The following is a list of the 20 most recent documents added to our document repository.

{module 161}

Tuhaqtitiniit Piyumajutiitlu Hevitutiginiit

Taimailiogayuktun, NWMB kut hevitutiginiiqaqtun, ongataanuungituq obluit (60) tuhaumutkivagiiqlutik, oblua tailugu, obluqheotaa, homiiniagianganik, taipkuatlu keoyumayun taffumunga katimayutikhamun keoyaaqaqtun obluit (21) illuani katimajjutauqqaagtinagu. Kihimi,  maliglugit piyagialiit  nalliit katimanioyukhan Katimayiita , illagiaqlugu ovaluunniit naigligiaqlugu pivikhaqaqvioyuq, maliglugit maligaqutitik. Nakkuujumik atuglutik, Katimayiit qipilugunnaqqtun piyumajutinik pivikhaita ongataaniitpata kinguvaqhimayunik. 

Kiojutauyut tuniyaunii:

Titiqqatigun kiojutauyun maligaqaqpallangitut tunihegumik NWMB kunnut kihimi illuani okakhimalutik kiojutimingnik Piymayauyup Ehomalioqtaunianun aheetlu ehomaalugiyauyut taihimalutik hooglu taimaaq pijutimingnik hutqititilutik titikqanik.

Tamagaalukmik titigaqhimayun kiojutauyun pijutingitalu titiqaqutait Piyumayauyumun Ehomalioqtauyumun illingayun tuniyauyaaqaqtun NWMB kunnun- Kablonaatitut Inuktitutlu- oblua taihimayauyuup katimavioyukham hevoani kaitquyaunioplu NWMB kunit taiyaata obluat hevoani. Kiojutauyut tuniyaunginagialiit Katimayinut opaglugin, titigaliqiyitigun hakumiktutigun, titigaqaqvikkun kangiqhimanuqluni taffumunga naalaqtauniqmun ittagiaqhaaSubmissions. Tuniyaunginagialiittaug hakugiktutigun, qagihauyavaluktigun alguyaqtiguuqtutkun, kihimi NWMB kut tuhaqtitkaitpata hevayautitkun-hevoani kigliata tunihivikhaum-kangiqhimayauyutimik titiqataagumik NWMB kunnut pihimayauyaginaga.

Nunavut Nunataagutaagun Angigutitkun (NLCA)Tukitaagutai

NWMB kut inulimaanik katimutkaiyunnaqtun naalaktitilutik qanutunaq okaohegiyakhaqaliqqan ehomaliotauyaalikmik (NLCA 5.2.26)miittug.

NWMB kut maligaliogunnuqtun ajjikutagiigitjutikhainik amigaitunik elaqaqtunit aheetlu kuffiinnauniqhan inuit qanuginnii ehomagilugit inulimaanik tuhatkailigaigumik (NLCA 5.2.27)miittug.

Kinalimaaq ilagiyauyuq piqatigiyauyuq gavamatuqatkunnut aviktuhimanini Gavamainingaaqtug, Iunk kinatuinaq Angguhikiyinit, Aviktughimanini Nigyutilikiyiinnit inniqaqtitauyuq naamayumik elagiyauyoq inulimaat tuhaatitautivlugin. NWMB kut ehomuqhoqtun, maliglugin maligaqutitik, elluaqhaiyutilugu naamayumik elagiyauniqagiaqhaa taikani inulimaat tuhaatitautivlugin (NLCA 5.2.28)miittug.

NWMB kut piinnagialiit, naliagnigluunniit tuniyauhimayumik, piliqiyuqaqtivlugu ovaluuniit atugnuqtulikitivlugin, taima NWMB kut inuqutimingnut atugtauyagiaqagahugigumitjuk, havaqtitaagunnaqtun maligalikiyimik okakpakublugu aotkun apiqutauyuq kamagiyauyagiaqhaa, katimativlugin hutqititauyuqaqpatlu (NLCA 5.2.29)miittuq.

NWMBkut hakugiktiginiqaqtun commissionernguyutitu tikkuaqtauhimgamik illuanit Part I  Appiqhuutiit Maligagjuanganit, R.S.C. 1970, c.I-13 (NLCA 5.2.30) naahautait.  Talvuuna, Katimayiit hakugigniqaqtut qaitquyiyunnaqhutik kinnalimaamik tautuktuviniqmik, kihimi kaitquyilimaitun Gavamatuqaqkunnut Ministerjunik, immaqlu pitquyunagait:

         i) Oqauhiqaniaqtun angiqtitauhimalutik ovaluuniit nalunaiyaihimalutik equlimainamik, oqauhitkun titiqatigutluuniit; ovalu

         ii) tunihilutik titiqanik aheeniklu tuhagakhanik tapkununga NWMB kunnut atugiaqaqtangit naamajunik qiniqhaokublugin tapffuminga haangayamingnik.

Qanugituunii Naalaqtitinigit

NWMB kut pingahuniq aadjekutagiingittunik tuhaavagunnaqtun:

1. Tautuqatigiikhutik naalaktun, tahuman titigaqhimayunik okohigiyauyuniklu atugtaagtut.  Atugayuqtun opaqtunik katimatkaivlutik NWMB kut kamayagaangata Katimayii ehomalioqnialiqqata maniliqiyutinik, enuuhiqnun aqtuayunik/elitquhiqniklu angatangnik kamayagiaqagumik atugauyunuk Inuit angunahoaqtiinun. Ayugnagitagaangat katimatkaivaktun opaqtitivlutik taikani nunami naliangni tamna ehomalioqtauyup atugauyuqhaani.

2.  Alguyatkuuqtutigun katimatkaiyun, hevayautitkun ovalu aheeetigun alguyatkuugtutigun katimayuktun, taapkuat katimayun oqauhitigoinnaq katimainagiaqaqqata. Algoyaqaqtutigun naalaqpaktun katimanii titigaqhimainagialiit. NWMB kut atugayuktun, alguyaqtiguuqtunik katimatitiniqmik okunani pingahuni pijutiqaqata:

      (a) piviqhailiogumik tamna tuhaayakhaq tuavignaqtivlugu;

      (b) taipkuat katimayukhan atautikkun katilimaitpata hivikittumi; ovalu ova

      (c)  katimayukhan tikitqanii akituvallaaqaqta.

3. Titiqatiguinnaq naalaktauyun, oqaqvioyukhakangitagaangat. NWMB kut emailiogayuqtun okuuat talimat atugauyagiaqaqpata immaatun:

      (a) tamna “Ehomaliogaoyukhaq Tukhiqtuutauyuq”  immaitpan –pimmagioyuq ovaluuniit kamagiinagaitigun – katuutaovluni pigiaqtitauyuq Gavamanun Inungnutlu;

      (b) Katimayiita ehomaliogaqhaan, naonaiqtauhimaqpan Katimayiinun NWMB kut, maniliqivallangitpan, enuuhiqnun elitquhiqnunlu aqtuavallangitpan Inuginun, immak tautukpajjuk;

      (c) tuavignaqqan kamagiyauyagiaqaqqan hakumiktumiktime;

      (d) tapkuat kamayuqhan taffuminga attauttitkun katimayunnagitpata pivikilliogumik; ovalu ova

      (e) katimayukhan tikitilugin akituvallaagniaqqan.

Elitquhiitigun Nakuuyumik Egilgatitiyun

NWMB kut etiqaqtuiviktitun aulautivaktun – innungnut timiovlutik ehomaliooyuktun atugauyukhanik inungnut piyunaotainik ehomagiyainiklu aqtuamayunik. Taimainmat, NWMB kut maligialiit titigaqaqviliit maligaqyuanginnik, tamna maligaq atugauyukhaq taminun titigagviqaqtunun katimayioviknunlu kamayunik ehomaliogaoyukhanika. Maligaq ehoaqhaqhimayuq ehomaliogutauyun nakkuyagialiit tamainun naalaqtauyunun. Nakuuyumik egilgatitiyun atuglugu taipkuat naalaqtauniaqtun hevituvallangitumik tuhaomatittaulutik, tuhagakhain naamalutik pivikhaqaqtitaulutiklu kiojutikhain eniqtauqublugin ehomalioqqaqtinagin piyunaitiinik piyumayainiklu aktuajunik.

NWMB kut inungnik katitikaiyagaangamik immatun elitquhiqagayuktun okuat atugauvlutik:

1. Pihimaliqqata NWMB kut Ehomaliogauyukhaq Tukhiqtuutauyuq  ahiiniklu tuhagakhanik pihimaliqqata;

2. Tuhaqititikpata NWMB kut inuit katimalaaqutut tuhaaniagamik katimatkailutik, naonaiqlugulu inuinait kaitquyaohimayun;

3. NWMB kut hatqititilutik taffuma mikhaanun kitugiagit oqauhigiyauyukhan;

4. NWMB kut hatquititilutik qaitquyiyutinik taipkununga okakniaqtunun titigaqhimamyunik okaohiqhatik tunivagiiqhimalugin;

5.  Katimatkailiqtun NWMB kut oqaohiinatigun katimaniat; ovalu

6. Katimatkailiqtun NWMB kut ehomaliogtukhanik naalaqqaglugin tuhaqhimayatik.

Tukhiqtuutauyuq Ehomalioqtukhanun:

Tamaita tukhiqtuutauyun ehomaliogumaaqtunun immaittukhauyun talimaoyunik (5) atugialiit:

1. Titiqamik tunihilutik NWMB kut qanugittumik ehomalioqtukhauyagiangita piyumayamingnik nonaihilutik;[1]

2. Naamayunik kablunaat illihimyigyuanginit, Inuit Qaujimajatuqangit ovaluuniit nunalingmit tuhagaqhan attayun tukhiqtuutauyumun, onipqaaglutik hooq taimaitquyigiami anma takuyaqhan atalutik – anma aivajjutiit, pitquyiqpan katimajutauyuq- hooqiaq taimaatun ehomalioquyigiamid;

3. Naitumik titiggaqlutik qanok kamagilaoqmagangmitjuk, kitkunnitlu tuhagiamingnik –qanugittunik apiqhaigiamingnik, qanoqlu apiqhaitaagamik kioyaolaogiamingnik ;[2]talva Gavamat illagiyaoqpata tuhaayauyuni, aipaqaqlutiklu  ahemingnik, naamajuqhaoyun kitkun ekayugiangita , qanuq kiogiangita, taipkuat tuhaayautqaaqtivlugin atugaviniqtik ;[3]

4. Kamagiyauyukhaq tuavignaqpan haqugiqtumik kamagiyaqhaoqpan, hooq tuaviotaauyagiaqaqpan okaklutik naonaiqluginlu pijjutauyut hakumiktumik Piyumayaoyuq hooq tuaviotauyuqhauyuq; ovalu

5. Tamagaaluit tuhaqtauyukhan titigaqhimalutik Kablonaatitut, Inuktitut, (Innuinaqtut) maliglugin tuhaayauqhan okagohii – kihimi tikitqan makpigaaliit 10 ongataani kipuqtitugihimmaitumik naammainuqtun naiglihimayungit , tuhaayiliqtuqhimmakpata (kipuqtituuhimayun).

NWMB Naalaktivlugin Maligain:

Tapkuat (18) guyun maligat atiliit Tuhaayun Maligait (Maligait) atugauyuqhautauyun tamainun katimagaikpata opaqhimayunun. Atugauyuqhautauyunlu illannitkun – asijjiinnagialiit piyagiaqagumik – alguyatiguuqtunik katimayunun titiqatigutlu katimayunun. Katimayiit ehomalioqtaagtun asigiiyumagaigumik kamagiyatik elitquhii maliklugin, alguyatigun opaqhimayuniklu katimatqaigumik. NWMB kut titigaqpaktun Maliktauyuqhanik atunit katimaayuqhan pivlugin. Tuhaayumaqtun, eqatauyukhan titigakviit, inuinaitlu takuyukhauyun Maligaqnik atugaqhamingnik katimayaqtuqqaagatik.

1.  Naalaktauniq inungnut tamainun mattuingayuqhaq, tuhaomautkaktitaulutik obluit  (60) naatinnagit katimanioyukham hivoani. Naalaqniop illanga matuhimayunnaqtug inungnut, NWMB kut illihimaqpata kangunaqtunik olugianaqtuniklu okaohiqaqtukhaotaukpata.

2.  Kitkulimaaq inuinait havakviitlu titigainagialiit naamalutik tuhaomajutii [4] kioyutimingnik “Ehomaliogauyukhaq Tukhiqtuutauyuq” – kipuqtiqhimaluniduly  Inuktitut/Inuinnaqtun Kablonaatitutlu naliaqkuugialik maliklugitor  – tungaaniby 5:00 unnuhaqkun [tatqia/oblua/algaagua].

3. Kihimi pijutitik elloaqhagaohimakpata titikqqait kipuqtituughimalutik tuniyaulutik NWMB kutnun kinguvaqhimajutimingnik, NWMB kut kamalimaittun kinguvaqhimayunik.

4. Taipkuat titigaqhimayagialiit kipuqtituughimalutik atugaogiaqangitun inuinaqnun illaoyunun.

5.  Aheet titigaqtunun tukitaagutiniklu haavitiyun NWMB kunnun, kipuktituuliqhimangitqaluagumik hummangitut titiqaqutait maqpigaangit (10) ongataaniitpata, kihimi titiqat naigligiaqhimayumik illaqaqtukhauyun, kipuqtitighimaluni (Kablonaatitut Inuktitut/Inuinnaqtun) makpigaat (2) tungaaniogittugat.

6. NWMB kut kamattiagomaaqtun tamaita titigaqhimayun kinnalimaakunnun takuyaoyunnaqlutik, kihimi taipkuat kangunaqtunik olugianaktuniklu okauhiliit.

7.  NWMB kut tuhaayiliqtuiyukhan Kablonaatitut Inuktutlu hakugiqtumik naalaotiqaqtunik naalaktuni, piyunaqtatik atuglugin .

8. Katimayiit naamagialiit NWMB kut naalagiaqtugaangata.

9. Havaktiit Gavamainnit Kanatap Nunavuuplu, Anguhikiyinit, Aviktughimaniinnit Nigyutilikiyinit kinatuinaqlu Inuuyuq illaopkaqtauyagialik katimayuni naalaktauyuqaqtivlugu.

 10.Kaiatquyauhimangitut NWMB kunnut, kinakiaq atiqaqatauyumagumi NWMB naalaqniinun titigagialiit NWMB kunnut illaoyumanigmiknik onipkaaglutik.

11. Tamagaalukmik naalaktauyuni katimanigmiittut ingmingnut NWMB kuniklu pittiaqqatigiiktukhauyun.

12. NWMB kut pivikhakaktitiyukhan okakvikhaqaqublugin inmingnik niguagamingnik oqaqtiqaqlutik, maligalikiyimik katimayimik taihivaquyangit pivikhaqaqlutik.

13. Nalliatluunniit NWMB kunnun illaoyuq, NWMB kut Ataningat Nigyutilikiniqmun ovaluunniit NWMB kut Maligaliqiyiat apiqhoinagialiit kanotuinaq katimayuni naalaqtauvikmi.

14. Kinatuinaq katimayuniittuq apiqhaiginagialik  naliatnikluuniit katimayaqtughimayumik.

15. NWMB kut pivikhaqaqtitiyukhaoyun kinatuinamik inulimaat katimativlugin apiqhoiyumajamingnik nilligviqaqqtitaulutik NWMB kutnun aheenutlu katimayuniitutnik.

16. Tamagaalukmik naalaktauyuni katimayuniittug okagumaligaigumi ehaagialik, NWMB kut Ikhivaotaanun illitagiyaugimi kihimi okaktukhaoyuq.

17.  NWMB kut Ikhevaotaan ehomaqhuqtug nakuyumik hevotuvallaaqunagin okaktauyun, appiqqutiit tuhagakhaniklu haavitiyun .

18. NWMB kut piyumavioyagaangamik tunihiyukhaotauyun nippilioqhimayunik katimayutauyuviniqnik naalaqtauyuni.



[1] Taman ajjekutagiinginagialik, – immaatulukiaq, taihiblutik qaffinik anguyakhanik , hakugiktiginii hiqquqtijjutinik atugtukhauyagiangit, okioq qanugiligaangat anguyaqhaoyaangita, taimaatut aheetlu. Aheetigutlu, aheagun atugauyunnaqtun haavitaulutik, ovaluunniit tamna Tukhiqtuutauyuq inniqhimmaitpan – hogmi immaaqaa, atuliquyauluni ehomaliogauyuq NWMB kunnun haavitauyun atuglugi.

[2] Takuqhauniqtik maliglugin, qanugilioqniviniit illaqaqtukhan kioyauyutimingnik kanolimaaq, ehomaaluutauyut aheetlu, taikani naalaktitivlugin.

[3] NWMB kut imaattumaaqtun – hevoligtuiyutaulunias – qauyigiaqlugin naammakkaluagiangita tahuffuma apihugniop atugauninga.

[4] “Ekayuqtuutiit tukitaagutauyut titiqavaluit” pijjutilik attauhiq kaffiitluunniit kauyuhaqtauyun, titiqan, ehomagiyauyun, inungningaangitut, havagvignin haavitauhimmayun illaliotikublugin qaauyihaqtukhauyun.

 

Hevoani tuhihiqqaagatik katimayutikhanun illiyautqaaqtinagit NWMB kut katimayutikhainun, atunit tuhihiyutiit atugialiit immaatun:

1.  Oqahiqatukhan piyutauyumik illuanniitpagiqtumik NWMB kut tiliyauyutiiniitunik;

2. Tikkuaqtauhimalutik Katimayiinun nakuugiyauluni katimayutikhanun illauyukhauyagianga;[1]

3. Pihimayauluni obluit 28 hevoani katimaniatun pigiaqqaagtinagit;

4. Inuktituuliqhimayunik illaliotihimaluni tuniyauyuni;

5. Tuniyauhimalutik qagitauyukkuugutinik naamayunik atuglutik (ovalukiak Excel naamagiayainik PDF qatutkutluunniit;

6. Elaliotihimaluni kanuq akutiotiyiyumik pivkhaqagiangita okaklugin tuniyakhatik; ovalu

7. Tuniyaulutik atuglugin attaaniitut atugaqhan maliklugin.

___________________________________________________________________________________________________________________________________________

Aatqikhimayukhauyun Nunavut Oomajulikiyigjuangita Katimayiinun katimativlugin immaq tauttuqagialiit.

TUNIYAUYUT OKUNUNGA

NUNAVUT OOMAJULIKIYIGJUANGITA KATIMAYINGIT

PITJUTAAT

Tuhaqtauyukhaq:  Attauhiq Titiqlugu                                          Ehomalioqtauyuq: Attuhiq Titiqlugu

Pijutauyuq:  Nalunaiyaqlugin atunit pitjutauyun attauhiqmi tiitigaqhimayumi naamaluni.

Qanugitpugninga:

Naamaluni oqauhigilugin illuaniittuqhan tuniyauyumi tapkuat Katimayiit kangiqhiyutikhainik:

(a)       qannuq attayagiaqhaita NWMB kut tiliyauyutiinun;

(b)       hooq pijutauyuq tuniyaugianga;

(c)       qanugiyutigiyangit kanuqlu taimailinniqqa tuniyauyutigilaqiyaa; ovalu

(d)       qanooq akuniotiginagiaqhaa okaohigiyautivlugu obluqhiotitkun (taiyaungittun apiqhuutit oqamavioniilu).

Oqauhiit atugtauyut kangiqhinnattiaglutik oqauhiqtuvallangitumik.

Nigiogilugin appiqqutaunginagialiit NWMB kunnut.

Tuhagvigiyauhimayun:

Naittumik onipkaaglugin tuhagvigiyauhimayun oqauhii hevoagun tunihiqqagnatik NWMB kunnut. Tamna naitumik titigaqhimayuq okuninga illuliqagialik:

(a)      qanugiheoqhutik tuhaviqaqhimayaakhaita;

(b)      tailugit taipkuat havakviit kitkun tuhaqvigiyauyaangita kuffitlukiaq inuit amihootiginii tuhaqvioyun, inuinaitlu tatqaaniitut tuhaqvioyun; ovalua

(c)      naitumik titgaqlugit qanugiligutauyun, kioyutauyun ehoahagiagotauyukhat tuniyauyuup kittuugiangit, ehoamalugutauyun ahevaluitlu taikani tuhaqvikhaqhioqtivlugin.

Atuliquyauyuq:

Aheenut kamagiyaulaagiangat ehoiyutauyuq ovaluuniit elluaqhagutikhaanik taihilutik qanugilioqtukhauyaangita

Elluaqhagauyun Oomungat:

Atqin illilugu, illauvigiyaat kitkuuninga hevayautatalu naahaotaa inup taffuma tuniyakhamik ehoaqhaiyuup.

Oblumi:

Oblua tuniyauyuup elluaqhagauvia.

____________________________________________________________________________________________________________________________________________

Tunihiyuqhan kammattiagialiit oblukheot kamagilugu pivikhaqavitik ongataanuuqtailutik okakvikhatik Katimayinun, NWMB kut katimayutikhanik auluttitiakublugin. Tamna attanioyuq, inminik ehomalioqluni, nutqaqtitiinagialik taipkuaat tunihiyut ongataanuuliqkqata pivikhaqagvigiyamingnik.

Adjilioqhimayunik takuyakhaqagumik inuktituulingayagialiit tuniyauqahiotimialutik aheenik tautugauyuqhani.

Tuniyauyuq titiqaq makpigaat (15) ongataanuugniaqqata inuktituuliqhimayumik elaqagiaqaktug nailigiaqhimayumik (1)lu (3) mukpigaat takiniqaqluni. 

Qanuqluunniit piyautailimaniqaqqata takuyauyagiaqangitpatalu (ellaq kangunaqtuligikpata kangunangitpatalukiaq) takukhautiagialiit titiqaani Atanigyauyumun tunihitivlugin. Taimaatut titiqamik piqangitpata NWMB kunnut kangunagitutut inuilimaanun tuhagakhatitut kamagiyauyumaaq.

NWMB kut emmailionginagialiit, ellannitkun, ehoaqhilugu kiglikhaa tikitvigiyaqhan pivikhaqatiakublugin haavaktiit elagiyauyutlu takunatiaqublugin elluaniittunik. NWMB kut talva tuhaumayagialiknik tuhaumutkaitiaqhunguyun.



[1] Tuniyauyuq naamaqtuugiyaungitpat Katimayinungaqtukhautaungitpat, NWMB kut tunihiniaqtun titiqaliginikmun ovaluuniit tuglianik katimaliqata hevayautitkun oqauhigiyauyukhautauluni. NWMB kut talva tuhaqtitkaiyumaqtun inuanik piligivikmikluunniit qanugilioqtauyanga.  

 

 

Katimaniit matuighimayut Inulimaanun:

Timmigiyaugamik inulimaanun gavamagiyauyunit, NWMB kut atugumayut matuingayumik eyiqtuihimmaitumik piligiligaangamik nigyutit mianigiyauyutikhainik inulimaanun takuyaqhaulutik- kihimi kangunaqtuligigumik iglumiotaniklu katimayutiqagumik- tamaita inulimaanun muttuingayut

 Atugakhiit Hummiituqhauniilu tatqit Pingahut Tamaat Katimaniit:

Immailuogayuktun, NWMB kut tatqit pingahut tamaat katimaligaangamik inulimaat oppakpagainik katitpaktun pinnahuaguhiani aippaani  June mi, September mi, December mi Match milu, khimi aheagun katimanikhaan elluaqhagaukpan. Aheegun katimayagiaqagutik elluaqhagauvaktun.

NWMB kut immaigiaqaqtun,ayugnagittagaangat, katiqatigivaklugin  NSA kunnik (Nunataagutimun NLCA 5.2.16) atuglugu. Ehoaqhagianga naqquyuq atughugu, pivikhaqaqumiklu, iglugjuaqaqmatlu maniqaqtiginiilu malikhugin, Iqaluit-attaniqaqviat Nunavuup aviktughimanianilu titigaqaviqaqmata NWMB kut, DFO kut , Nunavut Gavamaat, CWS kut, ANAC kut  NTI kutlu taikaniitmata – ehoatqiyauvaktug manitungitqiyauvlunilu katimayaqtugvigigianga NWMB kutnun.

Attuutiqatiaqublugin naamutsiaqubluginlu, NWMB kut kiglilioqpuktun qannuq akuniotigiyomik katimayutauyukhan piyukhaogiangit, tapkuat okamatitauyut taffuma kiglianik maligialiit. Talvattauq, taipkuat okaktauyukhan kihimi, Katimayiit ehomagiyaigun, tautuqatigiiklutik katimayutauyagialiit ovaluuniit/ ehomaliogakhat nayuqtunut kamagiyauyagiaqaqpata tautuqatigiiktunun katimayutauvaktun. Ahiit kamagiyauyukhan NWMB kunnut kamagiyauvaktun hevayautikkun katimavlutik ovaluuniit titiqatigun.

Tatqiit Pingahut Naagaangata Katimaniita Hevoani Tuhaqtitini:

NWMB kut tuhaumutqaivagiignahuaqpuktun titiqatigun katimanuq qanigliligaangat obluit  (42) ngugayuqtun hevuani obluat katimavikhaum. Tuhaqtitiyutiit tunioqqaqtauvaktun kamayunun gavamamionun, Inuit Aulattiyiinun, aheenutlu gavamaongitunun, hutqiyaaqhutiklu NWMB kut qagitauyaqaqvianni. Tuhaqtitiyut apiqhiyuktuq katimayutikhannun illiyauyumayunik tunihiyumayunun.

Tammaqhimayuqaqqan tuhaomutkainiitigun naliinnutluunniit katimayauyukhani NWMB kut illuaqhagaini nutqaqtitauyukhaungituq katimalaaqtun nutqagutauyukhaungittun katimanini (GB 9.7) miittug.

Kangunaqtulikiyut KatimaniitIn:

Tamagaalungmi katimaniq illiannagaluuniit kangunuqtunik katimativlugin avaliitutik katimayuktun (tautugaungitut aheenut), immak NWMB kut illuaqhaikpata:

      (a) kangunaqtun ovaluuniit qayagnaqtun hatqititaunayaqpata; ovaluun

      (b) qayannuqtut manilikiniit, ennuhigniklu kangunaktulikiniagumik kinnalimaanunt tuhaumayauvallaagiaqangitut,      tamnalu inuk kinakiaq kanguttatitauqunagu ovaluniit inuinait atugakhait qayagiyauyagiaqagaangata maligainni tamagaalungmik tuhagiaqagaluaqtivlugin nakuutqiyak atuglugu.

NWMB kut tunihiyagialiit tamugmikahaqnik ehomalioqtamingnik Nunataagutiop illuaniitut NLCAkut Article 5 taikunga ministergiyauyumun kamayumun nakkugiyakhaanik, ehoaqhagakhaanik, qipiluklugu, piyunnaiqtilugu illuanittog ( Nunataagutimi NLCA 5.3.7mit -5.3.23mut).  Pijutauyuq hevoliqmik ehomalioqtauyuq NWMB kunnut tuhagauyagiaqangituq aheenun Katimayiit Ministerruglu aqungann ( Nunataagutimi NLCA 5.3.8 mi  5.3.17 milu), NWMB kut katimayuktun kangunaqtuligivlutik ehomalioligaangamik illuaniitunik Nunataagutiop NLCA Article 5 miotagnik.

Nigualimaitut tautugiaqtughimayun (S. 5.5 mi) illaivagunaqtun kangunaqtunik katimativlugin NWMB kut ehomaliomagiliqqata. Kihimi, tautugiaqtughimayun tautikhinnaqtukhan kiovaglutiklu apigiyaugumik kihimi NWMB kutnun katimahootaginiini. Talvaluttauq, inuit pilikiviinit tautugiaqtughimayuq havaktigiyaumagingitpat, hevoliitumik katimayuniitvlugu kangunaqtulikiyuni, tamna tautugiaqtugtug atilioqhimayumik  obluitlu taiyauhimalutik pihimayukhaq taikangat inuit pilikivianit kamagiyauyuup titgaqviannit, tigumiaqtauyukhak NWMB kunnut hevoani katimaniq piggiantinnagu.[1] Taimaitkaluaqtivlugu, illauyunnaqtun katimanignun kangunaqtulikitivlugin NWMB kunnut kihimi illauyunut ittuq taipkuatlu Katimayinit qaitquyauhimayut kihimik kamayuqhan katimayutauyunik.

Havakviini Kangunaqtunik Katimayut:

Ellanitkun qangangugaangat, NWMB kut kaatimayaaqali8qpuktun kamagiyauyukhanik titigaqvingmiotanik illuaniitutlu havakviini atugialiit aqtuayun Katimayinun. Tahupkuat katimaniit NWMB kunimiotanun kihimi opaktauyukhan aheelu qaitquyauyun kihimi opalaaqtun Kaatimayiita ehoagiyait aulatauniinun ittut. Tapkuat inuit NWMB kunnut qaitquyaugumik kihimi katimayunun opaktukhauyun.

Hevayautitkun Katimaniit:

NWMB kut katimainagialiit hevayautitkun piyunnaqtitaugamik Nunataagutiop illuani NLCA min. Ingilgayuhiit kkatimanioyuni atugauyut aatqiktauhimayun 3.1 mit 3.11mut ooma Atugakhan illuaniitut hevayautitkun atugtukhut, immaatut kihimi immaituqaqqan:

        (a)    immaigayuktun, akunigiyangit tuhaomatitinii katimayukhanik ovalu hutqititauyagiaqaqnigit naitqiyauyun; ovaluttauq

        (b)  maliklugin nigiogiyaungitunik hatqituqangitpat, NWMB kut elluaqhaiyuitun kinalimaaq nalaqatauyunnaqnianik hevayautitigun katimativlugin. 

 



[1] Ministergiyauyumut tautugiaqtughimayun taimmaatut kamagiyauhoitut hogmi Nunataagutiop illuani havaktun tiliyauvagiiqhimagamik  Nunattagutial NLCA 5.2.2 atughugu kamayuqhautauyut (havaktiit) taikani Ministerkakvioyumi.

Login Form