 8; ᒥᓐᖑᐃᖅᓯᕐᕖᑦ)

ᐊᖏᔪᑲᓪᓚᑦ ᓄᓇᐃᑦ ᑭᒡᒐᖅᑐᐃᑦᓯᐊᖅᐳᑦ ᐊᑐᓂ ᐊᑐᖅᑕᐅᕙᓚᐅᖅᑐᓂᒃ ᓄᓇᓂᒃ ᑕᐃᒎᓯᖏᓐᓂᒡᓗ ᒥᓐᖑᐃᖅᓯᕐᕕᑦ ᐊᒻᒪ ᐆᒪᔪᖃᐅᓯᕝᕕᐅᖏᓐᓇᖅᑎᑕᐅᓂᐊᖅᑐᑦ.

Login Form