1) Hunauyuq CBMN Uukturautihimayuq Ilihautiyut?

Atulihaaqtuq uvani Disappa 2011 mi, una Nunaqatigiingmiuttat Amiqhaiyunit Havaqatigiiktut (CBMN) Uukturautiyut Ilihautiyut atauttimut katilviuhimayut ihumagivlugit Nunavunmiut anguniartunut avvagiingnahuarlutik qauyimayangit unalu ihivgiuqhimayangit haffuminngat uumayunit hivumuurlugillu kinguani ihuaqhinahuarlugillu uumayunit amiqhaiyut uukturautainit Nunavunmi. Inuit anguniayuktut iluani nunalingnit uvani Sanikiluaq, Arviat Iqaluktuuttiarmilu ilihautihimayut aturiangani piliriartaaqhimayauyut tigummilaartangit qaritauyait (taidjutilgit "MESAt") nipiliuringani uumayunit anngutikhait, uumayunit ihivgiurtangit unalu aullaartut inianit manirarmiitillutik. Ilaliutihimayut, anguniartut atuqhimayut mikiyumik ingilrutit (taidjutilik "Kestrels") taamna naunaiqhilaartut hilaup naunaitkutata. Una ihivgiurniit unalu ihivgiurtartut ukuninngat iniqhimayunit uukturautainit ilihautiyut ikayuutikhaq qanuq pinahuariangani hivunikhamut inikhautikhait hivituyumik uukturtangit unalu aturaariangani ilihautiyut Nunavunmi.

2) Tunngavikhautingit tunuanit hamna CBMN Uuktuqhimayangit Ilihautit?

Una CBMN uuktuqhimayangit ilihautit aullaartilihaaqhimayauyut haffuminngat Nunavut Uumayuliriyiryuat Katimayiit katimaqattautihimavlugit mikhaagut ukuninngat nunaqatigiikmiuttanut katimayiit, Aviktuqhimayumi Uumayuliriryuatkut Timingat (RWOt), Angunahuartiit Nunalingnit Katimayiit (HTOt), aahiit ilaudjutilgit, ukuninngallu ilihautihimayut inmikkut haffuminngat Nunavut Uumayuliriryuatkut Anguniartunut Ilihautit. Ilitarihimayangit ayuinningit qauyimayangillu haffuminngat Inuit anguniartunut, una CBMN uukturautingit ilihautiyut hivumuaqhutik ilaliutigiangani ilauqatauvaktut nunaqatigiingmiuttat anguniartunut hulipkainahuarnikkut ingilrutingillu piyumayainnit tahapkuat ilauqatauyut piliriarnut uumayunit naunaitkutata kititiqhimaningit aturiangat uumayuliriryuat aulattitiyut nunaqatigiiktunut, aviktuqhimayumi unalu nunallaami uukturautainit.

3) Qanuq Nunavunmiut nunalingnit ikayurtauniaqqut ukuninngat CBMN Uuktuqhimayangit Ilihautikhat?

Hapkuat havagluartangit ilauqatauyunit nunalingnit unalu anguniartunut ikayuutauniaqhunilu nakuurpiartumik naunaitkutit ihuaqhinahuarianganit uumayunit aulattitiyunit uukturautainit Nunavunmi. Nunalingnit tamatkiumayumik aturnartut inmikkut naunaitkutikhaanit, taimaa aturiangani amiqhainahuariangani nunaqatigiiktunut uumayunit akihautainit. Una uukturautait ilihautiyut pilihaariangani nunaqatigiiktunut havaanit ilihautikhainillu hulidjutit anguniartinut, unalu malruk ilainnaagut havaanikhait uvani tamainnut nunalingnit havakhimayut naunaitkutinut titirartiuyut. Hamna hivunikhautingit haffuminngat uukturautainit ilihautiyut ilaliutinahuaqhutik nunalingnit ingilrutikhait ayuinninganillu piyumayainnit amiqhainahuariangani una CBMN inmikkut hivuani ikayuqhimagiangani amiqhainikkut unalu ilauqataunirnut uumayulirinirnut aulattitinirnut.

4) Kitkut nunaqatigiiktut tikkuartauhimayut ilaunahuariangani ukuninngat CBMN Uuktuqhimayangit Ilihautikhait?

Ukuninngat Nunavut-tamainnut ilauqatauniit unalu ihivgiuqhiyakhait piliriyut, hapkuat nunalingnit Sanikiluaq, Arviat,Iqaluktuuttiarlu tikkuartauhimayut ilauqataugiangani ukuninngat CBMN uuktuqhimayangit ilihautikhait. Hapkuat kiuyauhimayangit turaarutaillu haffuminngat uuktuqhimayangit ilihautiyut uvani pingahut nunalingnit kinguanit ukiungani, amihut nunalingnit ilauqataulaaqhutik hivuani. Ilitturittiariangani nunalingnit ilauqatauyut ukuninngat CBMN, pulaarlutit uvani Nunalingni Ilaliutait makpiraut.

5) Qanuq hapkuat kititirtauniaqqat uumayunit naunaitkutit amiqhailutik?

Una Nunavunmi Uumayuliriryuat Katimayiit havaqatigiingniaqhutik ilauqatauhimayunit anguniartunit, Nunavut Tunngavik Timigutit, unalu Nunavut Inuit Uumayuliriryuangit Ministauqatigiit, unalu aahiit parnautit qanuq ihumaliurtakhait nakuurpiartumik uukturautainit tutquumanahuarlugit aturnahuarlugillu katitiqhimayangit uumayulirinit naunaitkutata. Ukuninngat ilaliutiqattartangit inikhaat, maliktakhainillu pilihaaqhimayauvlutik nakuurpiartumik amiqhainahuariangani haffuminngat uuktuqhimayangit ilihautit naunaiyaiyut.

 

Login Form