ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᑎᒥᖁᑎᒋᔭᐅᕗᖅ ᑭᒃᑯᓕᒫᓄᑦ ᒐᕙᒪᐅᔪᓄᑦ, ᑮᓇᐅᔭᓕᐅᕋᓱᐊᖅᑎᐅᖏᑦᑐᑦ ᑯᐊᐳᕇᓴᐅᓪᓗᓂ ᐊᒻᒪ ᑲᑐᔾᔭᐅᓪᓗᓂ ᐊᐅᓚᑕᐅᔪᖅ ᑎᒥᐅᔪᖅ.

ᑲᑎᒪᔨᑦ ᑎᒥᓐᖑᖅᑎᑕᐅᓚᐅᖅᓯᒪᔪᑦ ᐊᑐᕐᖢᑎᒃ ᓈᓴᐅᑎᖓᓂᒃ 10(1) ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ (NLCA). ᑎᒥᐅᓪᓗᓂ ᑯᐊᐳᕇᓴᐅᓪᓗᓂ, ᐱᓕᕆᔪᓐᓇᕐᓂᖃᖅᑐᖅ, ᐱᔪᓐᓇᕐᓂᖃᖅᑐᖅ, ᓴᓐᖏᓂᖃᖅᑐᖅ, ᐊᒻᒪ ᐱᓕᕆᔪᓐᓇᕐᓂᖃᖅᑐᖅ ᐃᓄᑐᐃᓐᓇᖅᑎᑐᑦ ᓲᕐᓗ.  ᒪᓕᒐᕋᓛᖃᖅᑐᖅ ᐊᒻᒪ ᐊᐅᓚᑕᐅᓂᖓᓄᑦ ᒪᓕᒐᖃᖅᑐᑦ.  ᑳᓐᑐᕌᒃᓯᔪᓐᓇᕆᓪᓗᓂ.  ᐃᖅᑲᓇᐃᔭᖅᑎᖃᐅᖅᑐᖅ ᐊᒻᒪ ᐅᖃᐅᔾᔨᒋᐊᖅᑎᖁᑎᖃᖅᑐᖅ.

ᐱᓕᕆᔪᓐᓇᕐᓂᖓᑕ ᐃᓗᐊᓂ ᑎᒥᖁᑎᒋᔭᐅᓪᓗᓂ ᑭᒃᑯᑐᐃᓐᓇᕐᓄᑦ ᒐᕙᒪᐅᔪᓄᑦ, ᑲᑎᒪᔨᐅᔪᑦ ᐱᓕᕆᕙᒃᐳᑦ ᐃᒻᒥᒃᑰᕐᖢᑎᒃ ᐊᐅᓚᑦᓯᔨᐅᓪᓗᑎᒃ ᐊᓪᓚᕕᖓᓐᓂᒃ ᐃᓚᒋᓪᓗᓂᐅᒃ ᑲᑎᒪᔨᑦ ᐋᖅᑭᒡᓱᖅᓯᒪᓂᖏᑕ ᑭᒃᑯᑐᐃᓐᓇᐃᑦ ᒐᕙᒪᖏᓐᓄᑦ ᑎᒥᖁᑎᒋᔭᐅᓪᓗᑎᒃ ᑲᓇᑕᐅᑉ ᐃᓗᐊᓂ.  ᑕᐃᒪᐃᒻᒪᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐊᑕᐅᑦᓯᒃᑯᑦ, ᐃᒻᒥᒃᑰᖅᑐᑦ ᐊᒻᒪ ᐃᓚᒋᔭᐅᓪᓗᑎᒃ ᒐᕙᒪᐅᔪᑦ ᑎᒥᖁᑎᖏᓐᓄᑦ.

ᑲᑎᒪᔨᑦ ᐃᓚᒋᔭᐅᕗᑦ ᒐᕙᒪᒃᑯᓐᓄᑦ ᐃᑲᔪᖅᑐᐃᖃᑦᑕᕐᖢᑎᒃ ᐱᓕᕆᐊᒃᓴᖏᓐᓂᒃ ᐊᐅᓚᑦᑕᕆᐊᖃᖅᑕᖏᓐᓂᒃ, ᐃᖅᑲᓇᐃᔮᖃᕐᖢᑎᒃ ᒐᕙᒪᒃᑯᑦ ᐱᓕᕆᐊᒃᓴᖏᓐᓂᒃ.  ᑭᓯᐊᓂᓕ, ᐱᓕᕆᓂᕆᔭᖓᑦᑕ ᐃᓗᐊᓂ ᐃᓘᓐᓇᖓᓂ ᒐᕙᒪᒃᑯᓐᓂᑦ ᐃᒻᒥᒃᑰᓕᖓᓪᓗᑎᒃ ᐱᓕᕆᖃᑦᑕᖅᐳᑦ.  ᑎᓕᔭᐅᖃᑦᑕᖏᑦᑐᑦ ᖃᓄᐃᓕᐅᖁᔭᐅᓗᑎᒃ, ᐅᕝᕙᓗ ᑭᒡᒐᖅᑐᐃᓗᑎᒃ ᐱᔨᑦᓯᖅᓯᒐᓱᐊᖅᐸᖏᑦᑐᑦ, ᐊᓯᖏᓐᓂ ᐱᓕᕆᕝᕕᖁᑎᖏᓐᓂ ᒐᕙᒪᒃᑯᑦ.  ᑭᓯᐊᓂᓕ, ᐱᓕᕆᐊᒃᓴᖏᓐᓂᒃ ᐱᕙᒃᑐᑦ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ ᐃᓗᐊᓃᑦᑐᓂᑦ, ᐊᒻᒪ ᐱᓕᕆᐊᖃᖃᑦᑕᖅᑐᑦ “ᐊᐅᓚᑦᑕᕆᐊᖃᖅᑕᖏᓐᓄᑦ ᐱᓕᕆᐊᒃᓴᓂᒃ” ᐃᒻᒥᒃᑰᕐᖢᓂ ᑎᒥᐅᓪᓗᓂ.

ᑖᒃᑯᐊ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ ᐃᒻᒥᒃᑰᕐᓂᖓᑦ ᐃᓘᓐᓇᖓᒎᖏᑦᑐᖅ.  ᐃᒻᒥᒃᑯᑦ ᑲᑎᒪᔨᑦ ᐃᓱᒪᓕᐅᖃᑦᑕᖅᑑᒐᓗᐊᑦ, ᑭᓯᐊᓂᓕ ᑲᒪᒋᔭᒃᓴᐅᓂᖏᑦ ᐆᒪᔪᑦ ᒥᐊᓂᕆᔭᐅᓂᖏᑦ ᓄᓇᕗᒥ ᑐᓐᖓᕕᖃᖅᐳᖅ ᒪᓕᒐᓕᐅᕐᕕᖕᒥᒃ ᐊᒻᒪ ᐊᐅᓚᑦᓯᔨᑦ ᐱᓕᕆᕝᕕᖁᑎᖏᓐᓂ ᒐᕙᒪᒃᑯᑦ, ᑖᒃᑯᐊ ᓂᕈᐊᖅᑕᐅᓯᒪᖕᒪᑕ ᐊᒻᒪ ᑕᐃᒪᐃᒻᒪᑦ ᑭᐅᔪᓐᓇᕐᓂᖅᓴᐅᕗᑦ  ᑕᖅᑲᒃᑯᓄᖓ.

ᑎᒥᐅᓪᓗᑎᒃ ᑯᐊᐳᕇᓴᐅᓪᓗᑎᒃ ᐊᒻᒪ ᑎᒥᖁᑎᒋᔭᐅᓪᓗᑎᒃ ᑭᒃᑯᑐᐃᓐᓇᕐᓄᑦ ᒐᕙᒪᐅᔪᓄᑦ, ᑖᒃᑯᐊ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᓴᓇᓯᒪᕗᑦ ᐆᒃᑐᕋᐅᑕᐅᔪᓐᓇᖅᑐᒥᒃ ᐅᓪᓗᒥᓯᐅᑎᓂᒃ ᐊᓪᓚᕕᖕᒥ ᐊᐅᓚᑦᓯᓂᕐᒧᑦ.  ᐊᐅᓚᖃᑦᑕᖅᑕᖏᑦ ᐊᑑᑎᖃᑦᓯᐊᖅᑐᒃᑯᑦ ᐊᐅᓚᓂᖃᖅᐳᑦ ᐊᒻᒪ ᑮᓇᐅᔭᓂᒃ ᐊᑭᓕᒃᓴᖃᕋᑎᒃ, ᐊᒻᒪ ᓴᓇᓯᒪᓪᓗᓂ ᑕᖏᖃᑦᑎᐊᖅᑐᓂᒃ ᑐᓐᖓᕕᖃᕐᖢᓂ ᒪᓕᒐᕋᓛᓂᒃ, ᐊᐅᓚᑦᓯᔾᔪᑎᑦ ᒪᓕᒐᖏᓐᓂᒃ, ᑮᓇᐅᔭᓕᕆᓂᕐᒧᑦ ᐊᑐᐊᒐᓂᒃ ᐊᒻᒪ ᒥᐊᓂᖅᓯᓂᕐᒧᑦ ᐊᑐᐊᒐᓂᒃ. 

ᑖᒃᑯᐊ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦᑕ ᖃᕆᓴᐅᔭᒃᑯᑦ ᑐᑭᓯᒋᐊᖅᑎᑦᑎᕕᖓᑦ (www.nwmb.com) ᐋᖅᑭᒃᑕᐅᓯᒪᖕᒪᑦ ᐱᑕᖃᕈᑕᐅᓪᓗᓂ ᐅᓪᓗᒥᒨᖓᔪᓂᒃ ᑐᑭᓯᒋᐊᕈᑎᒃᓴᓂᒃ ᐱᓪᓗᒋᑦ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦᑕ ᐃᓱᒪᓕᐅᕈᑎᖏᑦ, ᐊᑐᓕᖁᔭᖏᑦ ᐊᒻᒪ ᐊᓯᖏᑦ ᐱᓕᕆᐊᖏᑦ ᑐᕌᖓᔪᑦ ᐊᐅᓚᑕᐅᓂᖏᓐᓄᑦ ᐆᒪᔪᐃᑦ ᓄᓇᕗᒥ ᒪᑐᐃᖓᑦᓯᐊᕐᓗᑎᒃ ᐊᒻᒪ ᑕᑯᒃᓴᐅᑦᑎᐊᕐᓗᑎᒃ ᐃᓄᓕᒫᓄᑦ.  ᖃᓄᐃᓕᐅᕆᐊᕈᑎᖃᖅᓯᒪᔪᑦ ᑕᒪᒃᑯᐊ ᐱᐅᓂᖏᑦ ᐊᒻᒪ ᑕᒻᒪᖅᑕᖅᓯᒪᓐᖏᑦᑐᓂᒃ ᑐᑭᓯᒋᐊᕈᑎᖃᖅᑎᑦᓯᓂᖅ ᓴᖅᑭᑎᑕᐅᔪᓂᒃ ᐆᒪᔪᓕᕆᔨᕐᔪᐊᒃᑯᑦ ᖃᕆᓴᐅᔭᒃᑯᑦ ᑐᑭᓯᒋᐊᖅᑎᑦᑎᕕᐊᓂ.  ᑭᓯᐊᓂ ᐱᔾᔪᑎᒋᓪᓗᒋᑦ ᐊᖏᖅᑕᐅᓯᒪᓐᖏᑦᑐᓂᒃ ᐊᓯᔾᔩᔪᖃᑐᐃᓐᓇᕆᐊᖃᕐᓂᖓ ᑭᖑᓪᓕᖅᐹᒥ ᐊᓐᖑᑎᒋᐊᖅᑕᐅᓚᐅᖅᑎᓪᓗᒍ ᖃᕆᓴᐅᔭᒃᑯᑦ ᑐᑭᓯᒋᐊᖅᑎᑦᑎᕕᒃ, ᐅᕝᕙᓘᓐᓃᑦ ᐊᓯᖏᑦ ᐱᔾᔪᑎᖃᖅᑐᑦ ᖃᕆᓴᐅᔭᒃᑯᑦ ᑐᓴᖅᑎᑦᓯᔾᔪᑏᑦ ᑲᑎᒪᔩᑦ ᐊᐅᓚᒍᓐᓇᖏᑕᖏᑦ, ᑖᒃᑯᐊ ᑲᑎᒪᔨᑦ ᓇᓗᓇᐃᖅᓯᔪᓐᓇᖏᓚᑦ ᑕᒻᒪᖅᑕᖅᓯᒪᓐᖏᒻᒪᖔᑕ ᑐᑭᓯᒋᐊᕈᑎᒃᓴᑦ ᐱᑕᖃᖅᑎᑕᐅᔪᑦ ᖃᕆᓴᐅᔭᒃᑯᑦ ᑐᑭᓯᒋᐊᖅᑎᑦᑎᕕᐊᓂ, ᐊᖏᖅᐳᑎᑦ ᑖᒃᑯᐊ ᑐᑭᓯᒋᐊᕈᑎᒃᓴᑦ ᐊᒻᒪ ᐱᔨᑦᓯᕈᑕᔪᑦ ᐱᑕᖃᖅᑎᑕᑦ “ᑕᐃᒪᐃᑎᓪᓗᒋᑦ” ᒪᓂᒪᑎᓪᓗᒋᑦ” ᐊᒻᒪ ᐊᑐᕐᓂᐊᖅᑕᐃᑦ ᑖᓐᓇ ᑐᑭᓯᒋᐊᖅᑎᑦᓯᕕᒃ ᓇᖕᒥᓂᖅ ᖃᐅᔨᒪᓗᑎᑦ ᑕᒻᒪᖅᓯᒪᔪᖃᑐᐃᓐᓇᕆᐊᖃᕐᓂᖓ.

ᑕᒪᒃᑯᐊ ᑐᑭᓯᒋᐊᕈᑎᒃᓴᑦ ᐊᒻᒪ ᑭᒡᓕᓯᓂᐊᖅᓯᒪᔪᑦ ᐃᓚᐅᑎᑕᐅᕗᑦ ᑕᒡᕙᓂ ᐆᒪᔪᓕᕆᔨᕐᔪᐊᒃᑯᑦ ᖃᕆᓴᐅᔭᒃᑯᑦ ᑐᑭᓯᒋᐊᖅᑎᑦᑎᕕᐊ ᐋᖅᑭᒃᓱᖅᑕᐅᓯᒪᔪᖅ ᐆᒪᔪᓕᕆᔨᕐᔪᐊᒃᑯᑦ ᐃᖅᑲᓇᐃᔭᖅᑎᖏᓐᓄᑦ ᑕᒪᒃᑯᓇᓐᖓᑦ ᐊᔾᔨᒌᓐᖏᑦᑐᓂ ᑐᑭᓯᒋᐊᕐᕕᒃᓴᓂ ᐊᒻᒪ ᐊᓯᔾᔨᖅᑕᐅᔪᓐᓇᖅᑐᑦ ᖃᐅᔨᒃᑲᐃᖏᓪᓗᓂ.  ᑖᒃᑯᐊ ᐆᒪᔪᓕᕆᔨᕐᔪᐊᒃᑯᑦ ᓇᓗᓇᐃᖅᓯᖏᓚᑦ ᐅᕝᕙᓘᓐᓃᑦ ᑭᒡᒐᖅᑐᐃᖏᓚᑦ ᖃᓄᑐᐃᓐᓇᖅ ᐱᔾᔪᑎᒋᓪᓗᒋᑦ ᐱᐅᓂᖏᑦ, ᐃᓗᓕᖏᑦ, ᐱᐊᓂᒃᓯᒪᓂᖏᑦ ᐅᕝᕙᓘᓐᓃᑦ ᑕᒻᒪᖅᑕᖅᓯᒪᓐᖏᓐᓂᖏᑦ ᑕᒪᒃᑯᐊ ᑐᑭᓯᒋᐊᕈᑎᒃᓴᑦ ᖃᕆᓴᐅᔭᒃᑯᑦ, ᐊᑐᕐᓂᖅᐹᖑᕙᒃᐳᑦ ᐆᒪᔪᓕᕆᔨᕐᔪᐊᒃᑯᑦ ᑎᑎᕋᖅᓯᒪᔪᖁᑎᖏᑦ ᐃᓱᒪᓕᐅᕈᑕᐅᓚᐅᖅᑐᓄᑦ ᒪᓕᒃᑐᒋᑦ ᑐᑭᓯᒋᐊᖅᑎᑦᑎᕕᖕᒥ.  ᐃᓱᒪᓕᐅᕈᑎᖃᓚᐅᓐᖏᓐᓂᕐᓂ ᒪᓕᒡᓗᒋᑦ ᑖᒃᑯᐊ ᑐᑭᓯᒋᐊᕈᑎᒃᓴᑦ ᖃᕆᓴᐅᔭᕐᒥᒃ, ᖃᐅᔨᒋᐊᒃᑲᓐᓂᖁᔨᕗᑦ ᑎᑎᕋᖅᓯᒪᔪᖁᑎᒋᔭᐅᔪᓂᒃ ᑕᒻᒪᖅᓯᒪᔪᖃᖁᓇᒍ, ᐅᖃᕐᕕᒋᓗᒋᑦ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ.

ᑕᒪᖅᑎᑦᓯᒃᐸᑕ, ᑕᒻᒪᖅᓯᒪᒃᐸᑕ ᐅᕝᕙᓘᓐᓃᑦ ᐊᓯᐊᒍᑦ ᓈᒻᒪᓈᖅᓯᒪᓐᖏᑉᐸᑕ ᑐᑭᓯᒋᐊᕈᑎᒃᓴᑦ ᖃᐃᑕᐅᔪᑦ, ᐋᖅᑭᒃᑕᐅᒐᓱᖕᓂᐊᖅᑐᑦ ᑕᒻᒪᖅᑕᖅᓯᒪᔪᑦ ᐅᕝᕙᓘᓐᓃᑦ ᐲᕐᓗᒋᑦ ᐊᔪᕐᓇᕈᓐᓃᑐᐊᖅᐸᑦ.  ᑕᐃᒪᓐᓇ ᐃᓱᒫᓘ ᐅᖃᐅᓯᐅᔪᒃᓴᐅᕗᑦ ᐆᒪᔪᓕᕆᔨᕐᔪᐊᒃᑯᑦ ᑐᓐᖓᓱᒃᑎᑦᑎᔨᐊᓄᑦ.


 ᐊᑕᕕᐅᔪᓄᑦ ᐸᓯᔭᒃᓴᐅᖏᓐᓂᕋᕐᓂᖅ

ᑖᒃᑯᐊ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦᑕ ᖃᕆᓴᐅᔭᒃᑯᑦ ᑐᑭᓯᒋᐊᖅᑎᑦᓯᕕᐊᑦ ᐃᓗᓕᖃᕐᒪᑦ ᐊᑕᔪᓂᒃ ᐊᓯᖏᓐᓄᑦ ᖃᕆᓴᐅᔭᒃᑯᑦ ᑐᑭᓯᒋᐊᖅᑎᑦᓯᕕᖕᒧᑦ ᓇᖕᒥᓂᕆᓐᖏᑕᖏᑦ, ᕿᒥᕐᕈᔭᐅᒐᔪᒃᑐᑦ ᐅᕝᕙᓘᓐᓃᑦ ᐊᐅᓚᓐᖏᑕᖏᑦ ᐆᒪᔪᓕᕆᔨᕐᔪᐊᒃᑯᑦ.  ᑕᒪᒃᑯᐊ ᐊᑕᕕᐅᔪᑦ ᓴᖅᑭᓯᒪᓂᖏᑦᑕ ᑐᑭᓕᐊᕆᓯᒪᔭᖏᑦ ᐃᑲᔪᖅᓱᖅᑕᐅᒋᐊᖏᑦ ᑕᒪᒃᑯᐊ ᑐᑭᓯᒋᐊᖅᑎᑦᓯᕖᑦ ᐅᕝᕙᓘᓐᓃᑦ ᐃᓗᓕᖏᑦ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓄᑦ.  ᑖᒃᑯᐊ ᐆᒪᔪᓕᕆᔨᕐᔪᐊᒃᑯᑦ ᖃᓄᑐᐃᓐᓇᖅ ᐸᓯᔭᒃᓴᐅᓂᐊᓐᖏᓚᑦ ᐃᓗᓕᖏᓐᓄᑦ ᑕᒪᒃᑯᐊ ᐊᑕᕕᐅᔪᑦ.


ᑐᑭᓯᒋᐊᖅᑎᑦᑎᕕᖕᒧᑦ ᐅᖃᐅᓯᒃᓴᑦ

ᑖᒃᑯᐊ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᖁᔭᓕᕗᑦ ᐊᐱᖅᑯᑕᐅᕙᒃᑐᓂᒃ, ᐅᖃᐅᓯᐅᔪᓂᒃ ᐊᒻᒪ ᐊᓯᖏᓐᓂᒃ ᑐᓴᖅᑕᒥᓂᒃ ᐃᑲᔫᑎᓂᐊᖅᑐᓂᒃ ᐅᕙᑦᑎᓐᓄᑦ ᐱᔨᑦᓯᑦᓯᐊᕐᓂᖅᓴᐅᓗᓯ.  ᑭᓱᑐᐃᓐᓇᕐᒥᒃ ᖃᕆᓴᐅᔭᕐᒦᖏᑦᑐᓂᒃ, ᐱᑕᖃᕆᐊᖃᖅᑐᕆᔭᕐᓂᒃ;  ᐃᓱᒪᒋᔭᖃᕈᕕᑦ ᖃᓄᖅ ᐱᐅᕚᓪᓕᕈᓐᓇᕐᓂᖓᓂᒃ ᑭᓱᑐᐃᓐᓇᖅ ᑕᒡᕙᓂ ᑐᑭᓯᒋᐊᖅᑎᑦᓯᕕᖕᒥ;  ᐅᕝᕙᓘᓐᓃᑦ ᖃᐅᔨᒍᕕᑦ ᑕᒻᒪᖅᓯᒪᔪᒥᒃ ᑐᑭᓯᒋᐊᕈᑎᒃᓴᓂ ᑕᒡᕙᓂ ᑐᑭᓯᒋᐊᖅᑎᑦᓯᕕᖕᒥ, ᓲᕐᓗ ᐅᓪᓗᒥᒧᑦ ᐊᓐᖑᑎᓯᒪᓐᖏᑦᑐᑦ, ᑕᒻᒪᖅᑕᖅᓯᒪᔪᑦ ᑐᑭᓯᒋᐊᕈᑎᒃᓴᑦ, ᑎᑎᕋᖅᓯᒪᔪᑦ ᐱᑕᖃᓐᖏᓐᓂᖏᑦ ᐱᑕᖃᕆᐊᖃᖅᑐᕆᔭᑎᑦ ᐅᕝᕙᓘᓐᓃᑦ ᑐᑭᓯᒋᐊᕈᑎᒃᓴᑦ ᐃᓂᒥᓃᓐᖏᑦᑐᑦ, ᐅᖃᕐᕕᒋᓂᐊᖅᐸᑦ ᐆᒪᔪᓕᕆᔨᕐᔪᐊᒃᑯᑦ ᑐᓐᖓᓱᒃᑎᑦᑎᔨᖓᑦ.  ᐃᓚᐅᑎᓐᓂᐊᖅᐸᑦ ᖃᕆᓴᐅᔭᒃᑯᑦ ᐋᖅᑭᒋᐊᕆᐊᓕᐅᑉ ᒪᒃᐱᒐᖓ ᐅᖃᐅᓯᖃᓕᕈᕕᑦ ᐊᑲᐅᓐᖏᓕᐅᖅᓯᒪᔪᒥᒃ.


ᐊᖏᕈᑎᖃᕐᓂᖅ

ᐊᑐᖅᑕᐅᓂᖓ ᑖᒃᑯᐊ ᐆᒪᔪᓕᕆᔨᕐᔪᐊᒃᑯᑦ ᑐᑭᓯᒋᐊᖅᑎᑦᓯᕕᖓᑦ ᐅᖃᖅᐳᑎᑦ ᐊᖏᕈᑎᖃᕐᓂᕐᓂᒃ ᐸᓯᔭᒃᓴᐅᒐᔭᓐᖏᓐᓂᕋᐃᔪᓂᒃ ᐊᒻᒪ ᐅᖃᐅᓯᖏᓐᓂᒃ.  ᐊᖏᕈᑎᖃᕆᕗᑎᑦ ᑖᒃᑯᐊ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦ ᐊᒻᒪ ᐃᖅᑲᓇᐃᔭᖅᑎᖏᑦ ᐸᓯᔭᒃᓴᐅᔾᔪᑎᖃᓐᖏᓚᑦ ᓇᖕᒥᓂᖅ, ᐊᓯᐊᒍᓪᓗ, ᖃᓄᐅᓕᔪᓂᒃ, ᐃᓂᖅᑎᕈᑕᔪᓄᑦ ᐅᕝᕙᓘᓐᓃᑦ ᓱᕋᒍᑕᐅᔪᓐᓇᖅᑐᓂᒃ ᐱᔾᔪᑎᒋᓪᓗᒋᑦ ᑐᑭᓯᒋᐊᕈᑎᒃᓴᑦ, ᐱᔨᑦᓯᕋᐅᑏᑦ ᐅᕝᕙᓘᓐᓃᑦ ᐃᓗᓕᖏᓐᓃᑦᑐᑦ ᐅᕝᕙᓘᓐᓃᑦ ᑎᒍᔭᐅᔪᑦ ᑕᒡᕘᓇ ᖃᕆᓴᐅᔭᒃᑯᑦ ᑐᑭᓯᒋᐊᖅᑎᑦᓯᕕᒃᑯᑦ.

ᖁᔭᓐᓇᒦᒃ ᖃᐅᔨᒋᐊᕐᕕᒋᒐᕕᐅᒃ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᑦᑕ ᖃᕆᓴᐅᔭᒃᑯᑦ ᑐᑭᓯᒋᐊᖅᑎᑦᑎᕕᐊᑦ.

pdf ᖁᒡᕙᓯᓐᓂᕐᐹᖅ ᑐᓴᐅᒪᖃᑦᑕᐅᑎᓕᕆᔨ − ᐊᑕᐃᓐᓇᕐᑐᖅ (51 KB)

ᒫᓐᓇ ᐃᖅᑲᓇᐃᔭᕐᕕᒃᓴᖅᑕᖃᓐᖏᑦᑐᖅ ᑖᒃᑯᓇᓂ ᓄᓇᕗᒥ ᐆᒪᔪᓕᕆᔨᕐᔪᐊᒃᑯᑦ ᑲᑎᒪᔨᖏᓐᓂ.

ᑐᒃᓯᕋᐅᑏᑦ ᑐᓂᔭᐅᖁᔭᐅᕗᑦ ᐃᓚᖃᕐᓗᑎᒃ ᐃᖅᑲᓇᐃᔮᕆᓯᒪᔭᖏᑦᑕ ᑎᑎᕋᖅᓯᒪᓂᖏᓐᓂᒃ ᐃᓱᒪᒃᓴᖅᓯᐅᕈᑕᐅᔪᒃᓴᐅᑎᓪᓗᒋᑦ ᓯᕗᓂᒃᓴᒥ ᐱᕕᒃᓴᖃᓕᖅᐸᑦ ᐃᖅᑲᓇᐃᔮᒃᓴᓂᒃ ᐅᕗᓐᖓᕐᓗᒋᑦ:

ᖃᕆᑕᐅᔭᒃᑯᑦ                                       ᑎᑎᖅᑲᑎᒍᑦ

This email address is being protected from spambots. You need JavaScript enabled to view it.              Nunavut Wildlife Management Board

                                                         P.O. Box 1379

                                                         Iqaluit, Nunavut

                                                          X0A 0H0

ᑲᓇᑕᒥᐅᑦ ᐊᑯᑭᑦᑐᕐᒥᐅᓪᓗ ᑲᑐᔾᔨᓪᓗᑎᒃ ᕿᓚᓗᒐᓕᕆᔨᖏᑦ ᖃᑯᖅᑕᓄᑦ ᑐᒑᓕᖕᓄᓪᓗ ᑲᒥᓴᖏᑦ (ᑕᐃᔭᐅᓕᖅᑐᑦ “ᑲᒥᓴᐅᓂᕋᖅᑕᐅᓪᓗᑎᒃ” ᓴᖅᑭᑕᐅᓚᐅᖅᓯᒪᔪᑦ 1991-ᖑᑎᓪᓗᒍ ᐊᑐᕐᖢᑎᒃ ᑐᑭᓯᒪᖃᑎᒌᖕᓂᕐᒧᑦ ᐊᖏᖃᑎᒌᒍᑎᓂᒃ ᑲᓇᑕᐅᑉ ᒐᕙᒪᒃᑯᖏᑕ ᐱᓕᕆᕝᕕᖓᑦ ᐃᖃᓗᓕᕆᓂᕐᒧᑦ ᐊᒻᒪ ᐃᒪᕐᒥᐅᑕᓕᕆᓂᕐᒧᑦ ᐊᒻᒪ ᐱᓕᕆᕝᕕᖓᑦ ᐃᖃᓗᓕᕆᓂᕐᒧᑦ ᐊᒻᒪ ᐊᖑᓇᓱᒃᑐᓕᕆᓂᕐᒧᑦ ᐊᑯᑭᑦᑐᕐᒥᐅᑦ ᒐᕙᒪᖓᓐᓂ.   ᑖᓐᓇ ᑐᑭᓯᒪᖃᑎᒌᖕᓂᕐᒧᑦ ᐊᖏᖃᑎᒌᒍᑎ ᐊᑐᖅᑕᐅᕗᖅ ᑐᒑᓕᖕᓄᑦ ᐊᒻᒪ ᖃᑯᖅᑕᓄᑦ ᕿᓚᓗᒐᕐᓄᑦ ᓄᒃᑕᖅᐸᒃᑐᓄᑦ ᑲᓇᑕᐅᑉ ᑕᕆᐅᖓᓄᑦ ᐊᒻᒪ ᐊᑯᑭᑦᑐᕐᒥᐅᑦ ᑕᕆᐅᖓᓄᑦ.  ᑖᒃᑯᐊ ᑲᑎᒪᔨᑦ ᑲᒥᓴᐅᔪᑦ ᓴᖅᑭᑕᐅᓚᐅᖅᓯᒪᔪᑦ ᑲᒪᑦᓯᐊᕐᓗᑎᒃ ᒥᐊᓂᖅᓯᖁᓪᓗᖏᑦ ᕿᓚᓗᒐᓂᒃ ᑐᒑᓕᖕᓂᒃ ᐊᒻᒪ ᖃᑯᖅᑕᓂᒃ.

ᐱᓕᕆᐊᒃᓴᖏᑦ ᑲᒥᓴᐅᔪᑦ

ᑲᒥᓴᐅᔪᑦ ᕿᒥᕐᕈᓇᖃᑦᑕᖅᐳᑦ ᐅᓂᒃᑳᓕᐊᕕᓂᕐᓂᒃ ᑲᑎᒪᓂᖏᓐᓂᑦ ᑲᑐᔾᔨᓪᓗᑎᒃ ᑲᑎᒪᔨᐅᔪᑦ ᑲᒥᓴᐃᑦ ᕿᓚᓗᒐᓕᕆᔨᑦ ᖃᑯᖅᑕᓄᑦ ᐊᒻᒪ ᑐᒑᓕᖕᓄᑦ ᐊᒻᒪ ᐊᑦᓛᓐᑎᐅᑉ ᐅᐊᖕᓇᖓᓂ ᑕᕆᐅᕐᒥᐅᑕᓕᕆᓂᕐᒧᑦ ᑲᒥᓴᐃᑦ (ᑲᑎᒪᔨᑦ) (NAMMCO) ᖃᐅᔨᓴᖅᑎᒻᒪᕆᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ, ᐱᖃᓯᐅᔾᔨᓯᒪᖃᑦᑕᖅᑐᑦ ᒫᓐᓇᕐᓂᓴᓂᒃ ᐅᓄᕐᓂᖏᓐᓄᑦ ᓈᓴᖅᑕᐅᓯᒪᔪᓂᒃ ᐊᒻᒪ ᐊᓯᕈᖅᐸᓪᓕᐊᓂᖏᓐᓂᒃ, ᕿᓚᓗᒐᖃᐅᓯᕝᕕᑦ ᐊᔾᔨᒋᖏᑦᑐᑦ ᑐᑭᓕᐅᖅᑕᐅᓪᓗᑎᒃ, ᒫᓐᓇᕐᓂᓴᐃᑦ ᐊᒻᒪ  ᑭᖑᓂᑦᑎᓐᓂ ᕿᓚᓗᒐᖅᑕᐅᕙᓚᐅᖅᑐᑦ ᐊᒻᒪ ᐊᓯᖏᑦ ᐊᒃᑐᐃᓂᖃᕈᓐᓇᖅᑐᑦ.

ᑐᓐᖓᕕᐅᓪᓗᑎᒃ ᑖᒃᑯᐊ ᕿᒥᕐᕈᓇᖕᓂᐅᔪᑦ, ᑲᒥᓴᐅᔪᑦ ᖃᐅᔨᓴᖅᑎᒻᒪᕆᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ ᑐᓂᓯᖃᑦᑕᖅᑐᑦ ᐅᖃᐅᔾᔨᒋᐊᕈᑎᖏᓐᓂᒃ ᑐᒑᓕᖕᓄᑦ ᐊᒻᒪ ᖃᑯᖅᑕᓄᑦ ᕿᓚᓗᒐᕐᓄᑦ ᖃᐅᔨᓴᖅᑕᐅᔭᕆᐊᓕᖕᓂᒃ ᐊᒻᒪ ᓇᐅᑦᑎᖅᓱᐊᕆᔭᐅᔭᕆᐊᓕᖕᓂᒃ, ᑖᒃᑯᐊ ᑲᒥᓴᐅᔪᑦ ᐊᑐᓕᖁᔭᓕᐅᖃᑦᑕᖅᑐᑦ, ᐱᐅᖅᓱᐊᖅᑕᐅᓂᖓᓄᑦ ᐊᒻᒪ ᒥᐊᓂᕆᔭᐅᓂᖏᓐᓄᑦ ᑐᒑᓕᑦ ᐊᒻᒪ ᖃᑯᖅᑕᑦ ᕿᓚᓗᒐᐃᑦ, ᒐᕙᒪᕆᔭᖏᑕ ᐱᓕᕆᕝᕕᖏᓐᓄᑦ ᑲᓇᑕᒥ ᐊᑯᑭᑦᑐᓂᓗ ᐊᑐᓕᖁᔭᓕᐅᖅᐸᒃᑐᑦ.

ᐋᖅᑭᒡᓱᖅᓯᒪᓂᖓ ᑲᒥᓴᐅᔪᑦ

ᑲᒥᓴᐅᔪᑦ ᑲᑎᒪᔨᖁᑎᖃᖅᐳᑦ ᐱᖓᓱᓂᒃ ᐱᔭᕆᐊᑭᒡᓕᑎᑦᓯᔨᓂᒃ.  ᐊᑐᓂᓗ ᐱᔭᕆᐊᑭᒡᓕᑎᑦᓯᔨᐅᔪᑦ ᑲᑎᒪᔨᖃᖅᐳᑦ ᖃᐅᔨᒪᔪᒻᒪᕆᖕᓂᒃ ᐱᓕᕆᔭᐅᔪᒧᑦ, ᑲᑎᓪᓗᑎᒃ ᐊᑐᓂ ᐅᖃᐅᔾᔨᒋᐊᕈᑎᓂᒃ ᑐᓂᓯᖃᑦᑕᖅᑐᑦ ᐊᒻᒪ ᐊᑐᓕᖁᔭᓕᐅᖃᑦᑕᖅᑐᑦ ᖃᓄᖅ ᐊᑑᑎᖃᑦᓯᐊᖅᑐᒃᑯᑦ ᐊᒻᒪ ᐃᑲᔪᖃᑎᒌᑦᓯᐊᖅᑐᒃᑯᑦ ᑲᒪᑦᓯᐊᕐᓗᑎᒃ ᒥᐊᓂᖅᓯᖁᓪᓗᒋᑦ ᑕᒪᒃᑮᖕᓄᑦ ᐊᖑᓇᓱᒃᑕᐅᕙᒃᑐᓄᑦ ᑐᒑᓕᖕᓄᑦ ᐊᒻᒪ ᖃᑯᖅᑕᓄᑦ ᕿᓚᓗᒐᕐᓄᑦ.

ᖃᐅᔨᓴᖅᑎᒻᒪᕆᑦ ᐱᔭᕆᐊᑭᒡᓕᑎᑦᓯᔨᖏᑕ ᑲᑎᒪᔨᖏᑦ

ᖃᐅᔨᓴᖅᑎᒻᒪᕆᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ ᑐᒃᓯᕋᐅᑎᓕᐅᖃᑦᑕᖅᐅᑦ ᐅᓄᕐᓂᕆᒐᔭᓐᖑᐊᖅᑕᖏᓐᓂᒃ ᕿᓚᓗᒐᖅᑕᐅᔪᑦ ᐊᒻᒪ ᐊᑐᓕᖁᔭᓕᐅᖃᑦᑕᖅᑐᑦ ᑲᑎᓐᖓᔪᓂᒃ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᓐᓂᒃ ᑐᒑᓕᖕᓄᑦ ᐊᒻᒪ ᖃᑯᖅᑕᓄᑦ ᕿᓚᓗᒐᕐᓄᑦ ᑐᓐᖓᕕᒋᔭᐅᓪᓗᑎᒃ ᐱᐅᓂᖅᐹᖑᔪᑦ ᐊᑐᐃᓐᓇᐅᔪᑦ ᖃᐅᔨᓴᖅᑎᒻᒪᕆᑦ ᑐᓴᒐᒃᓴᖁᑎᖏᑦ.  ᐃᓚᒋᓪᓗᒍ, ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ ᑐᓂᓯᖃᑦᑕᖅᐳᖅ ᐅᖃᐅᔾᔨᒋᐊᕈᑎᖏᓐᓂᒃ ᓇᐅᑦᑎᖅᓱᐃᓪᓗᑎᒃ ᐊᓯᔾᕈᖅᐸᓪᓕᐊᔪᓂᒃ ᓇᓄᐃᑦ ᓇᔪᒐᖏᑦ ᖃᓄᐃᓐᓂᖏᑦ ᐱᓪᓗᒋᑦ.  ᖃᐅᔨᔭᐅᔪᑦ ᐊᒻᒪ ᐅᖃᐅᔾᔨᒋᐊᕈᑎᐅᔪᑦ ᓄᐊᑕᐅᖃᑦᑕᖅᑐᑦ ᐅᓂᒃᑳᓕᐊᑉ ᐃᓗᐊᓂ ᐃᓱᒪᒃᓴᖅᓯᐅᕈᑕᐅᓂᐊᕐᒪᑕ ᑲᒥᓴᐅᔪᑦ ᑲᑎᒪᔨᖏᓐᓄᑦ.

ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ

ᐃᓄᐃᑦ ᖃᐅᔨᒪᔭᑐᖃᖏᓐᓄᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ ᐱᓕᕆᐊᒃᓴᖃᖅᐳᑦ ᑐᒃᓯᕋᐅᑎᓕᐅᕐᓂᕐᒥᒃ  ᐊᒻᒪ ᐅᖃᐅᔾᔨᒋᐊᕐᓂᕐᒥᒃ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᓐᓂᒃ ᑐᓐᖓᕕᖏᔭᐅᓪᓗᑎᒃ ᐱᐅᓂᖅᐹᖑᔪᑦ ᐊᑐᐃᓐᓇᐅᔪᑦ ᐃᓄᐃᑦ ᖃᐅᔨᒪᔭᖏᑦ.  ᑖᒃᑯᐊ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ ᓄᐊᑦᓯᖃᑦᑕᖅᐳᑦ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᓇᓄᐃᑦ ᓇᔪᒐᖏᑕ ᒥᒃᓵᓄᑦ.  ᐊᔾᔨᒋᓪᓗᓂᒋᑦ ᖃᐅᔨᓴᖅᑎᒻᒪᕆᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑕ, ᖃᐅᔨᔭᖏᑦ ᐊᒻᒪ ᐊᑐᓕᖁᔭᓕᐊᖏᑦ ᑐᓂᔭᐅᖃᑦᑕᖅᐳᑦ ᑲᒥᓴᐃᑦ ᑲᑎᒪᔨᖏᓐᓄᑦ ᐃᓱᒪᒃᓴᖅᓯᐅᕈᑕᐅᓂᐊᕐᒪᑕ.

ᐊᑐᖅᑎᐅᔪᓕᒫᑦ ᓄᓇᖅᑲᑎᒌᖏᑦᑐᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑦ

ᐱᓕᕆᐊᒃᓴᓪᓗᐊᑕᖓᑦ ᐊᑐᖅᑎᐅᔪᓕᒫᑦ ᓄᓇᖅᑲᑎᒌᖏᑦᑐᑦ ᐱᔭᕆᐊᑭᒡᓕᑎᑦᓯᔨᑦ ᑲᑎᒪᔨᖏᑕ ᐱᖃᓯᐅᔾᔨᓯᒪᓗᑎᒃ ᑐᓂᓯᖃᑦᑕᖁᓪᓗᒋᑦ ᐊᑐᓕᖁᔭᓕᐊᓂᒃ ᑐᓂᔭᐅᓂᐊᖅᑐᓂᒃ ᑲᑎᓐᖓᔪᑦ ᐆᒪᔪᖅᑕᐅᔪᓐᓇᖅᑐᑦ ᑭᒡᓕᖏᓐᓂᒃ  ᐊᑯᕐᖓᓐᓂ ᑲᓇᑕᒥᐅᓄᑦ ᐊᒻᒪ ᐊᑯᑭᑦᑐᕐᒥᐅᓄᑦ, ᐊᒻᒪᓗ ᓄᐊᑦᑎᓪᓗᑎᒃ ᑲᑎᖅᓱᐃᓪᓗᑎᒃ ᑐᓴᒐᒃᓴᓂᒃ ᐱᔾᔪᑎᖃᖅᑐᓂᒃ ᓯᓚᐅᑉ ᐊᓯᕈᖅᐸᓪᓕᐊᓂᖓᓂᒃ, ᑐᕙᐅᑉ ᖃᓄᐃᑉᐸᓪᓕᐊᓂᖓᓂᒃ, ᑕᑯᕚᒃᓴᓂᒃ ᐊᖑᓇᓱᖃᑦᑕᖅᑐᓂᒃ, ᐊᒻᒪ ᐃᓄᐃᑦ ᓇᓄᕐᓄᑦ ᑎᑭᕌᖅᑕᐅᖃᑦᑕᕐᓂᖏᓐᓂᒃ.

ᑲᒥᓴᐅᔪᑦ ᑲᑎᒪᓂᖏᑦ

ᑲᑎᒪᖃᑦᑕᖅᑐᑦ ᐊᑕᐅᓯᐊᕐᖢᑎᒃ ᐊᕐᕌᒎᒃ ᒪᕐᕉᒃ ᐊᓂᒍᑕᒫᓐ ᓂᑭᑦᑖᖅᑕᐅᖃᑦᑕᖅᑐᑦ ᑲᓇᑕᒥ ᑲᑎᒪᓪᓗᑎᒃ ᐊᒻᒪ ᐊᑯᑭᑦᑐᓂ ᑲᑎᒪᓪᓗᑎᒃ.  ᑲᑎᒪᓂᐅᔪᑦ ᐅᐸᒃᑕᐅᓯᒪᒐᔪᒃᐳᑦ ᖃᐅᔨᓴᖅᑎᒻᒪᕆᑦ ᐱᔭᕆᐊᑭᒡᓕᑎᑦᓯᔨᖏᑕ ᑲᑎᒪᔨᖏᓐᓄᑦ, ᐃᒪᕐᒥᐅᑕᓕᕆᓂᕐᒧᑦ ᐅᖃᐅᔾᔨᔭᒋᐊᖅᑎᓄᑦ ᐊᒻᒪ ᐊᖑᓇᓱᒃᑎᖁᑎᖏᓐᓄᑦ ᑲᓇᑕᒥᐅᑦ ᐊᒻᒪ ᐊᑯᑭᑦᑐᕐᒥᐅᑦ.  ᐊᓯᖏᑦ ᐊᐅᓚᑦᓯᔨᐅᖃᑕᐅᔪᑦ ᑎᒥᐅᔪᑦ, ᓲᕐᓗ ᓄᓇᕗᑦ ᑐᓐᖓᕕᒃ ᑎᒥᖓᑦ ᖃᐃᖅᑯᔭᐅᖃᑦᑕᖅᓯᒪᒋᕗᑦ ᐃᓚᐅᖁᔭᐅᓪᓗᑎᒃ ᑲᑎᒪᓂᕐᓄᑦ.

ᑐᓴᒐᒃᓴᒃᑲᓐᓂᕐᓂᒃ ᕿᓂᖅᐲᓐ?  ᑕᑯᒋᐊᕈᓐᓇᖅᐸᑎᑦ ᑎᑎᕋᖅᓯᒪᔪᑦ ᐊᐱᖅᑯᑕᐅᒐᔪᒃᑐᑦ.  ᑕᐃᒪᓕ ᑭᒡᒍᓯᖅᑕᖃᖏᑉᐸᑦ ᐊᐱᖅᑯᑎᖕᓄᑦ, ᐊᐱᖅᑯᑎᑎᑦ ᐅᕗᖓ ᐊᐅᓪᓚᖅᑎᑦᑐᓐᓇᖅᐸᑎᑦ:

ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ
ᑎᑎᖅᑲᕐᓂᐊᕐᕕᐊ 1379
ᐃᖃᓗᐃᑦ, ᓄᓇᕗᑦ
X0A 0H0
ᐅᖄᓚᐅᑦ:  (867) 975-7300
ᓱᑲᑦᑐᒃᑯᑦ:  (867) 975-7320
ᖃᕆᑕᐅᔭᒃᑯᑦ: This email address is being protected from spambots. You need JavaScript enabled to view it.

Login Form