pdf NEW - NWMB Allocation Policy for Commercial Marine Fisheries 2015 INUKTITUT
(751 KB)

ᖃᓄᐃᓯᒪᓂᖓ

ᐆᒪᔪᓕᕆᔨᕐᔪᐊᑦ ᑐᓂᐅᖃᐃᓂᕐᒧᑦ ᐊᑐᐊᒐᖏᑦ ᒪᑯᓂᖓ ᑭᓇᐅᔾᔭᑦᓴᕈᑎᒋᓗᒋᑦ ᑕᕆᐅᕐᒥᒃ ᐃᒪᕐᒥᐅᑕᕐᓂᐊᒐᐃᑦ (ᑐᓂᐅᖃᐃᓂᕐᒧᑦ ᐊᑐᐊᒐᐃᑦ) ᐊᕿᑦᓱᐃᓯᒪᔪᑦ ᒪᑐᐃᖓᔪᒥᒃ ᐊᒻᒪᓗ ᐊᓚᒃᑲᐅᒪᔪᒥᒃ ᑲᒪᒍᓯᖃᕐᓂᖅ ᑐᑭᓯᓇᑦᓯᐊᕐᑐᓂᒃ ᑐᙵᕕᐅᔪᓂᒃ ᐊᒻᒪᓗ ᑐᑭᒧᐊᕈᑎᓂᒃ ᐃᓚᐃᓐᓈᖏᓪᓗᓂ ᖃᐅᔨᒐᓱᐊᕐᓂᕐᒥᒃ ᐃᒻᒥᒃᑯᑦ ᑮᓇᐅᔾᔭᑦᓴᕈᑎᒋᓗᒋᑦ ᐃᒪᕐᒥᐅᑕᕐᓂᐊᒐᐃᑦ ᑐᓂᐅᖃᕐᑕᐅᒐᓗᐊᕐᒪᖔᑕ ᓄᓇᕗᑦᒥ−ᑐᙵᕕᓕᓐᓄᑦ ᐊᖑᓇᓱᒃᑎᓄᑦ ᐃᒪᖏᓐᓂ ᖃᓂᑦᑐᓂ ᓄᓇᕗᑦᒧᑦ.  ᑐᓂᐅᖃᐃᓂᕐᒧᑦ ᐊᑐᐊᒐᐃᑦ ᑲᔪᓯᒍᑕᐅᔪᑦ ᐊᑐᐃᓐᓇᖃᕐᓂᕐᒥᒃ ᐊᒻᒪᓗ ᑐᓂᐅᖃᐃᓗᓂ ᑲᒪᒋᔭᓂᒃ ᑐᕌᓗᒋᑦ ᐊᒻᒪᓗ ᑐᕌᕐᑕᐅᔪᓂᒃ.  ᑕᐃᒪᙵᑦ 2007 ᐋᕿᑦᓱᐃᓯᒪᔪᑦ ᓄᓇᕗᑦᒥᐅᑦ ᓯᕗᓕᕐᑎᐅᓪᓗᑎᒃ ᐃᓱᒪᒋᓗᒋᑦ ᑲᓇᑕᒥ ᐃᒪᕐᒥᐅᑕᕐᓂᐊᒐᕐᓄᑦ ᐊᑐᐊᒐᐃᑦ.  ᑐᕌᒐᐅᓗᐊᕐᑐᖅ ᐊᑐᐊᒐᕐᓄᑦ ᐅᓇ:

ᐱᑕᖃᕐᑎᒐᓱᐊᕐᓗᒍ ᐃᑲᔪᕐᑎᒌᓪᓗᓂ, ᖃᐅᔨᒪᑦᓯᐊᕐᓗᓂ ᐊᒻᒪᓗ ᐊᔾᔨᒌᙱᑦᑐᒥᒃ ᑲᒪᒋᔭᖃᕐᓂᖅ ᐊᕙᑖᓂᒃ+ᑐᙵᕕᓕᓐᓂᒃ ᐃᒪᕐᒥᐅᑕᕐᓂᐊᒐᐃᑦ ᐱᕙᓪᓕᐊᓂᖏᓐᓂᒃ, ᐱᓯᒪᐃᓐᓇᕐᓗᒍ ᒪᓕᑦᓯᐊᕐᓂᖅ ᑐᙵᕕᐅᔪᓂᒃ ᐱᓗᐊᑦᑕᐃᓕᓂᕐᒥᒃ, ᐊᑐᕐᓗᒋᑦ ᐱᕈᕐᓴᕐᑕᐅᒃᑲᓐᓂᕐᓂᖏᑦ ᐃᒪᕐᒥᐅᑕᕐᓂᐊᒐᐃᑦ ᓄᓇᕗᑦᒥ ᐃᖃᓗᓐᓂᐊᕐᑎᓄᑦ, ᐊᒻᒪᓗ ᐃᑉᐱᒋᓗᒍ ᓯᐊᒻᒪᕐᓯᒪᓂᕐᓴᐅᓗᒋᑦ ᐃᑲᔪᕐᓯᒍᑏᑦ ᓄᓇᕗᑦᒥᐅᓄᑦ.”

 

ᑐᓂᐅᖃᐃᓂᕐᒧᑦ ᐊᑐᐊᒐᐃᑦ ᐊᑐᕐᓂᖃᙱᑦᑐᑦ ᑮᓇᐅᔾᔭᑦᓴᕈᑕᐅᒐᑎᒃ ᐊᖑᓇᓱᒃᑕᓄᑦ ᐅᕝᕙᓘᓐᓃᑦ ᑮᓇᐅᔾᔭᑦᓴᕈᑕᐅᓪᓗᑎᒃ ᐱᔭᐅᕙᑦᑐᓄᑦ ᑕᓯᕐᓂᒃ ᐅᕝᕙᓘᓐᓃᑦ ᑎᓱᔪᐃᑦᑐᑦ ᐃᖃᓗᐃᑦ, ᒪᑯᐊ ᐃᖃᓗᒃᐲᑦ.

ᐊᑐᕐᑐᑦᓄᓇᕗᑦᒥᑮᓇᐅᔾᔭᑦᓴᕈᑎᒋᓗᒋᑦᑕᕆᐅᕐᒥᒃᑐᓂᐅᖃᒐᕐᓄᑦ

ᑐᓴᖅᑎᑦᑎᕗᑦ ᖃᐅᔨᒃᑲᐃᓪᓗᑎᒃ ᔫᓂ 12th 2015-ᒥ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᑐᒃᓯᕋᐅᑎᓂᒃ ᐱᑲᑕᓕᖅᑐᑦ ᐊᕐᕌᒍᑕᒫᓐ ᓂᐅᕐᕈᑎᒃᓴᓂᒃ ᑐᓂᔭᐅᖃᑦᑕᕈᒪᔪᓄᑦ ᖃᓕᕋᓕᒐᒃᓴᓄᑦ NAFO-ᑯᑦ ᐃᖃᓪᓕᐊᕐᕕᖁᑎᖏᓐᓂ 0Aᒥ ᐊᒻᒪᓗ 0Bᒥ ᑭᖑᒃᐸᖕᓂᐊᒐᒃᓴᑦ ᐃᓗᐊᓂ ᐊᒻᒪᓗ ᓯᓚᑖᓂ ᓄᓇᕗᑦ, ᒪᓕᒃᑕᐅᓪᓗᑎᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ ᑐᓂᓯᐅᖅᑲᐃᓂᕐᒧᑦ ᐊᑐᐊᒐᖓᑦ ᓂᐅᕐᕈᑎᒃᓴᓂᒃ ᐃᑭᕐᒥ ᐃᖃᓪᓕᐊᒐᒃᓴᓄᑦ (ᑐᓂᓯᐅᖅᑲᐃᓂᕐᒧᑦ ᐊᑐᐊᒐᖅ).

ᑕᐃᒪᓕ ᑐᒃᓯᕋᐅᑎᓕᐅᕐᓂᐊᕐᓗᓂ ᑐᓂᔭᐅᔪᒪᓗᓂ ᐃᖃᓪᓕᐊᒐᒃᓴᓂᒃ, ᑐᒃᓯᕋᐅᑎᓕᐅᖅᑐᖅ ᑕᑕᑎᕆᔭᕆᐊᓕᒃ “ᑕᑕᑎᕆᐊᓕᖕᒥᒃ ᑎᑎᕋᕐᕕᒃᓴᒥᒃ ᑐᓂᔭᐅᔪᒪᔾᔪᑎ ᓂᐅᕐᕈᑎᒃᓴᓂᒃ ᐃᑭᕐᒥ ᐃᖃᓪᓕᐊᒐᒃᓴᓂᒃ” (ᑐᒃᓯᕋᐅᑦ ᑕᑕᑎᕆᐊᓕᒃ), ᐊᒻᒪᓗ ᑐᓂᓯᓗᑎᒃ ᓇᓗᓴᐃᖅᑎᖅᓯᒪᔪᓂᒃ “ᒪᓕᒐᖏᓐᓂᒃ, ᐱᔅᓇᓯᖓᓄᑦ, ᐃᑲᔪᕈᑎᓂᒃ ᐊᒻᒪᓗ ᐸᖅᑭᒡᖠᕐᓂᕐᒧᑦ ᐸᕐᓇᐅᑎᐅᓂᐊᖅᑐᒥᒃ ᑐᓂᔭᐅᓗᑎᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ.  ᑐᒃᓯᕋᐅᑎ ᑕᑕᑎᕆᐊᓕᒃ, ᐸᕐᓇᐅᑎ ᑕᑕᑎᕆᐊᓕᒃ ᐊᒻᒪᓗ ᐃᓗᓕᕆᔭᖏᑦ ᓇᓗᓇᐃᖅᑎᖅᓯᒪᔪᑦ ᑐᒃᓯᕋᐅᑎ ᖃᓄᖅ ᐱᓕᕆᔭᐅᕙᖕᒪᑕ ᐃᓗᐊᓃᑦᑐᑦ ᑐᓂᓯᐅᖅᑲᐃᓂᕐᒧᑦ ᐊᑐᐊᒐᐅᑉ. ᐃᓱᒪᒃᓴᖅᓯᐅᕈᑕᐅᖃᓯᐅᔾᔭᐅᖁᓪᓗᒍ ᐊᕐᕌᒍᑕᒫᓐ ᑐᓂᔭᐅᖃᑦᑕᕋᔭᕐᓂᖓᓂᒃ ᐊᕐᕌᒍᓄᑦ ᑕᓪᓕᒪᓄᑦ ᐊᑯᓂᐅᓂᖃᕐᓗᓂ (2016/17 ᑎᑭᓪᓗᒍ 2020/2021 ᐃᑭᕐᒥ ᐃᖃᓪᓕᐊᕐᓇᕐᒥ),  ᑐᒃᓯᕋᐅᑎ ᑕᑕᑎᖅᓯᒪᔪᖅ ᐊᒻᒪᓗ ᐸᕐᓇᐅᑎ ᑐᓂᔭᐅᔭᕆᐊᖃᖅᑐᑦ ᓇᖕᒥᓂᖅ, ᐅᕝᕙᓘᓐᓂᑦ ᑎᑎᖅᑲᕐᓂᐊᕐᕕᒃᑯᑦ ᓱᒃᑲᔪᒃᑯᑦ, ᐅᕝᕙᓘᓐᓃᑦ ᑎᑎᖅᑲᕐᓂᐊᕐᑯᒃᑯᑦ ᐊᐅᓪᓚᖅᑎᑕᐅᓗᓂ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ ᑎᑎᕋᕐᕕᖓᓐᓄᑦ ᐃᖃᓗᖕᓂ, ᒪᑐᓚᐅᖏᓐᓂᖓᓂ ᐃᖅᑲᓇᐃᔭᕐᓇᖅ ᔪᓚᐃ 27th 2015. ᑐᒃᓯᕋᐅᑎᑦ ᐱᔭᐅᔪᑦ ᑭᖑᕐᖓᒍᑦ ᐅᓪᓘᑉ ᑖᔅᓱᒪ ᑕᐃᔭᐅᓯᒪᔫᑉ ᐃᓱᒪᒃᓴᖅᓯᐅᕈᑕᐅᓂᐊᖏᑦᑐᑦ.  ᐊᐅᓪᓚᖅᑎᑕᐅᔪᓐᓇᕐᒥᔪᑦ ᑐᒃᓯᕋᐅᑎᐅᔪᑦ ᓱᒃᑲᔪᒃᑯᑦ ᐅᕝᕙᓘᓐᓂᑦ ᖃᕆᑕᐅᔭᒃᑯᑦ, ᑭᓯᐊᓂᓕ ᑎᒥᖁᑎᓯ ᐊᐅᓪᓚᖅᑎᑦᓯᓂᐊᕈᑎᒃ ᐅᐊᔭᒨᖅᑐᒃᑯᑦ ᐅᖄᓚᔭᕆᐊᖃᖅᑐᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ - ᐃᓱᓕᓚᐅᖏᓐᓂᖓᓂ ᐅᓪᓗᖅ ᐃᓱᓕᕝᕕᒃᓴᓕᐊᖑᓯᒪᔪᖅ - ᑎᑎᕋᖅᓯᒪᑦᑎᐊᖅᑐᑦ ᐅᖃᓕᒫᒐᕐᓂᖅᑐᓂᒃ ᐊᔾᔨᖏᓐᓂᒃ ᐊᐅᓪᓚᖅᑎᑦᑎᓗᑎᒃ ᐱᔭᐅᓗᑎᒃ. ᒪᓕᒃᑕᐅᓗᑎᒃ ᓈᓴᐅᓯᖅᓱᐅᔾᔪᓯᐅᕙᒃᑐᑦ ᑐᓂᓯᐅᖅᑲᐃᓂᕐᒧᑦ ᐊᑐᐊᒐᕐᒥ ᓇᓗᓇᐃᖅᑕᐅᓯᒪᔪᖅ ᐊᑐᖅᑕᐅᓂᐊᖅᑐᖅ, ᓄᓇᕗᑦ ᐆᒪᔪᓕᕿᔨᕐᔪᐊᑦ ᑲᑎᒪᔨᖏᑦ ᐅᔾᔨᖅᓱᕐᓗᑎᒃ ᓈᓴᐅᓯᖅᑐᐃᓂᐊᖅᑐᑦ ᑐᒃᓯᕋᐅᑕᐅᔪᓂᒃ ᐱᔭᐅᓯᒪᔪᓂᒃ, ᐊᒻᒪᓗ ᑖᒃᑯᐊ ᒪᓕᒡᓗᒋᑦ ᐊᑐᓕᖁᔭᓕᐅᕐᓂᐊᖅᑐᑦ ᐊᒻᒪᓗ ᐃᓱᒪᓕᐅᕐᓗᑎᒃ ᒪᓕᒃᑕᐅᓗᑎᒃ ᑖᒃᑯᐊ.

ᐱᔪᒪᒍᕕᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ ᑐᓂᓯᐅᖅᑲᕐᓂᕐᒧᑦ ᐊᑐᖃᒐᖓᓐᓄᑦ, ᐊᔾᔨᖓᓂᒃ ᐱᔪᓐᓇᖅᐳᓯ ᑐᓂᓯᐅᖅᑲᕐᓂᕐᒧᑦ ᐊᑐᐊᒐᑦ ᐊᒻᒪ/ᐅᕝᕙᓘᓃᑦ ᑐᒃᓯᕋᐅᑎ ᑕᑕᑎᕆᐊᓕᒃ, ᐱᔭᐅᔪᓐᓇᖅᑐᑦ ᐃᓗᐊᓂ ᖃᕆᑕᐅᔭᒃᑯᑦ ᑐᑭᓯᖏᐊᕐᕕᐅᑉ ᐅᕙᓂ www.nwmb.com ᐅᕝᕙᓘᓐᓃᑦ ᑐᓴᖅᑎᓪᓗᒋᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᒪᑎᔨᖏᑦ ᐅᕙᓂ ᑐᕌᕈᒻᒥ:

NUNAVUT WILDLIFE MANAGEMENT BOARD

3rd Floor, 1106 Ikaluktuutiak Drive

P.O. Box 1379, Iqaluit, NU, X0A 0H0

ᐅᖄᓚᐅᑦ: 867-975-7300

ᓱᒃᑲᔪᒃᑯᑦ: 1-888-421-9832

ᖃᕆᑕᐅᔭᒃᑯᑦ: This email address is being protected from spambots. You need JavaScript enabled to view it.

 

 

ᐱᓕᕆᖃᑕᐅᓂᖓᑦᓄᓇᕗᑦᐆᒪᔪᓕᕆᔨᕐᔪᐊᑦᑲᑎᒪᔨᖏᑕᐃᓗᐊᓂᓄᓇᕗᑦᓂᐅᕐᕈᑎᒃᓴᓂᒃᐃᑭᕐᒥᐃᖃᓪᓕᐊᕐᓂᕐᒧᑦ

ᐃᓗᐊᓂᓄᓇᕗᒥᓄᓇᑖᕆᔭᐅᓯᒪᔪᑦᑭᒡᓕᖓᑕ (NSA)

ᓈᓴᐅᑎᖓ 5.2.33 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ (NLCA) ᓇᓗᓇᐃᖅᓯᓯᒪᑦᑎᐊᖅᐳᖅ ᐱᓕᕆᐊᒃᓴᖏᓐᓂᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ ᐃᓗᐊᓂ ᓄᓇᕗᒥ ᓄᓇᑖᕆᔭᐅᓯᒪᔪᑦ:

ᐃᓕᓴᖅᓯᓯᒪᓯᓐᓇᕐᓗᑎᒃᒐᕙᒪᒃᑯᑦᑎᒍᒥᐊᖅᓯᔨᐅᓂᖏᓐᓂᒃᑭᖑᓪᓕᖅᐹᒥᑲᒪᓂᕐᒧᑦᐃᓱᒪᓕᐅᕆᔨᐅᓂᖏᓐᓂᒃᐆᒪᔪᐃᑦᒥᐊᓂᕆᔭᐅᓂᖏᓐᓄᑦ, ᓄᓇᕗᑦᐆᒪᔪᓕᕆᔨᕐᔪᐊᑦᑲᑎᒪᔨᖏᑦᑎᒍᒥᐊᖅᓯᔨᐅᓂᐊᖅᐳᑦᐊᐅᓚᑦᑎᔨᓪᓗᐊᑕᐅᓂᕐᒥᒃᐆᒪᔪᑦᒥᐊᓂᕆᔭᐅᓂᖏᓐᓄᑦᓄᓇᕗᑦᐃᓗᐊᓂᐊᒻᒪᒪᓕᒐᓕᐅᖅᑎᐅᓗᑎᒃᐆᒪᔪᖅᑕᐅᔪᓐᓇᖅᑐᓄᑦᐊᒻᒪᑎᒍᒥᐊᖅᓯᔨᐅᓗᑎᒃᑲᒪᓂᕐᒥᒃᑕᒪᒃᑯᓂᖓᒪᓕᒃᓯᒪᓗᑎᒃᓇᓗᓇᐃᖅᑕᐅᓯᒪᔪᓂᒃᐊᖏᖃᑎᒌᒍᑎᑦᐃᓗᐊᓂ.

ᐱᔾᔪᑎᒋᓪᓗᒍ ᓂᐅᕐᕈᑎᒃᓴᓂᒃ ᐃᑭᕐᒥ ᐃᖃᓪᓕᐊᖃᑦᑕᕐᓂᖅ, ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐊᖏᔪᒥᒃ ᐃᓱᒪᓕᐅᕈᓐᓇᕐᓂᕐᒧᑦ ᐱᔪᓐᓇᐅᑎᖃᖅᐳᑦ ᐃᒪᖓᓄᑦ ᓄᓇᕗᒥ ᓄᓇᑖᕆᔭᐅᓯᒪᔪᑦ ᐃᓗᐊᓂ − ᑖᒃᑯᐊ ᐃᒪᐃᑦ ᓴᓂᑦᑎᐊᖓᓃᑉᐳᑦ ᓄᓇᕗᑦ ᐊᒻᒪ ᐅᖓᓯᖕᓂᖃᕐᖢᓂ ᑭᒡᓕᖓ 12 ᒪᐃᓕᒧᑦ ᑲᓇᑕᐅᑉ ᑭᒡᓕᖁᑎᖓ ᑕᕆᐅᑉᒧᑦ ᒪᓕᒡᓗᒍ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ, ᓈᓴᐅᑎᖓ 3). ᐃᓱᒪᓕᐅᕐᓂᕐᒧᑦ ᐱᔪᓐᓇᕐᓂᐅᔪᖅ ᑎᒍᒥᐊᖅᑕᐅᓗᓂ ᐱᖃᑎᒋᓗᒍ ᒥᓂᔅᑕᖓᑦ ᐃᖃᓗᓕᕆᓂᕐᒧᑦ ᐊᒻᒪ ᐃᒪᕐᒥᐅᑕᓕᕆᓂᕐᒧᑦ, ᒪᓕᒡᓗᒋᑦ ᒪᓕᒐᖏᑦ ᐊᒻᒪ ᓇᓗᓇᐃᖅᑕᐅᓯᒪᔪᑦ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ, ᐊᒻᒪ ᐱᖃᓯᐅᔾᔨᓯᒪᓗᓂ ᐱᔪᓐᓇᕐᓂᐅᔪᒥᒃ ᐃᒪᐃᓕᐅᕐᓂᕐᒧᑦ:

·       ᓴᓇᓗᑎᒃ, ᐊᖅᑭᒋᐊᕆᓗᑎᒃ ᐅᕝᕙᓗ ᐲᖅᓯᓗᑎᒃ ᐅᓄᕐᓂᕆᔭᖏᓐᓂᒃ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᓐᓂᒃ ᐅᕝᕙᓗ ᐆᒪᔪᖅᑕᐅᔪᒃᓴᓂᒃ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 5.6.16);

·       ᐃᓱᒪᓕᐅᕈᑎᖃᕐᓗᑎᒃ ᑐᓂᔭᐅᓂᐊᖅᑐᓂᒃ ᓂᐅᕐᕈᑎᒃᓴᐅᓂᐊᖅᑐᓂᒃ ᐅᓄᕐᓂᖏᓐᓂᑦ ᑕᐃᑲᓐᖓᑦ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᓐᓂᑦ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 5.6.31); ᐊᒻᒪ

·       ᓴᓇᓗᑎᒃ, ᐋᖅᑭᒋᐊᕆᓗᑎᒃ ᐅᕝᕙᓗ ᐲᖅᓯᓗᑎᒃ ᐊᖑᓇᓱᖕᓂᕐᒧᑦ ᒪᓕᒐᕐᓂᒃ − ᓲᕐᓗ ᒪᓕᒐᖏᓐᓂᒃ ᖃᓄᐃᑦᑐᓂᒃ ᓱᒋᐅᑎᖃᕆᐊᖃᕐᒪᖔᑕ ᐊᒻᒪ ᖃᖓᒃᑯᑦ ᐆᒪᔪᕋᓱᐊᖅᑕᐅᔪᓐᓇᕐᒪᖔᑕ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 5.6.48).

ᓯᓚᑖᓂᓄᓇᕗᑦᓄᓇᖁᑎᑖᕆᓯᒪᔭᖓᑕ

ᐱᓪᓗᒋᑦ ᓂᐅᕐᕈᑎᒃᓴᓂᒃ ᐃᑭᕐᒥ ᐃᖃᓪᓕᐊᕐᓂᖅ, ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐱᓕᕆᐊᒃᓴᒥᖕᓂᒃ ᐱᓕᕆᐊᖃᖅᐳᑦ ᐅᖃᐅᔾᔨᒋᐊᖅᑎᐅᓂᕐᒧᑦ ᐱᓕᕆᔪᓐᓇᕐᓂᕐᒥ ᐃᑭᕐᒥ ᐃᖃᓪᓕᐊᕐᕕᐅᑉ ᐊᒡᒍᖅᑐᖅᓯᒪᓂᖓᓂ I ᐊᒻᒪ II. ᑲᓇᖕᓇᖓᓂ ᓄᓇᕗᒥ ᓄᓇᖁᑎᑖᕆᓯᒪᔭᖓᑕ ᐃᑭᕐᒥ ᐃᖃᓪᓕᐊᕐᕕᒃ ᐊᒡᒍᖅᑐᖅᓯᒪᓂᓕᒃ I – ᑕᐃᒃᑯᐊ ᓴᓂᐊᓃᑦᑐᑦ ᐃᑭᕐᒥ ᐸᕙᓐ ᐸᐃᒥ ᐊᒻᒪ ᑕᐃᕕᔅ ᓯᑐᕋᐃᑦ ᐃᑭᖓᓂ ᓄᓇᕗᑦ ᑭᒡᓕᖁᑎᖓᓐᓂ, ᒪᓕᒡᓗᒋᑦ ᑲᓇᑕᐅᑉ ᐱᓕᕆᔪᓐᓇᕐᓂᖓᑦ ᐊᒻᒪ ᐃᓚᒋᔭᐅᖏᑦᑐᑦ ᓄᓇᕗᒥ ᓄᓇᖁᑎᑖᕆᓯᒪᔭᖓᑕ. ᑎᑭᓪᓗᒍ ᓂᒋᐊᓄᑦ ᐃᑭᕐᒥ ᐃᖃᓪᓕᐊᕐᕕᒃ II − ᑕᐃᒃᑯᐊ ᐃᑭᖓᓂ ᔭᐃᒻᔅ ᐸᐃ, ᕼᐊᓐᓴᓐ ᐸᐃ ᑕᓯᐅᔭᕐᔪᐊᖓᓂ ᐊᒻᒪ ᕼᐊᑦᓴᓐ ᓯᑐᕋᐃᑦ ᐃᑭᕋᓴᖓᓂ ᐃᓚᒋᔭᐅᖏᑦᑐᑦ ᓄᓇᕗᒥ ᓄᓇᑖᕆᓯᒪᔭᖏᑕ ᐅᕝᕙᓗ ᐊᓯᖏᓐᓄᑦ ᓄᓇᖁᑎᑖᕆᓯᒪᓐᖏᑕᖏᑦ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 1.1.1). ᑖᓐᓇ ᐅᖃᐅᔾᔨᒋᐊᕈᓐᓇᕐᓂᕐᒧᑦ ᐱᔪᓐᓇᐅᑎᐅᔪᖅ ᒪᓕᒃᓯᒪᔭᕆᐊᖃᖅᐳᖅ ᒪᓕᒐᖏᓐᓂᒃ ᐊᒻᒪ ᓇᓗᓇᐃᖅᑕᐅᓯᒪᔪᓂᒃ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᐊᒻᒪ ᐱᖃᓯᐅᔾᔨᓯᒪᓪᓗᓂ ᐱᔪᓐᓇᕐᓂᕐᒥᒃ ᐃᒪᐃᓕᐅᕈᓐᓇᕐᓂᕐᒧᑦ:

·       ᑐᓂᓯᔪᓐᓇᕐᓗᑎᒃ ᐊᑑᑎᖃᖅᑐᓂᒃ ᑐᓴᒐᒃᓴᓂᒃ ᒐᕙᒪᒃᑯᓐᓄᑦ ᐃᑲᔪᖅᓯᒐᔭᖅᑐᓂᒃ ᐆᒪᔪᑦ ᒥᐊᓂᕆᔭᐅᓂᖏᓐᓄᑦ ᐅᖓᑖᓄᑦ ᐃᑭᐅᑉ ᐃᓗᐊᓂ ᓄᓇᕗᒥ ᓄᓇᑖᕆᔭᐅᓯᒪᔪᑦ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 15.3.4);

·       ᐊᐱᕆᔭᐅᔭᕌᖓᒥᒃ ᐅᖃᐅᔾᔨᒋᐊᕈᓐᓇᕐᓗᑎᒃ ᓇᓕᐊᖕᓄᑐᐃᓐᓇᖅ ᐆᒪᔪᐃᑦ ᒥᐊᓂᕆᔭᐅᓂᖏᓐᓄᑦ ᐃᓱᒪᓕᐅᕈᑎᓄᑦ ᑐᒃᓯᕋᖅᑎᓪᓗᒋᑦ ᒐᕙᒪᒃᑯᑦ ᐊᒃᑐᐃᓂᖃᕋᔭᖅᑎᓪᓗᒋᑦ ᓂᕿᒃᓴᕐᓯᐅᕐᓂᖏᓐᓄᑦ ᐊᒻᒪ ᐊᑑᑎᖃᕐᓂᖏᓐᓄᑦ ᐃᓄᐃᑦ ᐊᖑᓇᓱᖕᓂᕐᒧᑦ ᐱᔪᓐᓇᐅᑎᖏᓐᓄᑦ ᐊᒻᒪ ᐱᕕᒃᓴᕆᔭᖏᓐᓄᑦ ᐃᓗᐊᓂ ᐃᑭᐅᑉ ᓄᓇᕗᒥ ᓄᓇᑖᕆᔭᐅᓯᒪᔪᑦ ᐃᓗᐊᓂ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 15.3.4);

·       ᐅᖃᐅᔾᔨᒋᐊᕈᓐᓇᕐᓗᑎᒃ ᐊᒻᒪ ᐊᑐᓕᖁᔭᓕᐅᕈᓐᓇᕐᓗᑎᒃ ᒐᕙᒪᒃᑯᓐᓄᑦ ᐱᓪᓗᒋᑦ ᒐᕙᒪᒃᑯᑦ ᐱᓕᕆᐊᒃᓴᕆᔭᖏᓐᓄᑦ ᑲᒪᒋᔭᒃᓴᖏᓐᓄᑦ (i) ᐃᓕᓴᖅᓯᖁᓪᓗᒋᑦ ᐱᒻᒪᕆᐅᓂᖏᓐᓂᒃ ᒪᓕᒐᕆᔭᐅᔪᑦ ᓴᓂᑦᑎᐊᖓᓂ ᐊᒻᒪ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᑐᓐᖓᕕᒋᔭᐅᓂᖏᑦ ᓄᓇᓕᖕᓄᑦ ᐃᓗᐊᓂ ᓄᓇᕗᑦ ᓄᓇᑖᕆᓯᒪᔭᖏᑕ ᑕᕆᐅᖏᓐᓂ ᐱᕙᓪᓕᐊᑎᑕᐅᔪᓐᓇᖅᑐᓄᑦ, ᐊᒻᒪᓗ (ii) ᐱᑐᐃᓐᓇᐅᖏᑦᑐᒃᑯᑦ ᐃᓱᒪᒃᓴᖅᓯᐅᕈᑕᐅᖁᓪᓗᒋᑦ ᑕᒪᒃᑯᐊ ᐱᔾᔪᑎᐅᔪᑦ ᑐᓂᓯᐅᖅᑲᐃᓕᖅᑎᓪᓗᒋᑦ ᓂᐅᕐᕈᑎᒃᓴᓂᒃ ᐃᖃᓪᓕᐊᒐᒃᓴᓄᑦ ᓚᐃᓴᓐᓯᓂᒃ ᐃᓗᐊᓂ ᐃᑭᕐᒥ ᐃᖃᓪᓕᐊᕐᕕᑦ ᐊᒡᒍᖅᑐᖅᓯᒪᓂᖏᓐᓄᑦ I ᐊᒻᒪ II−ᒧᑦ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 15.3.7); ᐊᒻᒪ

·       ᐅᖃᐅᔾᔨᒋᐊᕈᑎᓕᐅᕐᓗᑎᒃ ᐊᒻᒪ ᐊᑐᓕᖁᔭᓕᐅᕐᓗᑎᒃ ᐱᓪᓗᒋᑦ ᑖᒃᑯᐊᑦᓴᐃᓐᓇᐃᑦ ᐃᑭᕐᒥ ᐃᖃᓪᓕᐊᕐᕕᐅᔪᑦ ᓄᓇᕗᒥ ᓄᓇᑖᕆᓯᒪᔭᖓᑕ ᑭᒡᓕᖓᑕ ᐃᓗᐊᓂ, ᒐᕙᒪᒃᑯᓐᓄᑦ ᐃᓱᒪᒃᓴᖅᓯᐅᕈᑕᐅᔭᕆᐊᖃᖅᑎᓪᓗᒋᑦ ᐃᓱᒪᓕᐅᕐᓂᐊᕐᓗᑎᒃ ᐊᒃᑐᐃᓂᖃᕐᓂᐊᖅᑎᓪᓗᒍ ᑕᕆᐅᖓᓂᒃ ᑕᐅᕙᑦᓱᒪ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 15.4.1).

ᑭᖑᕐᒐᒍᑦ ᑐᓴᕐᕕᖃᕋᓱᐊᕐᓃᑦ ᐅᑯᓂᐊ ᐆᒪᔪᓕᕆᔨᕐᔪᐊᑦ ᐊᒻᒪᓗ ᐊᓯᖏᑦ, ᒥᓂᔅᑕᖓᑦ ᐃᒪᕐᒥᐅᑕᓕᕆᔩᑦ ᐋᕿᑦᓱᐃᕙᑉᐳᖅ ᓄᓇᕗᑦᒥ ᐊᒡᒍᑐᕐᓯᒪᓂᖓᓂ ᑐᓂᐅᖃᒐᕐᓂᒃ ᐃᑭᕐᒥᒃ ᐃᒪᕐᒥᐅᑕᕐᓂᐊᒐᕐᓂᒃ.  ᐆᒪᔪᓕᕆᔨᕐᔪᐊᑦ ᐋᖀᓕᕐᑐᑎᒃ ᐊᑐᓕᖁᔭᒥᓐᓂᒃ ᐃᒻᒥᒃᑯᑦ ᑮᓇᐅᔾᔭᑦᓴᕈᑎᒋᓗᒋᑦ ᑐᓂᐅᖃᒐᕐᓂᒃ ᓄᓇᕗᑦᒥ ᐃᖃᓗᓐᓂᐊᕐᑎᓄᑦ.  ᑕᐃᒪᓐᓇ ᐋᖅᑭᒡᓯᓯᒪᔪᑦ ᒪᓕᒃᑕᐅᓪᓗᑎᒃ ᐱᓕᕆᕝᕕᐅᑉ 2004−ᒥ ᐊᑐᐊᒐᕆᓕᓚᐅᖅᑕᖓᑦ ᐋᖅᑭᒡᓯᒪᔾᔪᑎ ᒥᐊᓂᖅᓯᔾᔪᑕᐅᓗᑎᒃᐃᖃᓪᓕᐊᖅᑐᓕᕆᓂᕐᒧᑦᑲᓇᑕᐅᑉᐊᑦᓛᓐᑎᖕᒥᑕᕆᐅᖓᓄᑦ − ᑖᒃᑯᐊ ᐃᓱᒪᓕᐅᕈᑕᐅᔪᑦ ᐊᒃᑐᐊᓂᖃᖅᐳᑦ ᒥᐊᓂᕆᔭᐅᓂᖏᓐᓄᑦ ᐃᖃᓪᓕᐊᕐᕕᐅᔪᑦ ᐃᓱᒪᓕᐅᕈᑕᐅᖃᑦᑕᖅᐳᑦ ᒪᓕᒃᑕᐅᓪᓗᑎᒃ ᐃᖃᓪᓕᐊᖅᑎᑦ ᖃᓂᒋᔭᖏᓐᓃᑦᑐᑦ ᐃᖃᓪᓕᐊᕐᑯᐅᑉ.

ᒪᓕᒐᐃᑦᑐᑭᒧᐊᒍᑎᑦᓄᓇᕗᑦᐆᒪᔪᓕᕆᔨᕐᔪᐊᑦᑲᑎᒪᔨᖏᑕᑐᓂᓯᐅᖅᑲᐃᓂᕐᒧᑦᐊᑐᐊᒐᖏᑦᓄᓇᕗᒥᓂᐅᕐᕈᑎᒃᓴᓄᑦᐃᑭᕐᒥᐃᖃᓪᓕᐊᒐᒃᓴᓄᑦ

ᐃᑲᔪᖅᑐᐃᓗᑎᒃ ᒪᓕᒐᖏᓐᓂᒃ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓᓂᒃ 5 (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 5.1.2 ᐊᒻᒪ 5.1.5) ᐊᒻᒪ ᐱᓕᕆᐊᒃᓴᑦ ᓇᓗᓇᐃᖅᑕᐅᓯᒪᔪᑦ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ ᓂᐅᕐᕈᑎᒃᓴᓂᒃ ᑐᓂᓯᐅᖅᑲᐃᓂᐊᖅᑎᓪᓗᒋᑦ ᐃᖃᓪᓕᐊᒐᒃᓴᓂᒃ ᐃᓗᐊᓂ ᓄᓇᕗᑦ ᓄᓇᑖᕆᓯᒪᔭᖓᑦᑕ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 5.6.31, 5.6.38 ᑎᑭᓪᓗᒍ 5.6.40, ᐊᒻᒪᓗ 5.6.45 ᑎᑭᓪᓗᒍ 5.6.47) ᑖᒃᑯᐊ ᒪᓕᒐᕆᔭᐅᕗᑦ, ᑐᑭᒧᐊᒃᑎᑦᓯᔾᔪᑕᐅᓪᓗᑎᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ ᑐᓂᓯᐅᖅᑲᐃᓂᕐᒧᑦ ᓂᐅᕐᕈᑎᒃᓴᓂᒃ ᐃᑭᕐᒥ ᐃᖃᓪᓕᐊᒐᒃᓴᓄᑦ:

1.     ᓴᐳᒻᒥᔭᐅᖁᓪᓗᒍ ᖃᓄᐃᖏᑦᓯᐊᖁᓪᓗᒋᑦ ᐃᒪᕐᒥᐅᑕᑦ ᐅᓄᕐᓂᕆᔭᖏᑦ ᐊᒻᒪ ᐃᒪᖅ ᓇᔪᒐᖓᑦ ᐊᑐᕐᓗᑎᒃ ᓄᖑᑦᓯᕙᓪᓕᐊᖏᑦᑐᓂᒃ ᐱᕙᓪᓕᐊᑎᑦᑎᓂᕐᒥᒃ, ᐊᒻᒪ ᑲᒪᑦᑎᐊᕐᓗᑎᒃ ᑕᒪᓐᓇ ᐊᑑᑎᖃᖅᐳᖅ ᓄᖑᑦᑎᕙᓪᓕᐊᖏᓪᓗᑎᒃ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ, ᐃᓅᓯᕐᒧᑦ ᐊᒻᒪ ᐃᓕᖅᑯᓯᕐᒧᑦ ᐊᑐᕐᓗᑎᒃ ᐊᖑᓇᓱᖕᓂᕐᒧᑦ ᑭᓐᖒᒪᔭᖏᑦ ᒪᓕᒡᓗᒋᑦ ᓄᓇᕗᒥᐅᑦ, ᒫᓐᓇᒧᑦ ᐊᒻᒪ ᓯᕗᓂᒃᓴᒥ ᑭᖑᕚᑦᑎᓐᓄᑦ ᐊᑐᖅᑕᐅᔪᓐᓇᕐᓂᐊᕐᒪᑕ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 5.1.5(c));

2.     ᐃᖃᓪᓕᐊᕐᓂᖅ ᐊᑑᑎᖃᒻᒪᕆᒃᐳᖅ ᐊᒻᒪ ᐱᒻᒪᕆᓪᓗᓂ ᐱᖁᑎᒋᔭᖓᑦ ᒥᐊᓂᕆᔭᐅᑦᓯᐊᖁᓪᓗᒍ ᒪᑐᐃᖓᑦᓯᐊᕐᓗᑎᒃ, ᑕᑯᒃᓴᐅᑦᓯᐊᕐᓗᑎᒡᓗ ᐊᒻᒪ ᑭᐅᔪᓐᓇᕐᓗᑎᒃ ᐊᔾᔨᒌᒃᑐᒃᑯᑦ ᐃᑲᔪᖅᓯᓂᖃᖁᓪᓗᒍ ᐃᓘᓐᓇᖏᓐᓄᑦ ᓄᓇᕗᒥᐅᓄᑦ;

3.     ᑭᓐᖒᒪᒃᓯᖅᐳᑦ ᐃᖃᓪᓕᐊᖅᑐᓕᕆᓂᖅ ᐊᔾᔨᒌᖏᑦᑑᖁᓪᓗᒍ, ᓴᖅᑭᑦᑎᓗᑎᒃ ᓄᖑᑦᓯᕙᓪᓕᐊᖏᓪᓗᑎᒃ ᐃᒡᓗᒌᑦᑎᐊᖁᓪᓗᒋᑦ ᓯᒡᔭᖅᐸᓯᖕᒥ ᐊᒻᒪ ᐃᑭᕐᒥ ᐃᖃᓪᓕᐊᖅᑎᓪᓗᒋᑦ, ᐊᒻᒪ ᐊᑯᕐᖓᓐᓂ ᓄᓇᓕᐅᔪᑦ ᐱᔭᒃᓴᖏᑦ ᐊᒻᒪ ᐱᔅᓇᓯᖃᕐᓂᕐᒧᑦ ᐊᐅᓚᔾᔭᒃᑕᐅᔪᒃᓴᑦ;

4.     ᑕᐃᒪᓕ ᑎᑭᑦᑐᓐᓇᖁᓪᓗᒋᑦ ᑮᓇᐅᔭᓕᐅᕈᓐᓇᑦᑎᐊᕐᓗᑎᒃ ᓄᓇᕗᒥ ᐊᐅᓚᑕᐅᓗᓂ ᐃᖃᓪᓕᐊᕐᓂᖅ, ᑭᓐᖒᒪᒃᓯᖅᐳᑦ ᐃᓄᐃᑦ ᑭᓇᒃᑯᑐᐃᓐᓇᐃᑦ ᐃᖅᑲᓇᐃᔭᖃᑎᒌᑦᑎᐊᕆᐊᖃᕐᒪᑕ ᐃᑲᔪᖅᑐᐃᖃᑎᒌᒡᓗᑎᒃ;

5.     ᑐᓂᓯᐅᖅᑲᐃᑎᓪᓗᒋᑦ ᓂᐅᕐᕈᑎᒃᓴᓂᒃ ᐃᖃᓪᓕᐊᒐᒃᓴᓂᒃ, ᐃᓱᒪᒃᓴᖅᓯᐅᕈᑎᖃᖅᑳᕆᐊᖃᖅᐳᑦ ᓄᓇᕗᒥᐅᑕᓄᑦ ᐊᒻᒪ ᐊᐅᓚᑕᖏᑦ ᐃᑲᔪᖅᓯᓂᖃᕐᓂᖏᓐᓄᑦ ᓄᓇᕗᒥ ᑮᓇᐅᔭᓕᐅᕈᑕᐅᓇᓱᐊᖅᑐᓄᑦ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 5.6.45);

6.     ᑭᓐᖒᒪᒃᓯᖅᐳᑦ ᐱᑐᐃᓐᓇᐅᖏᑦᑐᒃᑯᑦ ᐃᓱᒪᒃᓴᖅᓯᐅᕈᑕᐅᔭᕆᐊᖃᕐᓂᖓᓂᒃ ᓴᓂᑦᑎᐊᖓᓂ ᐃᖃᓪᓕᐊᒐᒃᓴᓂᒃ ᑐᓂᓯᐅᖅᑲᐃᑎᓪᓗᒋᑦ ᓂᐅᕐᕈᑎᒃᓴᓂᒃ, ᐱᓗᐊᖅᑐᒥᒃ ᐃᓗᐊᓂ ᓄᓇᕗᒥ ᓄᓇᑖᕆᓯᒪᔭᖓᑕ ᑭᒡᓕᖓᑕ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 15.3.7);

7.     ᑐᓂᓯᐅᖅᑲᐃᑎᓪᓗᒋᑦ ᓂᐅᕐᕈᑎᒃᓴᓂᒃ ᐃᑭᕐᒥ ᐃᖃᓪᓕᐊᒐᒃᓴᓂᒃ, ᑭᓐᖒᒪᒃᓯᖅᐳᑦ ᐱᑐᐃᓐᓇᐅᖏᑦᑐᒃᑯᑦ ᐃᓱᒪᒃᓴᖅᓯᐅᕈᑎᖃᖁᓪᓗᒋᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᑦ ᑐᓐᖓᕕᖃᕐᓂᖏᑦ ᓄᓇᓕᖕᓂ ᑖᒃᑯᓄᖓ ᐃᖃᓪᓕᐊᒐᒃᓴᓄᑦ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 15.3.7);

8.     ᑮᓇᐅᔭᓕᐅᑦᑎᐊᖅᑐᒥᒃ ᓄᓇᕗᒥ ᐊᐅᓚᑕᐅᓂᐊᕐᓗᓂ ᐃᖃᓪᓕᐊᕐᓂᖅ ᐱᔭᕆᐊᖃᖅᐳᑦ ᐅᓄᑲᓪᓚᒃᑐᓄᑦ ᐃᓚᐅᑎᑦᓯᓗᑎᒃ ᑮᓇᐅᔭᓕᐅᕈᓐᓇᖅᑐᑦ ᓂᐅᕐᕈᑎᒃᓴᓂᒃ ᑮᓇᐅᔭᓕᐅᕋᓱᐊᕐᓂᕐᒧᑦ ᐅᕝᕙᓗ ᓇᖕᒥᓂᕆᔭᐅᔪᑦ ᐊᒡᒍᖅᑐᖅᓯᒪᓂᕐᒧᑦ ᐆᒪᔪᓕᕆᓂᕐᒧᑦ ᑎᒥᖁᑎᒋᔭᐅᔪᑦ ᐊᒻᒪᓗ ᐊᖑᓇᓱᒃᑐᓕᕆᔨᒃᑯᑦ ᑎᒥᖁᑎᒋᔭᖏᑦ (ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᓈᓴᐅᑎᖓ 5.1.3(a)(iii) ᐊᒻᒪ 5.6.39);

9.     ᑐᓂᓯᐅᖅᑲᐃᑎᓪᓗᒋᑦ ᓂᐅᕐᕈᑎᒃᓴᓂᒃ ᐃᑭᕐᒥ ᐃᖃᓪᓕᐊᒐᒃᓴᓂᒃ, ᑭᓐᖒᒪᒃᓯᖅᐳᑦ ᐱᑐᐃᓐᓇᐅᖏᑦᑐᒃᑯᑦ ᐃᓱᒪᒃᓴᖅᓯᐅᕈᑕᐅᖁᓪᓗᒋᑦ ᑮᓇᐅᔭᓕᐅᕈᑕᐅᔪᓐᓇᕐᓂᖏᓐᓂᒃ ᐃᖃᓪᓕᐊᖅᑐᓕᕆᓂᕐᒧᑦ ᐱᔅᓇᓯᖃᕐᓗᓂ ᐊᒻᒪ ᐃᖃᓪᓕᐊᖅᑎᐅᔪᑦ ᓯᕗᒧᐊᑦᑎᐊᕈᓐᓇᕐᓗᑎᒃ ᐃᖃᓪᓕᐊᕐᓂᕐᒧᑦ ᐱᔅᓇᓯᒋᔭᖓᒍᑦ; ᐊᒻᒪᓗ;

10. ᑮᓇᐅᔭᓕᐅᕈᓐᓇᑦᑎᐊᖅᑐᖅ ᓄᓇᕗᒥ ᐃᖃᓪᓕᐊᖅᑐᓕᕆᓂᖅ ᐃᑲᔪᖅᓯᓂᖃᕈᓐᓇᖅᐳᖅ ᐊᔪᖅᓴᖏᓐᓂᕐᒧᑦ, ᐃᖅᑲᓇᐃᔮᒃᓴᓂᒃ ᓴᖅᑭᑦᑎᓂᕐᒧᑦ, ᐱᓕᒻᒪᒃᓴᐃᓂᕐᒧᑦ ᐊᒻᒪ ᐃᓕᓐᓂᐊᕐᓂᕐᒧᑦ ᐱᕕᒃᓴᐅᔪᓂᒃ ᓄᓇᕗᒥᐅᓄᑦ ᐊᒃᓱᑲᓪᓚᒃ ᑮᓇᐅᔭᓂᒃ ᑕᒪᒃᑯᐊ ᐊᑐᕐᕕᐅᓗᑎᒃ ᑭᓯᐊᓂ ᓄᓇᕗᒥ ᑮᓇᐅᔭᓕᐅᕈᑕᐅᔪᓐᓇᖅᑐᑦ ᐱᖁᑎᒋᔭᐅᔪᑦ.