ᐱᕙᓪᓕᐊᔪᑦ ᐊᓚᒃᑲᕐᑕᑦ

 

ᑖᓂᐊᓪ ᓯᐅᑦᓴᒃ ᓂᕈᐊᕐᑕᖅ ᐃᑦᓯᕙᐅᑕᐅᑲᐃᓐᓇᕐᓂᕐᒥᒃ

ᐅᕙᓂ ᓄᓇᕗᑦᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ

ᐃᖃᓗᐃᑦ, ᓄᓇᕗᑦ, ᕖᕝᕗᐊᕆ 22, 2016:

ᓄᓇᕗᑦᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ (ᐆᒪᔪᓕᕆᔨᕐᔪᐊᑦ ᐅᕝᕙᓘᓐᓃᑦ ᑲᑎᒪᔩᑦ) ᐊᑐᓚᐅᕐᑐᑦ ᑕᑯᓐᓇᖃᑎᒌᑦᑐᑎᒃ ᑲᑎᒪᓂᕐᒥᒃ ᐅᕙᓂ ᕖᕝᕗᐊᕆ 16, 2016.  ᑕᐃᑲᓂ ᑕᑯᓐᓇᖃᑎᒌᑦᑐᑎᒃ ᑲᑎᒪᓂᕐᒥ, ᑲᑎᒪᔩᑦ ᓂᕈᐊᓚᐅᕐᑐᑦ ᑖᓂᐊᓪ ᓯᐅᑦᓴᒃ ᐃᑦᓯᕙᐅᑕᐃᑲᐃᓐᓇᖁᓪᓗᒍ ᑎᑭᒐᓱᐊᕐᓂᖓᓂ ᐊᐅᓚᑦᓯᔨ ᑲᑎᒪᔨᓂᒃ ᑎᒃᑯᐊᕐᓯᓂᖓ ᓄᑖᒥᒃ ᐃᑦᓯᕙᐅᑕᕐᒥᒃ.

ᒥᔅᑕ ᑖᓂᐊᓪ ᓯᐅᑦᓴᒃ ᑲᑎᒪᔨᐅᖃᑕᐅᓯᒪᔪᖅ ᐆᒪᔪᓕᕆᔨᕐᔪᐊᓂ ᑕᐃᒪᖖᒐᑦ ᔫᓂ 2014, ᑎᒃᑯᐊᕐᑕᐅᒪᓪᓗᓂ ᐅᑯᓄᖓ ᒐᕙᒪᓐᑐᖃᒃᑯᓐᓂ ᐱᓕᕆᒡᕕᖓᑦ ᐃᒪᕐᒥᐅᑕᓕᕆᔩᑦ.  ᓯᕗᕐᖓᒍᑦ ᐃᓚᒋᓕᐅᑎᓂᖓᑕ ᐆᒪᔪᓕᕆᔨᕐᔪᐊᓄᑦ, ᒥᔅᑕ ᓯᐅᑦᓴᒃ ᐃᓚᐅᓚᐅᕐᑐᖅ ᐅᕙᓂ ᓄᓇᕗᑦᒥ ᒪᓕᒐᓕᐅᕐᑏᑦ ᑕᐃᒪᖖᒐᑦ 2008 ᐊᒻᒪᓗ ᑎᒍᒥᐊᕐᑐᓂ ᐊᒥᓱᓂᒃ ᒥᓂᔅᑕᐅᔪᑦ ᐃᓂᖏᓐᓂᒃ ᐃᓚᐅᓪᓗᑎᒃ ᒥᓂᔅᑕᖓᑦ ᐊᕙᑎᓕᕆᔩᑦ ᐊᒻᒪᓗ ᒥᓂᔅᑕᖓᑦ ᐃᖅᑲᓇᐃᔭᕐᑎᓕᕆᔩᑦ.  ᓱᓕᑦᑕᐅᖅ, ᒥᔅᑕ ᓯᐅᑦᓴᒃ ᐃᖅᑲᓇᐃᔭᕐᑎᐅᓚᐅᕐᒥᔪᖅ 7ᓂᒃ ᐊᒡᕌᒍᓂᒃ ᐅᕙᓂ ᒐᕙᒪᓐᑯᑦ ᓄᓇᕗᑦᒥ ᐱᓕᕆᒡᕕᖓᑦ ᐊᕙᑎᓕᕆᔩᑦ ᐃᒪᐃᑦᑑᓪᓗᓂ ᐆᒪᔪᕐᓂᒃ ᐊᐅᓚᑦᓯᔨ ᑭᕙᓪᓕᖅᒥ ᐊᒻᒪᓗᑦᑕᐅᖅ ᐱᓕᕆᖃᑎᖃᕐᑐᓂ ᐆᒪᔪᓕᕆᔨᒥᒃ ᐅᕙᓂ ᒐᕙᒪᒃᑯᑦ ᒫᓃᑑᑉᐸᒥ 8ᓂ ᐊᔾᔨᒌᖖᒋᑦᑐᓂ ᓄᓇᓕᓐᓂ.

ᐆᒪᔪᓕᕆᔨᕐᔪᐊᑦ ᒫᓐᓇᕈᓗᒃ ᐱᒋᐊᓛᓕᕐᑐᑦ ᑲᒪᓂᕐᒥᒃ ᑐᕌᕐᓗᒍ ᑎᒃᑯᐊᕐᓯᓂᖓ ᐊᐅᓚᑦᓯᔩᑦ ᑲᑎᒪᔨᓂᒃ ᐆᒥᖓ ᐆᒪᔪᓕᕆᔨᕐᔪᐊᓂ ᐃᑦᓯᕙᐅᑕᖅ.

ᑐᑭᓯᒋᐊᒃᑲᓐᓂᕈᒪᒍᑦᓯ, ᖃᐅᔨᒃᑲᕐᓯᐅᒃ:

ᓄᓇᕗᑦᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ

ᐅᖄᓚᐅᑦ: (867) 975-7300

ᓱᑲᑦᑐᒃᑰᕈᑦ:    (867) 975-7320

ᖃᕋᓴᐅᔭᒃᑯᑦ ᑐᕌᕈᑖ: This email address is being protected from spambots. You need JavaScript enabled to view it.