ᓇᓕᐊᑐᐃᓐᓇᖅ ᑐᒃᓯᕋᐅᑎ ᐋᖅᑭᒋᐊᖅᑕᐅᖁᓪᓗᒍ ᐊᐅᓚᑦᑎᔾᔪᑎᑦ ᐊᐃᕕᑦ ᒥᐊᓂᕆᔭᐅᓂᖏᓐᓄᑦ ᐃᓱᒪᒃᓴᖅᓯᐅᖃᓯᐅᔾᔨᔭᕆᐊᖃᖅᐳᑦ ᐃᓱᒪᒋᔭᖏᓐᓂᒃ ᓄᓇᕗᒥᐅᑦ, ᐃᓄᐃᑦ ᖃᐅᔨᒪᔭᑐᖃᖏᓐᓂᒃ, ᐊᒻᒪ ᐱᐅᓂᖅᐹᓂᒃ ᐊᑐᐃᓐᓇᐅᔪᓂᒃ ᖃᐅᔨᓴᖅᑎᒻᒪᕆᑦ ᖃᐅᔨᒪᓂᖏᓐᓂᒃ.  ᐊᐃᕕᓕᕆᓂᕐᒧᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ ᑕᐃᒪᐃᒻᒪᑦ ᑲᑎᒪᔨᖃᖅᐳᑦ ᑭᒡᒐᖅᑐᖅᑎᖃᐅᖅᐳᑦ ᓄᓇᓕᖕᓂᑦ ᐊᖑᓇᓱᒃᑐᓕᕆᔨᒃᑯᑦ ᑎᒥᖏᓐᓂᑦ, ᐊᒡᒍᖅᑐᖅᓯᒪᓂᕐᒥ ᐆᒪᔪᓕᕆᓂᕐᒧᑦ ᑎᒥᖁᑎᖏᓐᓂᑦ, ᓄᓇᕗᑦ ᑐᓐᖓᕕᒃ ᑐᒥᖓᓐᓂᒃ, ᑲᓇᑕᐅᑉ ᒐᕙᒪᒃᑯᖏᓐᓂᑦ ᐱᓕᕆᕝᕕᖓᓐᓂᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᑕᓕᕆᓂᕐᒧᓪᓗ, ᐊᒻᒪ ᓄᓇᕗᑦ ᐅᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᒃ.  ᐃᓐᓇᐃᑦ, ᐱᓕᕆᔨᐅᔪᑦ ᑕᐱᕆᔭᑦ, ᐅᕝᕙᓗ ᐊᓯᖏᑦ ᐃᖅᑲᓇᐃᔭᖅᑎᐅᔪᑦ ᒐᕙᒪᒃᑯᑦ ᐱᓕᕆᕝᕕᖏᓐᓂᓐᖔᖅᑐᑦ ᖃᐃᖅᑯᔭᐅᔪᓐᓇᕐᒥᔪᑦ ᑲᑎᒪᔭᖅᑐᖃᑕᐅᖁᔭᐅᓗᑎᒃ.

ᓯᑯᓯᓛᑉ ᒥᒃᓵᓂ ᐊᐃᕕᓕᕆᓂᕐᒧᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ

ᑎᓕᔭᐅᓯᒪᔾᔪᑎᖓᑦ ᓯᑯᓯᓛᑉ ᒥᒃᓵᓂ ᐊᐃᕕᓕᕆᓂᕐᒧᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ ᐱᖃᓯᐅᔾᔨᓯᒪᕗᑦ ᐅᐊᖕᓇᖓᓂ ᐊᒻᒪ ᕿᑎᐊᓃᑦᑐᓂᒃ ᓯᑯᓯᓚᐅᑉ ᐊᐃᕕᖏᓐᓂᒃ, ᐊᒻᒪ ᐱᖃᓯᐅᔾᔨᓯᒪᔪᑦ ᑭᒡᒐᖅᑐᖅᑎᓂᒃ ᓴᓂᕋᔭᖕᒥᑦ ᐊᒻᒪ ᐃᒡᓗᓕᖕᒥᑦ ᓄᓇᓕᖕᓂᑦ ᐊᖑᓇᓱᒃᑐᓕᕆᔨᒃᑯᑦ ᑎᒥᖁᑎᖏᓐᓂᓐᖔᖅᑐᓂᑦ.

ᑖᒃᑯᐊ ᐱᔭᕆᐊᑭᒡᓕᑎᑦᓯᔨᑦ ᒫᓐᓇᕋᑖᖑᓚᐅᖅᑐᖅ ᐃᓚᐅᓯᒪᔪᑦ ᓴᓇᑎᓪᓗᒋᑦ ᓄᓇᓐᖑᐊᑎᒍᑦ ᓇᓗᓇᐃᖅᓯᓂᕐᒥᒃ ᐃᒪᕐᒥᐅᑕᓂᒃ ᐊᐃᕕᑦ ᓇᓃᓐᓂᖏᓐᓂᒃ ᖃᐅᔨᒪᔭᑐᖃᐅᔪᖅ ᑕᕆᐅᕐᒥᐅᑕᓄᑦ ᐊᑐᕐᓗᒋᑦ ᐃᓄᖕᓄᑦ ᓄᓇᖃᖅᑐᓄᑦ ᐊᐃᕕᖃᕐᓂᖏᓐᓂ.  ᑖᒃᑯᐊ ᓄᓇᓐᖑᐊᑦ ᐃᓱᒪᒃᓴᖅᓯᐅᕈᑕᐅᓕᖅᑐᑦ ᐱᖃᓯᐅᔾᔨᓪᓗᑎᒃ ᐊᓯᖏᓐᓂᒃ ᐃᓄᐃᑦ ᖃᐅᒪᔨᒪᔭᑐᖃᖏᓐᓂᒃ ᐊᒻᒪ ᐱᐅᓂᖅᐹᖑᔪᓂᒃ ᐊᑐᐃᓐᓇᐅᔪᓂᒃ ᖃᐅᔨᓴᖅᑎᒻᒪᕆᑦ ᑐᓴᒐᒃᓴᖁᑎᖏᓐᓂᒃ ᓴᓇᔪᒪᓪᓗᑎᒃ ᑲᑎᖅᓱᖅᓯᒪᔪᓂᒃ ᐃᖃᓗᓕᕆᓂᕐᒧᑦ ᒥᐊᓂᖅᓯᔾᔪᑎᒃᓴᓄᑦ ᐸᕐᓇᐅᑎᓂᒃ ᐊᐃᕕᕐᓄᑦ ᑕᐅᕙᓂ ᓯᑯᓯᓚᒥ.  ᐸᕐᓇᐅᑎᐅᔪᖅ ᑐᓂᔭᐅᓂᐊᖅᑐᖅ ᐆᒃᑐᕋᐅᑎᓕᐊᖑᓯᒪᓗᓂ ᓄᓇᓕᖕᓄᑦ ᑐᓴᕆᐊᕈᑕᐅᓂᐊᕐᒪᑕ ᑐᓂᔭᐅᓚᐅᖏᓐᓂᖏᓐᓂ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ ᕿᒥᕐᕈᓇᒃᑕᐅᓚᐅᕐᓗᑎᒃ ᐊᖏᖅᑕᐅᖓᓱᐊᕐᓂᐊᕐᒪᑕ.

ᐹᕙᓐ ᐸᐃᒥ ᐊᐃᕕᓕᕆᓂᕐᒧᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ

ᑎᓕᔭᐅᓯᒪᔾᔪᑎᖓᑦ ᐹᕙᓐ ᐸᐃᒥ ᐊᐃᕕᓕᕆᓂᕐᒧᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ ᐱᖃᓯᐅᔾᔨᓯᒪᕗᖅ ᐱᖓᖕᓇᖓᓂᒃ ᔫᓐᔅ ᓴᐅᓐ, ᐱᐊᓂ ᓯᑐᕋᐃᑦ ᐃᑭᕋᓴᖓᓂᒃ− ᑐᓄᓂᕈᓯᐅᑉ ᐃᑭᐊᓂ, ᐊᒻᒪ ᐸᕙᓐ ᐸᐃᒥ ᐊᐃᕕᖏᓐᓂ ᑕᑉᐹᓂ ᖁᑦᓯᒃᑐᕐᒥ, ᐊᒻᒪ ᐱᖃᓯᐅᔾᔨᓯᒪᔪᑦ ᑭᒡᒐᖅᑐᖅᑎᓂᒃ ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ ᑎᒥᖓᓐᓂᓐᖔᖅᑐᒥᒃ ᐃᒃᐱᐊᕐᔪᖕᒥᑦ, ᐊᐅᓱᐃᑦᑐᕐᒥᑦ, ᒥᑦᑎᒪᑕᓕᖕᒥᑦ, ᐊᒻᒪ ᖃᐅᓴᐃᑦᑐᕐᒥᑦ.

ᐊᔾᔨᒋᓪᓗᓂᐅᒃ ᓯᑯᓯᓛᕐᒥ ᐊᐃᕕᓕᕆᓂᕐᒧᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑕ, ᐹᕙᓐ ᐸᐃᒥ ᐱᔭᕆᐊᑭᒡᓕᑎᑦᓯᔨᑦ ᐃᖅᑲᓇᐃᔭᓕᖅᑐᑦ ᑐᕌᒐᒃᓴᖃᕐᖢᑎᒃ ᓴᓇᓂᕐᒥᒃ ᐊᒻᒪ ᐊᑐᓕᖅᑎᑦᓯᓂᕐᒥᒃ ᑲᑐᔾᔭᐅᓯᒪᔪᓂᒃ ᐃᖃᓗᓕᕆᓂᕐᒧᑦ ᒥᐊᓂᖅᓯᔾᔪᑎᓄᑦ ᐸᕐᓇᐅᑎᓂᒃ.  ᑲᑎᒪᔾᔪᑎᑦ ᐊᒻᒪ ᑐᓴᕋᓱᐊᕈᑎᐅᔪᑦ ᐊᑐᓂ ᐊᒃᑐᖅᑕᐅᓯᒪᔪᓄᑦ ᓄᓇᓕᖕᓄᑦ ᐅᓄᖅᓯᒋᐊᕐᓂᐊᖅᑐᑦ ᐅᓄᕐᓂᕆᔭᖏᓪᓗ ᐃᓄᐃᑦ ᖃᐅᔨᒪᓂᕆᔭᖏᑕ ᐊᒻᒪ ᐅᓪᓗᒥ ᖃᐅᔨᒪᓂᕆᔭᐅᔪᑦ ᐊᑐᐃᓐᓇᐅᓗᑎᒃ ᐱᖃᓯᐅᔾᔭᐅᓯᒪᓗᑎᒡᓗ ᐸᕐᓇᐅᑎᑦ ᐃᓗᐊᓂ, ᐊᒻᒪ ᐊᑐᐃᓐᓇᐅᑎᑦᓯᓗᑎᒃ ᐱᕕᒃᓴᒥᒃ ᓄᓇᓕᖕᓂᕐᒥᐅᑦ ᓂᓪᓕᕐᕕᒃᓴᖃᕐᓗᑎᒃ ᐱᓪᓗᒋᑦ ᐋᖅᑭᒡᓱᖅᑕᐅᓕᖅᐸᑕ ᓯᕗᓪᓕᐅᔾᔭᐅᓯᒪᔪᑦ ᒥᐊᓂᖅᓯᓂᕐᒧᑦ ᑐᕌᒐᒃᓴᐅᔪᑦ, ᐊᒻᒪ ᑎᑭᑕᐅᓇᓱᐊᕐᓂᐊᖅᑐᑦ.