Nunavut Uumayuliriyiryuatkut (NWMB)

Una Nunavut Uumayuliriyiryuat Katimayiit (NWMB katimayiingit) Timiuyut haffuminngat Kavamaliqinirnut pilihaaqhutik 1994mi. Una NWMB pilihaaqhimayut angiqatigiikhutik ukuninngat Nunavut Nunataarutata Angirutit (NLCA), angiqtauniaqhimavluni uvani Mai 25, 1993 mi. Una NWMB ingilrutituanguyauyuq ukuninngat uumayuliriyiryuami unalu maligakhaliuqti haffuminngat aturtittiyut ukuninngat uumayuliriyunit uvani Nunavut Nunatarviup Iluani. Una NWMBtkut hivumuurtangit “hapumminahuartangit uumayuliriniit ukuninngat aturtakhanut haffuminngat Inuit Qaujimajatuqangit unalu qauyihainirnut qauyimayangit." Una NWMB havaktakhait hapumminahuarlugit uumayuliriniit unalu uumayut nayurviat aturaarnahuarlugit ikayuqhimalugillu tamainnut Nunavunmiunit ihumagittiarlugillu Inuit anguniarvikhait piyunnautingit hivulliutingillu.


IMG-Golder Kuapuriisan

IMG-Golder Kuapuriisan (IMG-Golder) Inuvialuit avatilirinirnut kiuqattarpaktut kampaniuyut, atauttimut nanminiqhautauyut ukuninngat Inuvialuit nanminiqaqtunut parnautit unalu Golder Ilagiyauyunut Ltd. Nayurviata uvaniittut Inuvialuit Nunatarviup Aviktuqhimayumi Nutasiarmi, qulinit ukiunganit atulihaaqhutik, IMG-Golder tunihimayut hivituyumik nutaangurpiarmik, avatinut unalu havaaliuqhimayunit ikayuutit ukuninngat nanminiqaqtunut kavamaliqinirnut ilaitaa piyumayainnit tamainnut Kanatam Qutingnikpaakkut unalu ahiqanngittunullu iluani Ukiuqtaqtumi.


Golder Ilagiyauyunut Ltd.

Golder Ilagiyauyunut Ltd. (Golder Ilagiyauyunut) hilaryuarmit katimayiuyut kiuvikhaqattaqhutik kampaniit hivumuuqattartut uvani avativut qauyihainirnut havaktukhaliuqhutik, atuqhugit manirarmi qauyihaqtut, manirarmiqauyimattiartut havaangit. Qaangirtangit 160 havagvilik iluani 22 hilaryuarmi nunami, Golder Ilagiyauyut pilihaaqhimavlutik ukpiriyauttiaqhimayangit ayuitpiartut ikayuutikhat hilaryuarmi.


Noreca Kiuqattartut Inc.

Nalvaartauyut 2006 mi, una Noreca Kiuqattartut Inc. (Noreca) nutaangurpiartumik avativut unalu IT-kiuqattaqhimayut havagviata uvaniittuq Wolfville, Nova Scotia. Noreca amigaittumik ihuarpiaqtumik aturtakhalik ikayuutikhanullu manirarmi haffuminngat avatiliqinirnit uumayunit uukturtautainit, ilitquhiat taimaittutuqait uukturautilik, unalu qaritauyatigut pivallianingit hivumuuqhutik pivalliayakhait uukturtangit unalu hanattiaqhimayut qaritauyarvikhait iluliutait haffuminngat avatiqarningit qauyimattiarnikkut, taimaittutuqqait aulattitiyunit, amiqhainirnit unalu ihumaliuqhimayauyut ikayuutit.


Juniper Timingit Inc.

Nalvaartauyut uvani 1993 mi, Juniper Timingit (Juniper) tadja hilaryuarmi hivulirtiuvlutik tamainnut nutaarpiartut-ipiktut tigumialaaqtut qaritauyait unalu taimaitutuqait manirarmiuyut qaritauyaliqinirnit kiudjutit. Juniper iliktirutingit, hanayauhimayut, unalu ikayuut tamainnut aturtialingnit havakhimattiaqhutik ikayurtauyumayunut nanminiqaqtunut parnautit unalu hilaryuarmit pinahuaqhutik ilagiiqatigiiktut kangiqhidjutit.


JAS Kiuqattartunut Ikayuutit

JAS Kiuqattartunut Ikayuutit Inuit-nanminiriyangit unalu Nunavunmiittunilu nanminiqaqtunut havagviat Iqaluit, Nunavunmi. 2003 ngulihaaqtut, JAS Kiuqattartunut Ikayuutit ayuitpiartumik kiuqattartakhainit ilaliutiqattaqhutik Nunavunmi tamainnit Inuktitut Qablunaatitullu. JAS Kiuqattartunut Ikayuutit hivumuuqattautiyangit havaqatigiingnahuarlutik Nunavut nunaqatigiiktunut kiunahuarlugillu Qutingnikpaakkut ihumagiyauli turaartittinahuarlugillu nanminituqangit kiuqattatautinit iluani inianihaffuminngat nunaqatigiikmiuttani ilittauriyut tamainnut kiuqattautiyukhamut, havaariyakhat aulattitiyunut unalu atuagait kiuqattartut ikayuutikhat.


Thorpe Kiuqattartunut Ikayuutit

Thorpe Kiuqattartunut Ikayuutit malittiaqhimayangit ilaliutinahuaqhugit ikayurtauyumayunut ukuninngat aturtakhainit unalu avativut angirutainit tunngavilik uuminngat havaarinit haffuminngat ilumuurtumik, ihuaqtumik ilauqataunirnillu. Thorpe Kiuqattartunut Ikayuutit pilihaaqhimayut atulihaartumi 2011 mi hivumuuqhimavlutik ilaliutinahuarlugillu ikayuqattarlugillu qauyihainirnut, ilagiiktunullu, ilihautikhanut unalu inikhaliurutiyunut ilagiikhimayut pitquhiitigut qauyimayangit ilaliutihimayut ukuninngat Nunaqaqaaqhimayunut unalu Inuit Timingat, kavamait, manikhaliurtunut unalu iliharyuaninillu.


EverNorth Kiuqattartunut

EverNorth ilaliutihimayangit hivituyumik aallatqiit qauyiharnikkut, turaarutikhanullu unalu ilauqataunirnullu ayuitpiartunik ikayurtauyumayunut, hivumuaqhutik inuhilirinirnut tautuktangit haffuminngat taimaitutuqait avatikhait aulattitinirnut Qutingnikpaakkunut. Havaariyavut ilaliutilihaaqhimayut amiqhainirnut/ilihautikhainit uvani inulirinirnut-pitquhingit, nunamiuttaiit, unalu pitquhituqainit qauyihartut (ilaliutihimayut pitquhiriyamingnit nunam unalu qauyimayangit qauyihainit), aktuumayauyut ihivgiuqhiyut, nunaqaqaaqhimayunut kiuqattartunut, unalu nunaqatigiikhimayunut anngutikhanut ilihautiyut.

Login Form