ᓄᓇᕗᒥ ᐆᒪᔪᓄᑦ ᖃᐅᔨᓴᕈᑎᒃᓴᑦ ᑮᓇᐅᔭᖁᑎᑦ (NWSF) ᓴᖅᑭᑕᐅᓚᐅᖅᓯᒪᕗᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ ᑮᓇᐅᔭᖃᖅᑎᑦᓯᖃᑦᑕᖁᓪᓗᖏᑦ ᓄᓇᓕᖕᓂ ᐊᐅᓚᑕᐅᓪᓗᑎᒃ ᖃᐅᔨᓴᕈᑕᐅᔪᓄᑦ ᐱᓕᕆᐊᖑᔪᓄᑦ ᓄᓇᓄᑦ ᐃᓗᐊᓂ, ᐱᓗᐊᖅᑐᒥᒃ ᖃᐅᔨᓴᕐᓂᕐᒧᑦ ᐱᓕᕆᔭᐅᔪᑦ ᓯᕗᒃᑲᖅᑕᖅᑎᖃᕐᓗᑎᒃ ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ ᑎᒥᖁᑎᖏᓐᓂᒃ.  ᑖᒃᑯᐊ ᓄᓇᕗᒥ ᐆᒪᔪᓄᑦ ᖃᐅᔨᓴᕈᑎᒃᓴᓄᑦ ᑮᓇᐅᔭᖁᑎᖏᔭᐅᔪᑦ ᐊᕐᕌᒍᑕᒫᓐ ᑐᓂᓯᖃᑦᑕᖅᐳᑦ ᑮᓇᐅᔭᖅᑐᕈᑎᒃᓴᖏᓐᓂᒃ ᑎᓕᐅᕆᖁᓪᓗᒋᑦ ᐃᓄᖕᓂᒃ ᐊᒻᒪ ᓄᓇᓕᖕᓂ ᑎᒥᖁᑎᒋᔭᐅᔪᑦ ᖃᐅᔨᓴᐃᓂᖃᕐᓂᕐᒥᒃ ᐱᓕᕆᖁᓪᓗᒋᑦ ᐊᒻᒪ ᓯᕗᒃᑲᖅᑕᖅᑎᐅᖁᓪᓗᖏᑦ ᖃᐅᔨᓴᐃᓂᕐᒥᒃ ᑭᐅᔾᔪᑕᐅᓂᐊᖅᑐᓂᒃ ᓄᓇᓕᖕᓂ ᑭᓐᖒᒪᔭᐅᔪᓄᑦ ᐊᒻᒪ ᐃᓱᒫᓗᒍᑕᐅᔪᓄᑦ ᐊᒃᑐᐊᓂᖃᖅᑐᓂᒃ ᒥᐊᓂᕆᔭᐅᓂᖏᓐᓄᑦ ᐆᒪᔪᑦ ᓄᓇᕗᑦ ᐃᓗᐊᓂ.

ᐊᕐᕌᓂ (2010/2011) ᐅᖓᑖᓂ $75,000 ᑮᓇᐅᔭᖃᖅᑎᑦᓯᓚᐅᖅᑐᑦ ᐊᑑᒍᑦ ᓄᓇᕗᒥ ᐆᒪᔪᓄᑦ ᖃᐅᔨᓴᕈᑎᒃᓴᑦ ᑮᓇᐅᔭᑎᖏᑎᒍᑦ. ᐊᕐᕌᒍᑕᒫᓐ ᑎᓯᐱᕆᐅᓕᕌᖓᑦ, ᓄᓇᕗᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐃᓱᒪᓕᐅᖃᑦᑕᖅᑐᑦ ᖃᑦᓯᓂᒃ ᑮᓇᐅᔭᓂᒃ ᖃᐅᔨᓴᕈᑎᒃᓴᓂᒃ ᐊᑐᐃᓐᓇᐅᑎᑦᓯᓂᐊᕐᒪᖔᑕ, ᐊᒻᒪ ᑐᒃᓯᕋᐅᓕᐊᖑᓯᒪᔪᑦ ᐃᓱᒪᒃᓴᖅᓯᐅᕈᑕᐅᓪᓗᑎᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ ᐆᒪᔪᓕᕆᓂᕐᒧᑦ ᐃᖅᑲᓇᐃᔭᖅᑎᖏᓐᓄᑦ ᐊᒻᒪ ᑲᑎᒪᔨᐅᖃᑕᐅᔪᓄᑦ.

ᑐᓴᕆᐊᒃᑲᓐᓂᕈᒪᒍᕕᑦ, ᐅᕝᕙᓗ ᑐᒃᓯᕋᐅᑎᓕᐅᕈᒪᒍᕕᑦ ᑕᑯᒋᐊᕈᓐᓇᖅᐸᑎᑦ ᐅᑯᐊ

 NWSFNWSF

Login Form