Titiqkaani 15.4.1 Nunavutp Nunataagutaata Angigutingani okkaktuq tapkuat “Nunavutmi Avatilikiniqmik  Kiniqhaiyin Katimayiit (NIRB), Nunavutmi Immaliqiniknut Katimayii (NWB), Nunavutmi Pagnaiyiit Katimayingit (NPC), NWMB kutlu attauttitkuuglutik, taiyauniqaqlutik Nunavutmi Tagiomiotaliqiyiit Katimayingit(NMC), ovaluunniit akhutak okaujivaklutik pitquyivaklutik aheenut gavamaniitunun pivlugin tagioniitut,taimaatut Gavamaoyuq naalumagigiakaktun pikuyiyutainik atuquyauniklu ehomalioligaigumik tagionun aktuaniaqtunun.”

Attugnugtiginia Tagiop Elluaniitututlu 

Higyaangit tagiotlu akunigaaluk atugtauhimayun annigiyaublutiklu Nunavutmiunun, qitianniitut innuunianun, maniliogutiinun, tugniatalu naqkuujutainun attayun Inukqutainun. Hogmi kamigiyautiaqtun havaknioyun ekayugtun Nunavutmiotanik,kihimi kamagiyauyokhautauyuq thupkuat nunamingaaqtun Inuitlu pitquhii tummuqtitauyukhaungittun kinguliptingnut tuniyauyukhautauyun. Kamagittiaqlugin nunamingaaqtun maniliogutigigaluaqlugin – oblumimun atugakhan naamalutik hivuniptinnilu aatugakhanik amigaliqtailuni – taimaatun attughimayun Inuit.  Hogmi illaa, illaumagiktug atugauyununIn  Inuit Qaujimajatuqangit nut, ekayukpugmata tapkuat NMC kunnik pilikiligaangata piyakhamingnik.

Okioktagtuup tagionga avataa angatugyuanik ahingukpalikmut. Tahumna ahinguqpaliania nukalimaittunuqhivuq pivallaalitkiyauluni algaaguni hevuniptingni. NMC kun pinguqtitauyn tuhaumutkagaukublugin tuhaumayaulutiklu Nunavutmiot illauvakublugin ehomaliogiligaangata tagioqnik ehuakhagakhainiklu Nunavumionun kamagiyautquyauyun.

Tugaagakhangit Nunavutmi Tagiomiotanik Katimayiit 

Ellitagiblugu kanogittailigiakakninga Nunavuup taiogmiotait Nunavumionun aheenutlu Canadamionun, talva NMC kut atugahuaqtait tugaagakhamitigun:

“Hivumoaqtititiaqlugin taavungagaaluk sapummiyauyutikhainik atugtautiagniiniklu tagioqmiotat taavungagaaluk piyakhaokublugin Inuitnun aheenutlu Navumiittunun Canadamiottanunlu, maliktaulutik pitkuhioyunin  Inuit Qaujimajatuqangit NLCA kutlu Mailigaani 15mi.”

Tahumna tugaagakhak atulikublugu, NMC kut ehuaqhaiyun Pisinissimik Atugakhamik taiyamingnik okuninga onipkaaqtug:

  • Humiittakhain nayugain, ellitquhiqtigun pijjuhiit, maniliogutiqiyukhan kitkuniklu havaqatikagiangit Katimayii atugiakaktain;
  • Tagiogni ehumaaluugiyauyun atugnagiyauyunlu Nunavutmionun; ovvalu
  • Atugnuqtut titigakvianit aulatauniilu NMC kut,  qanuqlu Katimayiit nipgiyauniagiangita Nunavutmiot pivlugin.

Tagioqmiotaliginiqmut Ehumaaluguyauyun Aktuaniqagunnuqtun NMC kutnun

Tagiomiotalikiyunun ehumaalugiyauyuni atugnaktitauyut NMC kutnut hitamani immaituni eniqaqtitauyun:

  1. Tuhaumatkainikmun Ehumaalugiyauyun: NMC kut tuhaumutkaiyuktun ehumaaluutauyunik talva manna aktuayunik tagionik ovaluunniit aktughiyumaaqtunik tagiogmiotanik, pivallaaqtumik kamutiagialiit sapumiyauyutikhainik tagionik atugauvaktunik taavungagaaluk Inuit atugpakublugin Nunavutmiotlu Canadamiotlu nakkuuyumik atugpakublugin hevoniptingni.
  2. Atuaganun Ehumaalugiyauyun: NMC kut kinikhaiffaaghunguyut atuagaauyunik taja aqtuayunik tagiomiotanik, okakpuglutik nuttaanik atuagakhalioliqkata, ekayukpuglutik nuttanik illitkuyanmingnik nuttaaguqtitaukubluginluuniit maligauyukhan, piyagiaqaligaangamik.
  3. Aolutityutinun Maligagalaat Ehumaalugiyauyun: NMC kut immailioqtukhan, piyagiaqaligaangamik, kinikhaivaklutik nutaanguyukhanlu kiniklugin akunianiittutt tagioqmionik, naninahuaqlugin illakuunii- ovaluunniit ehuaqhagutauyukhanik naonaihilutik – maliganguqtukhan mikhaanun. NMC kut ekayogunuqtun hutqqikublugin nuttaaniki maliganik ovaluuniit atkigiaklugin atugauyun maligan.
  4. Piyagituyunun Ehumaaluutauyn: Kaoyimagamik taipkuat illihimayugyuat piyagituyuniik Gavamaniiyukmata aheenilu NMC kunniingittut, NMCkut okautjuyunnuqtun pikuyiyunnakhutiklu, piyagiaqaligaangamik, pivlugin piyagituyut atugautivlugin tagiokmiotanut inigiyainutlu.

Holikinikhain Nunavutmi Tagioqmiotalikiyiita Katimayingit

Kiniqhailigumik, illuaqhailigimiklu tunioqkailugumiklu tuhagaakhanik pitkuyamingniklu okaligumik, Katimayiit okuninga talva atugumayut:

  • Tuhaumutkaitiaqpuglutik ininanik kitulimaanik ehumaalugutauyunik taiomiolikinii mikhaanun;
  • Nunavummiuttat oqamaqatigivaklugin tagiokmiotanun ehumaalugiyait kamagilugin;
  • Inuit Qaujimajatuqangit nik kamayun nautigtugpuglugin, kublunaat kauyimayainik, titigaqhimayunik, gavamaoyut      kituugiangit, tuhaumatitiyinit havakviniklu tuhagakhan kittuugiangit ahinguqtun pivaliayunlu tagioqmiotat nayugainunlu ittun; ovvalu
  • Qiniqhaivaklugin taja manna atugtun maligat maligaliogauyumayuniklu, qaoyihainiaqqata nigyutinik, pilikinikaniaqkata manna aktughihimayut tagioknik nayugainiklu – ekayuqpuglutik nutaanik pillikiyutiliokublugin, piyukhauligaangata.