Naittumik

Ehomaliqtittiyiit Katimayigalaat Eqaluqatigiiqublugin Nigutiit Mainigiyauniinun (ACCWM kut) illiyauhumayut tuhaumaqatigiiqublugin aulutityiuyun kamayunik nigyutiit mianigiyauniinik akunganiipaktun  atauhiqmik kigliqaqatigiigtunik katimayioyut oqaqatigiiqublugin , kamalluaqtun mianigiyauniinik pivlugin tuktuit ekkaaapuktun nunaun aviktughimaniinik.

Tiliyauyutaat

Tapkuat Katimayigalaat immaitukhautauyun, illagiyauyunun nakkuugiyauyagaangat, tuhaumayukhanik tunioqqaiqatigiikpuglutik, ekayuqlutik havaqatigiitiaqublugin angiqatigiiqubluginlu immailuoquyivuklutik pivlugin nigyutiit  nayugpagainlu nigyutiit pivlugin kiglianiittut nuait aheenun nunataagutiliknun itkilliitlu nunainniitut katiqatigiikpakublugin.  Atughugu Tiliyauyutitik, Katimayigalaat okuninga nunaini kigliqaqatigiiqtuni kamatitauyun:

  1. Ehoaqhailutik mianigiyutiikhauyumik pivlugit Kiluhitumiotan Tikigaani tuktuit, Pinggangnaganiitut- Bluenose tapkuatlu Kannagnanganiitut-Bluenose tuktuit;
  2. Ehoaqhailutik atugauyukhanik mikitqiyanik ehoaqhagauhimayunik ajequtagiingittuni tuktukaqvini pivlugin tuktuuiit amigaitutik kativvigivagain nunat;
  3. Oqauhigivaklugin kuffiit tuktutakhauyagiangita;
  4. Oqauhigivakklugin quotaqaqhimmaitumik anguyakhan maligainiittut;
  5. Oqaauhigivaklugin qanuq nuggalioqviit mianigiyakhaita nugatlu nunat atugpagain.

Ellagiyaoyut

Kangiqhiqatigiiknikmun Angiqatigiitut Ekayuqatigiiqublugin Nigyutit Mianigiyaoniinut (MoU) atilioqtauvaktug 2008 mi tapkuat atilioqatauyun  Gwich’in kun Nuguyuitunik Havagakhanik Kamyun Katimayii, Tuktut Nogait Minguiqhiqvia Mianigiyii Katimayii, Wek’eezhii Nuguyuitunik Havagakhanik Kamayun Katimayii, Sahtu Nuguyuitunik Havagakhanik Kamayun Katimayii, Nigyutiit Mianigiyiit Oqaujigiaqtiit Katimayii-Nutatsiakmi, Kitikmeot Aviktughimaniani Nigyutinnun Katimayii (KRWB), NWMB kutlu.

Katimaviovikni tiliyauyuqaqqan Ekhivautauyuq tilliyaugayuktug. Kihimi, ahiit katimayiit taimaittaangittungittut, NWMB kut ehomaliogiyiogamik angitquyauvaktun mainigiyutikhanik ehoaqhagauyumayun Bluenose Tuktuinun maliklugin pitquyauyun Katimayigalaanun Nunavuup Nunataagutaata Illuaniittut . Tamagayukhimmaitumik inmingmut agviakunaitut, Nigyutinik Mianigiyiini NWMB kunitnun tiliiyauvaktuq attanigiyaoyuq illaubluni, ACCWM kunnut.

Taja Attutauyun

 Pigialihaaqtivlugu 2009, ACCWM kun pigiaqtiitiyun Havaktukhanik ehuaqhaivlutik atugakahuyukhamik Mianigiyutikhamik pivlugin tuktut Killuhiktup Tikigaaniitut, Bluenose-Pingangnaani Bluenose-Kannungnaani takuyautkublugin ACCWM kunnut. Havaktitauyun Katimayigalaangit opuktauhimayun attauhiqmik atunit tilihivlutik illauyukhamik MoU kunnut (Ellauyumangihimagamik Kitikmeot Aviktughimaniita Nigyutinik Mianigiyii Katimayingit piqatauvangitput), illauyutauq Nunatsiap Gavamainin Avatilikiyiinit Nugulimaituniklu Havagakhanik  kamayut, Nunavuup Gavamainin Avatiliqiyiinit.  Minguqhiligiyiit Kanatami, Dehcho lu, Nunavut Tunngavik Incorporated kutlu (NTI) illauyumangihimayun Havatukhannun Katimayiinun.

April 27, 2011 ngutivlugu, ACCWM kut katimahimayun takugiaqhugu kingulliitumik titigaqhimayuq mianigiyutauyukhaq; katimayaqtuqatauvaktun NTI kunnit, KRWB kunnit Kugluktukmiot Anguhiqiyiita Katimayiinnit (HTO). Elluaqhaitivlugin mianigiyutauyukhamik mulguiqhutik katimaqatigivagain taipkuat nunat aktugauyukhan, kihimi Nunavuumi atauheenamik katimaqatikakhutik. Aippaanik katimayukhautauyun Kugluktuup HTO ngitlu ehuani July 2011 mi.