ᓯᕗᒧᐊᑦᑎᐊᖅᓯᒪᓂᑯᑦ:

·         ᓴᓇᔭᐅᓂᖏᑦ ᐃᓕᖅᑯᓯᕐᒧᑦ ᐊᒃᑐᐊᓂᖃᖅᑐᑦ ᒪᓕᒐᖏᑦ ᐱᐅᓯᕆᔭᐅᓂᐊᖅᑐᑦ ᐃᓄᓕᒫᖅᑎᑦᓯᓗᑎᒃ ᓈᓚᒃᑎᐅᓗᑎᒃ ᑲᑎᒪᓂᐅᔪᑦ; ᑖᒃᑯᐊ ᐊᖑᒻᒪᑎᔪᑦ ᐃᓘᓐᓇᖏᓐᓄᑦ ᐊᑐᕆᐊᓕᖕᓄᑦ ᐱᐅᓯᔪᒃᑯᑦ ᐊᖅᑭᒡᓯᓂᕐᒥᒃ ᐊᒻᒪ ᒪᓕᒐᖏᑦ ᐊᔾᔨᒌᒃᑎᑦᓯᓪᓗᑎᒃ, ᑭᓯᐊᓂᓕ ᐋᖅᑭᒡᓯᒪᔪᑦ ᐱᖃᓯᐅᔾᔨᓯᒪᑦᑎᐊᖁᓪᓗᒋᑦ ᐃᓄᐃᑦ ᐃᓕᖅᑯᓯᖓᓐᓂ ᑎᑎᖅᑲᓂᒃ ᐱᑕᖃᖏᒻᒪᑦ ᐅᖃᐅᓯᒃᑯᑦ ᐊᑐᕐᓂᖅᓴᐅᖕᒪᑕ.

  • ᓴᖅᑭᑕᐅᓂᖓ ᓄᓇᕗᒥ ᐆᒪᔪᓄᑦ ᑐᓴᕆᐊᕐᕕᒃᓴᑦ ᑲᑐᔾᔨᖃᑎᖏᖏᑦ ᐱᑐᒍᑎᐃᐅᕙᒃᐳᖅ ᑐᓴᐅᒪᔾᔪᑎᑦ ᑎᑎᖅᑲᑦ ᓇᓂᔭᐅᔪᓐᓇᕐᓗᑎᒃ ᑎᑎᕋᕐᕕᑦ ᐃᓗᐊᓂ ᐊᔾᔨᒌᖏᑦᑐᓂ ᐆᒪᔪᓄᑦ ᒥᐊᓂᖅᓯᓂᕐᒧᑦ ᐱᓕᕆᕝᕕᐅᔪᓂ ᐃᖃᓗᖕᓂ.

-          ᓯᓚᑖᓂᑦ ᐱᑐᒡᕕᒃ ᐅᕗᖓ: http://nwrcc.ca/

  • ᐃᑲᔪᖃᑦᑕᕐᓗᑎᒃ ᒐᕙᒪᒃᑯᑦ ᐆᒪᔪᓂᒃ ᖃᐅᔨᓴᐃᓂᕐᒧᑦ ᐱᒋᐊᕈᑎᖏᓐᓂᒃ ᐊᖅᑯᑎᖃᕐᓗᑎᒃ ᐅᑯᓂᖓ ᓄᓇᕗᒥ ᐆᒪᔪᓂᒃ ᖃᐅᔨᓴᐃᔾᔪᑎᒃᓴᓄᑦ ᑮᓇᐅᔭᓂᒃ ᐸᐸᑦᓯᕕᒃ, ᐊᒻᒪᓗ ᓄᓇᓕᖕᓂ ᐊᐅᓚᑕᐅᔪᓂᒃ ᖃᐅᔨᓴᐃᓂᕐᒧᑦ ᐱᓕᕆᐊᖃᖃᑦᑕᕐᓗᑎᒃ ᐊᖅᑯᑎᖃᕐᓗᑎᒃ ᐅᑯᓂᖓ ᓄᓇᕗᒥ ᐆᒪᔪᓂᒃ ᖃᐅᔨᓴᐃᔾᔪᑎᒃᓴᑦ ᑮᓇᐅᔭᖁᑎᖏᓐᓂᑦ.
  • ᐃᓚᐅᓪᓗᑎᒃ ᓴᓇᔭᐅᓕᖅᑎᓪᓗᒍ ᓄᓇᕗᒥ ᐆᒪᔪᓕᕆᓂᕐᒧᑦ ᐱᖁᔭᕐᔪᐊᖅ.
  • ᐱᔭᕇᖅᓯᓪᓗᑎᒃ ᐊᒻᒪ ᐅᖃᓕᒫᒐᓕᐊᖑᓪᓗᑎᒃ ᐃᓄᐃᑦ ᐊᕐᕕᖕᓄᑦ ᖃᐅᔨᒪᓂᖏᓐᓄᑦ ᖃᐅᔨᓴᐃᓂᖅ, ᐊᕐᕌᒍᓄᑦ ᑕᓪᓕᒪᓄᑦ ᖃᐅᔨᓴᐃᓪᓗᑎᒃ ᑎᑎᕋᖅᑕᐅᓪᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ ᐊᕐᕕᑦ ᐱᓪᓗᒋᑦ ᓄᓇᕗᑦ ᐃᓗᐊᓂ.
  • ᐱᔭᕇᖅᑕᐅᓪᓗᓂ ᐊᒻᒪ ᐅᖃᓕᒫᒐᓕᐊᖑᓪᓗᓂ ᖃᐅᔨᓴᖅᑕᐅᓂᖏᑦ ᐃᓄᐃᑦ ᖃᐅᔨᒪᓂᖏᑦ ᓂᒋᖅᐸᓯᐊᓂ ᕿᑭᖅᑖᓗᖕᒥᐅᑦ ᑲᓇᖕᓇᖓᓂ ᕿᓚᓗᒐᐃᑦ.
  • ᓴᓇᔭᐅᓪᓗᑎᒃ ᐊᒻᒪ ᐊᑐᓕᖅᑎᑕᐅᓪᓗᑎᒃ ᐆᒃᑐᕋᕈᑎᐅᔪᖅ ᓄᓇᓕᖕᓂ ᐊᖑᓇᓱᖕᓂᕐᒧᑦ ᒪᓕᒐᖃᖅᑎᑦᓯᓂᖅ ᕿᓚᓗᒐᕐᓄᑦ ᑐᒑᓕᖕᓄᑦ ᐊᒻᒪ ᖃᑯᖅᑕᓄᑦ.
  • ᓴᓇᔭᐅᓪᓗᑎᒃ ᐊᕐᕌᒍᑕᒫᓐ ᑐᓂᓯᐅᖅᑲᐃᖃᑦᑕᕐᓂᕐᒧᑦ ᖃᓕᕋᓕᒐᒃᓴᓂᒃ ᐊᒻᒪ ᑭᖑᒃᐸᒐᒃᓴᑦ ᑰᑕᖏᓐᓂᒃ ᓄᓇᕗᒥ ᐃᖃᓪᓕᐊᖅᑎᐅᔪᓄᑦ ᐱᔪᒪᓂᖃᖅᑐᓄᑦ.
  • ᓴᓇᔭᐅᓂᖏᑦ ᐅᓪᓗᒥᓯᐅᑎᑦ ᓇᓄᓕᕆᓂᕐᒧᑦ ᐊᐅᓚᑦᓯᔾᔪᑎᑦ, ᒪᓕᒃᑕᐅᓪᓗᑎᒃ ᑐᑭᓯᒪᖃᑎᒌᖕᓂᕐᒧᑦ ᐊᖏᖃᑎᒌᒍᑎᑦ (MOUs) ᐊᖁᕐᖓᓐᓂ ᓄᓇᕗᑦ ᒐᕙᒪᒃᑯᖏᑕ ᐊᒻᒪ ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ ᑎᒥᖏᑕ (HTOs).
  • ᑖᓐᓇ ᓄᓇᕗᒥ ᐊᖑᔭᓂᒃ ᖃᐅᔨᓴᐃᓂᖅ, ᐊᕐᕌᒍᓄᑦ ᑕᓪᓕᒪᓄᑦ ᐱᓕᕆᔭᐅᓚᐅᖅᑐᖅ ᓄᐊᑦᓯᓪᓗᑎᒃ ᐊᖑᔭᖑᔪᑦ ᑐᓴᒐᒃᓴᖏᓐᓂᒃ ᖃᕆᑕᐅᔭᒧᐊᖅᑲᖅᑕᐅᓪᓗᑎᒃ ᐃᓄᖕᓂᑦ ᓄᓇᕗᑦ ᐃᓗᐊᓂ ᐊᖑᓇᓱᒃᑎᐅᔪᓂᑦ ᓴᓇᔾᔪᑕᐅᓪᓗᓂ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᒃᓴᖏᓐᓂᒃ (BNL-ᓂᒃ) ᐃᓄᖕᓄᑦ ᐊᑐᒐᒃᓴᓂᒃ.  ᑖᒃᑯᐊ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᖏᑦ ᐊᑐᖅᑕᐅᓗᑎᒃ ᓯᕗᒧᐊᒃᑎᑦᓯᓂᐊᖅᑐᑦ ᓯᕗᓪᓕᐅᔾᔭᐅᓗᑎᒡᓗ ᐃᓄᐃᑦ ᑐᓂᔭᐅᖃᑦᑕᕐᓂᖏᑦ ᐆᒪᔪᒐᒃᓴᓂᒃ ᑲᑎᓐᖓᔪᓂᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᓐᓂᑦ ᓴᓇᔭᐅᓯᒪᔪᓂᑦ ᐱᑎᑕᐅᓗᑎᒃ ᐃᓄᐃᑦ ᐆᒪᔪᒐᒃᓴᖏᓐᓂᒃ ᓂᕿᒃᓴᕆᓂᐊᕐᓗᒋᑦ.

ᑲᔪᓯᔪᑦ ᐱᒋᐊᖅᑎᑕᐅᓯᒪᔪᑦ

  • ᑭᒧᐊᒃᑎᖃᑦᑕᖅᑕᕗᑦ ᐱᓕᕆᐊᕗᑦ ᓄᓇᕗᑦ ᐃᓗᐊᓂ 27-ᖑᔪᓂ ᓄᓇᓕᖕᓂ  ᐊᖑᓇᓱᒃᑐᓕᕆᔨᒃᑯᑦ ᑲᑐᔾᔨᖃᑎᒌᖏᑦ ᐊᒻᒪᓗ ᐱᖓᓱᑦ ᐊᒡᒍᖅᑐᖅᓯᒪᓂᕐᒥ ᐆᒪᔪᓕᕆᓂᕐᒧᑦ ᑎᒥᖁᑎᖏᑦ. ᑖᒃᑯᐊ ᑎᒥᐅᔪᑦ ᑲᒪᒋᔭᖃᖃᑦᑕᖅᑐᑦ ᐊᖑᓇᓱᖕᓂᕐᒥᒃ ᓄᓇᓕᐅᑉ ᐃᓗᐊᓂ ᐊᒻᒪ ᐊᒡᒍᖅᑐᖅᓯᒪᓂᐅᑉ, ᐊᑕᐅᑦᓯᒃᑯᓪᓗ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᓇᐅᑦᑎᖅᓱᐊᖃᖃᑦᑕᖅᐳᑦ ᐆᒪᔪᑦ ᒥᐊᓂᕆᔭᐅᓂᖏᓐᓂᒃ ᓄᓇᕗᑦ ᐃᓗᐊᓂ.
  • ᑲᔪᓯᑎᑕᐅᓗᓂ ᐊᑐᓕᖅᑎᑕᐅᓂᖓ ᓈᓴᐅᑎᖓ 5.6.25 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ ᐱᔾᔪᑎᖃᖅᑐᑦ ᓴᖅᑭᑦᑎᓂᕐᒥᒃ ᐃᓄᐃᑦ ᓂᕿᒃᓴᕆᓂᐊᕐᓗᒋᑦ ᐆᒪᔪᕈᓐᓇᖅᑕᖏᑕ ᑭᒡᓕᒃᓴᖏᓐᓂᒃ ᕿᓚᓗᒐᕐᓄᑦ ᖃᑯᖅᑕᓄᑦ, ᑐᒑᓕᖕᓄᑦ ᐊᒻᒪ ᐊᐃᕕᕐᓄᑦ.
  • ᑐᓂᓯᖃᑦᑕᕐᓗᑎᒃ ᐃᑲᔪᕈᑎᓂᒃ ᑮᓇᐅᔭᓂᒃ ᓄᓇᓕᖕᓄᑦ ᐊᖑᓇᓱᒃᑐᓕᕆᔨᒃᑯᑦ ᑲᑐᔾᔨᖃᑎᒌᖏᓐᓄᑦ ᐊᒻᒪ ᐊᒡᒍᖅᑐᖅᓯᒪᓂᕐᒥ ᐆᒪᔪᓕᕆᓂᕐᒧᑦ ᑎᒥᖁᑎᒋᔭᐅᔪᓄᑦ.
  • ᐃᖅᑲᓇᐃᔭᖃᑎᖃᕐᓗᑎᒃ ᐊᓯᖏᓐᓂᒃ ᐊᐅᓚᑦᓯᔨᐅᖃᑕᐅᔪᓂᒃ ᑲᑎᒪᔨᐅᔪᓂᒃ, ᓲᕐᓗ ᐅᕙᒍᑦ ᑲᑎᒪᔨᖏᑎᑐᑦ, ᓴᖅᑭᑕᐅᓯᒪᔪᓂᒃ ᐊᑖᒍᑦ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑎᒍᑦ ᒥᐊᓂᖅᓯᖁᓪᓗᒋᑦ ᓄᓇᒥᒃ ᐊᓯᖏᓐᓂᒡᓗ ᓄᓇᒥᐅᑕᐅᔪᓂᒃ ᐃᓗᐊᓂ ᓄᓇᕗᑦ. ᑖᒃᑯᐊ ᐱᖃᓯᐅᔾᔨᓯᒪᕗᑦ ᐅᑯᓂᖓ ᓄᓇᕗᒥ ᐸᕐᓇᐃᔨᑦ ᑲᒥᓴᖏᑦ, ᐊᒻᒪ ᓄᓇᕗᒥ ᐊᕙᑎᓕᕆᓂᕐᒧᑦ ᕿᒥᕐᕈᔨᑦ ᑲᑎᒪᔨᖏᑦ, ᐊᒻᒪ ᓄᓇᕗᒥ ᐃᒪᓕᕆᓂᕐᒧᑦ ᑲᑎᒪᔨᖏᑦ, ᐊᒻᒪ ᓄᓇᕗᒥ ᓄᓇᐅᑉ ᖃᖓᓂ ᐱᔪᓐᓇᐅᓯᕆᔨᑦ.  ᑲᑐᔾᔨᓪᓗᑎᒃ, ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐊᒻᒪᓗ ᑖᒃᑯᐊ ᑲᑎᒪᔨᐅᔪᓂᓐᖔᖅᑐᑦ ᓴᖅᑭᑦᑎᕗᑦ ᓄᓇᕗᒥ ᑕᕆᐅᕐᒥᐅᓯᕆᓂᕐᒧᑦ ᑲᑎᒪᔨᖏᑦ, ᐱᓕᕆᐊᖃᕐᓂᐊᕐᓗᑎᒃ ᐱᔾᔪᑕᐅᔪᓂᒃ ᐃᓘᓐᓇᖏᓐᓄᑦ ᐃᓱᒫᓗᒍᑕᐅᔪᓂᒃ ᐊᒃᑐᐊᓂᖃᖅᑐᓂᒃ ᑕᕆᐅᖓᓂᒃ ᓄᓇᕗᑦ ᐃᓗᐊᓂ.
  • ᓯᓚᑖᓂᑦ ᐱᑐᒡᕕᒃ ᐅᕗᖓ:: http://www.nunavut.ca/, http://www.nirb.ca/, http://www.nunavutwaterboard.org/en/home; ᓇᓂᔪᓐᓇᖏᓐᓇᒃᑯ ᐊᑐᖅᑕᐅᔪᖅ ᐃᓂᒋᔭᖅ ᓄᓇᕗᒥ ᓄᓇᓄᑦ ᐱᔪᓐᓇᐅᓯᕆᔨᑦ ᑲᑎᒪᔨᖏᓐᓄᑦ.
  • ᐃᖅᑲᓇᐃᔭᖃᑎᖃᕐᖢᑎᒃ ᐊᒻᒪ ᑐᑭᒧᐊᒃᑎᑦᓯᓪᓗᑎᒃ ᐆᒪᔪᑦ ᒥᐊᓂᕆᔭᐅᓂᖏᓐᓄᑦ ᐱᓕᕆᐊᓂᒃ ᐱᓕᕆᖃᑎᕐᖢᑎᒃ  ᓄᓇᕗᑦ ᑐᓐᖓᕕᒃ ᑎᒥᖓᓐᓂᒃ, ᐃᓄᐃᑦ ᑕᐱᕇᑦ ᑲᓇᑕᒥ, ᓄᓇᕗᑦ ᐃᓄᐃᑦ ᐆᒪᔪᓕᕆᓂᕐᒧᑦ ᑎᑎᕋᕐᕕᖓᑦ,  ᐊᒻᒪ ᓄᓇᕗᑦ ᒐᕙᒪᒃᑯᖏᓐᓂ ᐱᓕᕆᕝᕕᖓᑦ ᐊᕙᑎᓕᕆᓂᕐᒧᑦ,  ᐊᔾᔨᒌᖏᑦᑐᑦ ᑲᓇᑕᐅᑉ ᒐᕙᒪᒃᑯᖏᓐᓂ ᐱᓕᕆᕝᕕᐅᔪᑦ, ᐱᓗᐊᖅᑐᒥᒃ ᐱᓕᕆᕝᕕᖓᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ, ᒥᓐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ, ᑕᒃᑯᐊ ᑲᓇᑕᒥ ᐆᒪᔪᓕᕆᓂᕐᒧᑦ ᐱᔨᑦᓯᖅᑎᑦ, ᐊᒻᒪ ᐊᓪᓚᓄᑦ ᐊᒻᒪ ᐅᑭᐅᖅᑕᖅᑐᕐᒥᐅᓯᕆᓂᕐᒧᑦ ᑲᓇᑕᒥ ᐱᓕᕆᕝᕕᖓᑦ (ᐃᓄᓕᕆᔨᑐᖃᒃᑯᒃ).
  • ᓯᓚᑖᓂᑦ ᐱᑐᒡᕕᒃ ᐅᕗᖓ:: www.tunngavik.com, www.itk.ca, www.niws.ca, http://env.gov.nu.ca, http://www.dfo-mpo.gc.ca/index-eng.htm, http://www.ec.gc.ca, http://www.ainc-inac.gc.ca
  • ᐃᑲᔪᖃᑎᒌᒡᖢᑎᒃ ᒥᐊᓂᖅᓯᖃᑎᒌᒃᐸᒃᑐᑦ ᓄᓇᖅᑲᑎᒌᖏᑦᑐᑦ ᒐᕙᒪᖏᓐᓂᑦ ᓄᓇᖁᑎᖏᓐᓂ ᐆᒪᔪᓂᒃ ᐱᓕᕆᖃᑕᐅᓪᓗᑎᒃ ᓄᓇᖃᖅᑳᖅᓯᒪᔪᑦ ᑲᑎᒪᔨᖏᑦ ᓄᓇᑦᓯᐊᕐᒥᑦ ᐊᒻᒪ ᔪᑳᓐᒥᑦ, ᓄᓇᕕᖕᒥᑦ ᑎᒥᐅᔪᓂᑦ ᓲᕐᓗ ᓴᖅᑭᑕᐅᓯᒪᔪᓂᑦ ᓄᑖᓂᑦ ᒪᑭᕕᒃᑯᓐᓂᒃ, ᓄᓇᕕᒃ ᒪᖃᐃᑦᑎᑦ ᒥᑭᒋᐊᕐᓂᐊᕐᓂᕐᒧᓪᓗ ᐃᖃᓗᓕᕆᓂᕐᒧᓪᓗ ᑲᑎᒪᔨᕋᓛᖏᑦ, ᐊᒻᒪ  ᓄᓇᕕᒃ ᑕᕆᐅᕐᒥᐅᓯᕆᓂᕐᒧᑦ ᐊᒡᒍᖅᑐᖅᓯᒪᓂᕐᒥ ᐆᒪᔪᓕᕆᓂᕐᒧᑦ ᑲᑎᒪᔨᖏᑦ (NMRWB),  ᐊᒻᒪᓗ ᒐᕙᒪᒃᑯᑦ ᐱᓕᕆᕝᕕᖏᑦ ᓄᓇᑦᓯᐊᕐᒥ, ᔪᑳᓐᒥ, ᑯᐃᐸᒡᒥ, ᒫᓂᑑᐸᒥ, ᓴᓯᑳᑦᓱᐊᓐᒥ, ᐊᒻᒪᓗ ᓂᐅᕙᓐᓛᓐ ᐊᒻᒪ ᓚᐸᑐᐊ ᐊᒡᒍᖅᑐᖅᓯᒪᓂᖏᓐᓂ.
  • ᓯᓚᑖᓂᑦ ᐱᑐᒡᕕᑦ ᐅᕗᖓ: http://www.makivik.org/, http://nmrwb.ca/
  • ᐃᖅᑲᓇᐃᔭᖃᑎᖃᖅᑐᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᒃ ᐋᖅᑭᒋᐊᖅᑕᐅᖁᓪᓗᒍ ᒪᓕᒐᕆᔭᐅᔪᑦ ᐊᒃᑐᐊᓂᖃᖅᑐᑦ ᓄᓇᕗᒧᑦ ᐱᖃᓯᐅᔾᔨᓯᒪᓕᕐᓂᐊᕐᒪᑕ ᐱᔪᓐᓇᐅᑎᖏᓐᓂᒃ ᐃᓗᐊᓂ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂᒃ.
  • ᐃᖅᑲᓇᐃᔭᖃᑎᖃᖅᑐᑦ ᐊᓯᖏᓐᓂᒃ ᑲᑎᒪᔨᐅᖃᑕᐅᔪᓂᒃ ᓄᓇᕗᒥ ᐃᖃᓪᓕᐊᖅᑎᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᓐᓂᒃ (ᐱᓕᕆᕝᕕᖓᑦ ᐊᕙᑎᓕᕆᔨᒃᑯᑦ, ᐱᓕᕆᕝᕕᖓᑦ ᐃᖃᓗᓕᕆᔨᒃᑯᑦ ᐊᒻᒪ ᐃᒪᕐᒥᐅᓯᕆᔨᒃᑯᑦ, ᓄᓇᕗᒥ ᑕᕆᐅᕐᒥᐅᓯᕆᔨᑦ ᐆᒪᔪᓕᕆᔨᑦ ᑲᑎᒪᔨᖏᑦ, ᓄᓇᕗᑦ ᑐᓐᖓᕕᒃ ᑎᒥᖓᑦ. ᐄᔪ  ᐃᔅᑦᓯ ᐊᓪᓚᐃᑦ, ᐊᒻᒪ ᐱᓕᕆᓂᒃᑯᑦ ᑕᐱᕆᔭᐅᔪᑦ) ᑲᔪᖏᖅᓴᐅᑕᐅᖁᓪᓗᒍ ᓄᓇᕗᑦ ᐱᔪᒪᔭᖏᑦ ᐃᑭᕐᒥ ᐃᖃᓪᓕᐊᕐᓂᕐᒥᒃ ᓴᓂᑦᑎᐊᖓᓂ ᓄᓇᕗᑦ.
  • ᓯᓚᑖᓂᑦ ᐱᑐᒡᕕᑦ ᐊᔾᔨᖓ ᖁᓛᓂ
  • ᐃᓱᒪᒋᓪᓗᒍ ᓯᕗᓂᒃᓴᒥ ᐊᒃᓱᕈᕈᑕᐅᓂᐊᖅᑐᑦ ᐅᖓᑖᓄᑦ ᐊᕐᕌᒍᐊᑕ 2013 ᑕᐃᑦᓱᒪᓂ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᑎᑭᐅᑎᒐᔭᕐᒪᑕ ᐊᕐᕌᒍᓄᑦ ᖁᓕᓄᑦ ᑮᓇᐅᔭᖃᖅᑎᑕᐅᓂᕆᔭᖓᑕ ᐃᓱᐊᓄᑦ ᒪᓕᒡᓗᒋᑦ ᐋᖅᑭᒡᑕᐅᓯᒪᔪᑦ ᐊᑐᓕᖅᑎᑦᓯᓂᕐᒧᑦ ᑳᓐᑐᕌᖑᔪᑦ ᓄᓇᕗᒥ ᑭᖑᓪᓕᖅᐹᖅᓯᐅᑎᖓᓂ ᐊᖏᖃᑎᒌᒍᑎᓂ.  ᑭᖑᓪᓕᕐᒥ ᑮᓇᐅᔭᖃᖅᑎᑦᓯᓂᕐᒧᑦ ᐊᑯᓂᐅᓂᖓ ᐊᒻᒪ ᐅᓄᕐᓂᖏᑦ ᐋᔨᖃᑎᒌᒍᑕᐅᔭᕆᐊᖃᕐᓂᐊᖅᑐᑦ ᐱᖃᑎᒋᓗᒋᑦ  ᐊᓪᓚᓄᑦ ᐊᒻᒪ ᐅᑭᐅᖅᑕᖅᑐᕐᒥᐅᓯᕆᓂᕐᒧᑦ ᐱᓕᕆᔨᑦ ᑲᓇᑕᒥ.
  • ᓯᓚᑖᓂᑦ ᐱᑐᒡᕕᑦ ᐊᔾᔨᖓ ᖁᓛᓂ
  • ᑐᓐᖓᕕᒋᓪᓗᖏᑦ ᐊᑐᓕᖁᔭᓕᐊᖑᔪᑦ ᐅᑯᓇᓐᖓᑦ ᐊᐃᕕᓕᕆᓂᕐᒧᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᓐᓂᑦ, ᐃᓕᓯᓗᑎᒃ ᓄᑖᒥᒃ ᐊᐃᕕᑦ ᒥᐊᓂᕆᔭᐅᓂᖏᓐᓄᑦ ᐊᐅᓚᓂᐅᔪᒥᒃ ᐊᑐᖅᑕᐅᓂᐊᖅᑐᒥᒃ ᓄᓇᕗᒧᑦ.
  • ᐊᑐᓕᖅᑎᑦᓯᓗᑎᒃ ᓄᓇᓕᖕᓂ ᐊᖑᓇᓱᖕᓂᕐᒧᑦ ᒪᓕᒐᖃᖅᑎᑦᓯᔪᓂᒃ ᓇᐅᑦᑎᖅᓱᐊᖃᕐᓂᕐᒧᑦ ᐱᓕᕆᐊᖅ (CBMN) ᐆᒃᑐᕋᖅᑕᐅᓗᓂ ᖃᐅᔨᓴᐃᓂᐅᔪᒥᒃ ᓯᕗᓪᓕᖅᐹᒥ ᕿᒥᕐᕈᓇᒍᑕᐅᓂᐊᕐᒪᑦ ᐱᓕᕆᔾᔪᑕᐅᔪᒥᒃ ᓴᓇᕐᕈᑕᐅᔪᓐᓇᕋᔭᕐᒪᖔᑦ ᓄᓇᓕᖕᓄᑦ ᐊᑐᖅᑕᐅᔪᓐᓇᕐᓗᓂ ᐊᒻᒪ ᐱᓕᕆᔪᓐᓇᐅᑎᖃᕐᓗᑎᒃ ᐊᑐᕆᐊᖃᖅᑕᖏᓐᓂᒃ ᓯᕕᑐᔪᒧᑦ ᓄᖑᑦᓯᕙᓪᓕᐊᖏᓪᓗᑎᒃ ᐆᒪᔪᓂᒃ ᓇᐅᑦᑎᖅᓱᐃᔾᔪᑎᒃᓴᖏᓐᓂᒃ ᐊᒻᒪ ᖃᕆᑕᐅᔭᒧᑦ ᑐᖅᑯᐃᔾᔪᑎᒃᓴᖏᓐᓂᒃ.
  • ᓴᓇᒪᓂᖓ ᓴᓇᔭᐅᓗᓂ, ᐱᕙᓪᓕᐊᑎᑕᐅᓗᓂ, ᐊᒻᒪ ᐊᑐᓕᖅᑎᑕᐅᓗᓂ ᐱᓕᕆᐊᒃᓴᖅ ᐱᓕᕆᖃᑕᐅᓗᑎᒃ ᐅᑯᐊ ᐊᐅᓚᑦᓯᔨᐅᖃᑎᒌᑦ ᑕᐱᕇᑦ ᓯᕗᒧᐊᑦᓯᐊᖁᓪᓗᒍ ᐊᐅᓚᓂᕆᔭᖓ ᐊᒻᒪ ᐃᓄᐃᑦ ᐃᓕᖅᑯᓯᖏᓐᓄᑦ ᐊᑑᑎᖃᖅᑐᑦ ᐱᖃᓯᐅᔾᔭᐅᓯᒪᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᑦ (IQ) ᐃᓗᐊᓂ ᐆᒪᔪᑦ ᖃᐅᔨᓴᖅᑕᐅᓂᖏᑕ ᐊᒻᒪ ᒥᐊᓂᕆᔭᐅᓂᖏᑕ ᓄᓇᕗᑦ.

Login Form