- Pivalliahimayut ukuninngat uumayunut hapumminahuarnikkut ivitaaqtut makpiraakhaq nutaqqanut.
- “Uumayunigaluarlutit” tatqiqhiutinut akiharnahuarnigut.
- Pivalliahimayut unalu naalangnaqtut kavamatkunni havaktunut tuhaumavikhait hivunigiyangillu qauyimapkainahuarlugillu haffuminngat uumayunut nayuqpagaillu hapumminahuarniq.
- Pivalliahimayut unalu tunihiyullu uuminngat Tutktut Aanniarutaata Titirauyaliuqhimayut parnauqatigiivlugit Nunatsiam Kavamangit.
- Pivalliahimayut unalu tunihihimayut uuminngat NWMB Maligautait Titirauyaliuqhimayuq.
- Ilauqatauhimayut makpiraaliuqhimayut nanminiriyangit “Tingmidjat Nunavunmiutait” makpiraaq, ikayuutauvlutik inittiaqhimayunit, nutaannguqtauhimayunit numiktiriniit makpiraanut.
- Tuniyauhimayut ahinut makpiraaliuqhimayut uvani ilaliutait haffuminngat makpiraanut ukuninngat Nunavutiup uumayuliriniit, ilaliutauhimayangit “Manirarmiuttait Huraat niryutillu amaammaktittiyuktut Nunavunmiut”, “Taryurmiuttat Huraat niryutillu amaammaktittiyuktut Nunavunmiut”, “Tingmidjat Nunavunmiut” unalu “Nauhimayut Nunavunmiut”.
- Tunihimayangit uvunga “Qaummallakatuk: Qauyihainigut Ihumaliugait haffuminngat Nunavut Ilihalihaaqhimayut Ilihaiyit (K-3)”.
- Ilaliutiyut maningnit ikayuutikhat ukuninngat makpiraaliurahuarnikkut makpiraanit hivunigivlugillu angikliktirnahuaqhugit qauyimayakhat ukuninngat uumayunut Nunavunmiunut nutaqqanut ilaliutihimayut:
- Uumajat II – inulrammiit nutaqqanut, una makpiraaq ilitquhilik qulinit uumayunit huradjanit. Inuktitut Qablunaatitullu numiktirihimayut makpiraaliuqtakhat.
- Kaakuluk – una malrurnik uqauhilik makpiraannuaq nutaqqanut ilihalihaaqtunut.
- Uumajut Makuktunut – una makpiraaq ukuninngat huradjanut inulrammiit angayukhiit nutaqqat, titiraqhimayuq Inuktitut.
- Pivalliahimayut takugakhat aallatqiinut hapummihimayut akihautait aktuqtauhimayut Nunavunmiunut iliharvingnit, ilihariaqpaallivingnit, unalu aahiit nunalingnit timiuyunut.
- Ilaliutihimayut tunihiyut qauyihaivlutik ukuninngat “Angutaugumik, arnaugumigluunniit unalu Ihumaliuqtakhanut Ukiuqtaqtumi Iqalukhiurnikkut ”.
- Ikayuqhimayut ukuninngat “Inuit Qaujimaningit Nanurnut Unipkaaliuqtut”, una titiraqhimayuq unipkaaliuqhimayullu Inuit qauyimayangit nanurnit inirnikhainnit nunalingnit Uqhuqtuurmi.
- Hanahimayangit naunaitkutikhait tuhagakhait qauyimapkainahuaqhugit haffuminngat NWMB’p inikhautait iluani uumayunit aulapkaiyunut Nunavunmi.
- Havakhimayangit iniqhugu alianaqtumik, ilitturnaqtuq ingilrutikhait taimaa nutaqqat ilittuiyakhait taryurmiuttat huraat niryutillu amaammaktittiyuktut tuhaumayakhait unalu turaarutikhaillu.
- Ikayuqhimavlutik manngit ukuninngat parnautikhait pilihaaqtakhait nunamiuttanit tuktut umingmaillu amiqhaiyunit piliriakhat Qausuittumi, Ausuittumilu.
- Ikayuqhimayut akiliugait ukuninngat havaariyakhanut ikayuqhugit ihuaqhainahuaqhugit taryurmiuttat huraat niryutillu amaammaktittiyuktut angunahuarnirnut unipkaaliuqhimayangit uuktuqtangit, ilaliutihimavlugillu tuhagakhautikhat titirauyaqhimayunillu ukuninngat unguvainahuaqhugit aanniarutilingnit taryurmiuttat huraat niryutillu amaammaktittiyuktut naunatikutikhaillu makpiraat nunaqatigiiktunut Anguniaqtiit timiuyunut.
- Ilaliutihimayut maniutigut hivunikhautikhait makpiraaliuqhutiglu tunihihimayullu ilaaqtuqtangit nutaqqat makpiraakhait haffuminngat ukiuqtaqtum uumayunut:
- Avati – una malrurnik uqauhilingnit makpiraaq inirnikhainit unipkaaliuqtangit ukuninngat uumayunit unalu avatait hivumuuqhugit ukuninngat IQ hivunikhaliurahuarnikkut haffuminngat Avatimik Kamattiarniq (avatingnut ukpiruhuutait).
- Maulirniq – una malrurnik uqauhilik makpiraaq tautukhugu ukpiruhuutait ilagiivlugillu anguniaqtunut, ihumagivlugillu anguniarnikkut mikhaagut aglumi (nattiup agluanit). Una makpiraaq hanayauhimayuq ilagiivlugit ihumagivlugillu Nunavunmiut anguniayuktunut.
- Pivut Ilaliutaa #4 – una makpiraannuaq malrurnik uqauhilingnit inuuhuktut ilihaqtunut; una ilaliutauhimayuq hivunigivlugulu pitquhiat qauyimayangit nattiinit unalu ihumagittiaqhugulu haffuminngat huraat ihumagiyauvagaat Inuit pitquhiagut.
- Ikayuqhimayangit hivunigivlugulu piannaliuqhimayangit ilitquhiqaqhutik 52 nit tingmidjat Nunavunmi iluani Nunavunmiut pingahunit uqauhilingnit (Inuktitut, Inuinnaqtun, Qablunaatitullu).
- Ilauqatauhimayut aallatqiit hulidjuhiit unalu takugakhait aallatqiit ilihautiryuanut kiugiaqaqqata.
