Co-Management Partners

ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐊᐅᓚᑦᓯᔨᐅᖃᑎᒌᖕᓂᒃᑯᑦ

ᑕᐃᑦᓱᒪᓂ ᐋᔩᕈᑎᖃᓕᖅᑎᓪᓗᒋᑦ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂᒃ (NLCA), ᐊᖏᖃᑎᒌᒍᑎᓕᐅᓚᐅᖅᑐᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ ᑲᒪᒋᔭᒃᓴᖏᓐᓄᑦ ᐃᓱᒪᓕᐅᖅᑎᓪᓗᒋᑦ ᐃᖏᕐᕋᓂᒃᓴᖓᓂᒃ ᐆᒪᔪᑦ ᒥᐊᓂᕆᔭᐅᓂᖓᓄᑦ ᐱᓕᕆᔭᐅᔪᖅ ᐅᖓᑖᓄᐊᖅᓯᒪᖕᒪᑦ ᓄᓇᕗᑖᓚᐅᖅᑳᕋᑎᒃ ᐃᓱᒪᓕᐅᕐᓂᕐᒥᒃ ᐊᑐᖅᐸᓕᓚᐅᖅᓯᒪᕗᑦ, ᐃᓄᐃᑦ ᒪᓕᒐᕋᓛᑎᒍᑦ ᒪᓕᒐᖃᖅᑎᑕᐅᓪᓗᑎᒃ, ᐱᐅᓂᖅᐹᖑᔪᓂᒃ, ᐃᓱᒪᓕᐅᕈᑎᖏᓪᓗ ᑭᒡᓕᖃᖅᑎᑕᐅᓪᓗᑎᒃ.  ᑭᓯᐊᓂᓕ, ᐃᓱᒪᒋᔭᐅᓚᐅᖅᑐᖅ ᐃᓱᒪᓕᐅᕈᓐᓇᕐᓂᖓᑦ ᐊᖏᓕᒋᐊᖅᑕᐅᓗᑎᒃ, ᐊᐅᓚᑦᓯᔨᐅᔪᓪᓗ ᐊᓪᓚᕕᖕᒥ ᑕᐅᕗᓐᖓᖅᑕᐅᓗᑎᒃ, ᐱᖃᓯᐅᑎᓗᒋᑦ ᐃᓱᒪᓕᐅᕆᖃᑦᑕᕐᓂᐊᕐᒪᑕ ᐆᒪᔪᐃᑦ ᒥᒃᓵᓄᑦ ᓄᓇᕗᒦᓪᓗᑎᒃ.

ᑕᐃᒪᐃᒻᒪᑦ, ᐊᖏᓕᒋᐊᖅᑕᐅᓯᒪᓕᖅᑐᑦ ᐊᒻᒪ ᐱᖃᓯᐅᔾᔨᓯᒪᓂᖅᓴᐅᓪᓗᓂ ᐃᓱᒪᓕᐅᕆᓂᕐᒧᑦ ᐋᖅᑭᒡᓯᒪᓂᐅᔪᖅ ᐆᒃᑐᕋᐅᑦ ᐊᑐᖅᑕᐅᕗᖅ ᐊᐅᓚᑦᓯᔨᐅᖃᑎᒌᖑᔪᓄᑦ ᐊᑖᒍᑦ ᓄᓇᕗᒥ ᓄᓇᑖᕈᑎᑦ ᐊᖏᖃᑎᒌᒍᑎᖏᑎᒍᑦ.  ᐃᒪᐃᑉᐳᖅ, ᐊᐅᓚᑦᓯᔨᐅᖃᑎᒌᖑᔪᑦ ᐃᖏᕐᕋᓂᖓ ᐆᒪᔪᓄᑦ ᐱᓪᓗᒍ ᓇᓗᓇᐃᖅᑕᐅᔪᓐᓇᖅᐳᖅ ᐃᖏᕐᕋᓂᖅ ᑕᐱᕇᒡᖢᑎᒃ ᐱᓕᕆᔭᐅᔪᑦ, ᑕᐱᕇᒡᖢᑎᒃ ᐃᖅᑲᓇᐃᔭᖃᑎᒌᒃᑐᑦ ᐃᑲᔪᖃᑎᒌᒡᖢᑎᒃ ᐃᑲᔪᖅᓯᓂᖃᕐᓂᐊᕐᒪᑕ ᓄᓇᕗᑦ ᐅᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᑦ ᐃᓱᒪᓕᐅᕋᓱᐊᖅᑎᓪᓗᒋᑦ, ᖃᐅᔨᓴᐃᓂᐊᖅᑐᓂᒃ ᑎᓕᓯᖃᑦᑕᕐᓗᑎᒃ, ᐊᒻᒪ ᐊᖃᖏᖅᓯᖃᑦᑕᕐᓗᑎᒃ, ᐅᖃᐅᔾᔨᒋᐊᖃᑦᑕᕐᓗᑎᒃ, ᐊᑐᓕᖁᔭᓕᐅᖃᑦᑕᕐᓗᑎᒃ ᐊᒻᒪ ᑐᓴᐅᒪᑎᑦᓯᖃᑦᑕᕐᓗᑎᒃ.  ᐃᓚᒋᓪᓗᒍ, ᒐᕙᒪᒃᑯᑦ ᐊᑐᓕᖅᑎᑦᓯᖃᑦᑕᖅᑐᑦ ᐊᒻᒪ ᐊᑐᖅᑕᐅᑎᑦᓯᖃᑦᑕᖅᑐᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ ᐃᓱᒪᓕᐊᕆᓯᒪᔭᖏᓐᓂᒃ.

ᑕᒪᑐᒪ ᐃᖏᕐᕋᓂᐅᑉ ᐃᓗᐊᓂ, ᐱᓕᕆᖃᑎᒌᒡᖢᑎᒃ ᑕᐱᕇᒡᖢᑎᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐊᒻᒪ ᒐᕙᒪᒃᑯᑦ, ᐊᑯᕐᖓᓐᓂ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐊᒻᒪ ᐃᓄᐃᑦ, ᐊᒻᒪ ᐊᑯᕐᖓᓐᓂ ᒐᕙᒪᒃᑯᑦ ᐊᒻᒪ ᐃᓄᐃᑦ.  ᓯᕗᒧᐊᑦᓯᐊᕐᓂᕆᔭᖓᓕ ᐃᖏᕐᕋᓂᖓ ᑐᓴᐅᒪᖃᑎᒌᖕᓂᕐᒧᑦ ᐊᒻᒪ ᐃᑲᔪᖃᑎᒌᖕᓂᕐᒧᑦ ᐊᒃᑐᐊᓂᖃᖅᑐᑦ.  ᑭᓯᐊᓂᓕ, ᐱᒻᒪᕆᐅᒋᕗᖅ ᓇᓗᓇᐃᖅᓯᔭᕆᐊᒃᓴᖅ ᐊᐅᓚᑦᓯᖃᑎᒌᖕᓂᒃᑯᑦ ᐃᓱᒪᓕᐅᖃᑦᑕᖅᑐᑐᖃᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ.

comanagement e

ᐊᓯᖏᑦ ᐱᓕᕆᕕᑦ ᑭᓇᒃᑯᓕᒫᑦ ᒐᕙᒪᖃᕐᕕᐊᓂ (IPGs):

ᐃᓚᒋᓪᓗᓂᐅᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ, ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ ᓴᖅᑭᑦᑎᓚᐅᖅᓯᒪᕗᑦ ᐊᓯᖏᓐᓂᒃ ᑲᑎᒪᔨᐅᔪᓂᒃ ᒥᐊᓂᖅᓯᔨᐅᓂᐊᖅᑐᓂᒃ ᓄᓇᒥᒃ ᐊᒻᒪ ᓄᓇᒥᐅᑕᓂᒃ ᓄᓇᕗᑦ ᐃᓗᐊᓂ ᐅᑯᐊ ᑲᑎᒪᔨᐅᔪᑦ ᐱᖃᓯᐅᑎᓪᓗᒋᑦ ᓄᓇᕗᑦ ᐸᕐᓇᐃᔨᑦ ᑲᒥᓴᖏᑦ, ᓄᓇᕗᑦ ᐊᕙᑎᓕᕆᓂᕐᒧᑦ ᕿᒥᕐᕈᔨᑦ ᑲᑎᒪᔨᖏᑦ, ᓄᓇᕗᑦ ᐃᒪᓕᕆᓂᕐᒧᑦ ᑲᑎᒪᔨᖏᑦ ᐊᒻᒪ ᓄᓇᕗᒥ ᓄᓇᓄᑦ ᐱᔪᓐᓇᐅᓯᕆᓂᕐᒧᑦ ᑲᑎᒪᔨᖏᑦ.  ᓄᓇᕗᒥ ᐆᒪᔪᓕᕆᔨᕐᔪᐊᑦ, ᓄᓇᕗᒥ ᐸᕐᓇᐃᔨᑦ ᑲᑎᒪᔨᖏᑦ, ᓄᓇᕗᒥ ᐊᕙᑎᓕᕆᓂᕐᒧᑦ ᕿᒥᕐᕈᔨᑦ ᑲᑎᒪᔨᖏᑦ ᐊᒻᒪ ᓄᓇᕗᒥ ᐃᒪᓕᕆᔨᑦ ᑲᑎᒪᔨᖏᑦ, ᐱᔪᒪᒍᑎᒃ ᑲᑐᔾᔨᓗᑎᒃ ᐱᓕᕆᐊᖃᕈᓐᓇᖅᐳᑦ ᑕᐃᔭᐅᓗᑎᒃ ᓄᓇᕗᒥ ᐃᒪᕐᒥᐅᓯᕆᓂᕐᒧᑦ ᑲᑎᒪᔨᖏᑦ ᐱᔭᕆᐊᖃᓕᕌᖓᑕ ᑭᐅᖁᓪᓗᒋᑦ ᐱᔾᔪᑎᐅᔪᓂᒃ ᓴᖅᑭᑕᐅᔪᓂᒃ ᑕᒪᐃᓐᓄᑦ ᐃᓱᒫᓗᒍᑕᐅᔪᓂᒃ ᐊᒃᑐᐊᓂᖃᖅᑐᓄᑦ ᑕᕆᐅᖓᓄᑦ ᓄᓇᕗᑦ.

ᓄᓇᕗᒥ ᐸᕐᓇᐃᓂᕐᒧᑦ ᑲᒥᓴᐃᑦ (NPC);

ᓄᓇᕗᒥ ᐸᕐᓇᐃᓂᕐᒧᑦ ᑲᒥᓴᐃᑦ ᐃᓕᕆᕝᕕᖁᑎᒋᔭᐅᕗᑦ ᑭᓇᒃᑯᓕᒫᓄᑦ ᒐᕙᒪᖃᖅᑎᐅᔪᓄᑦ ᓴᖅᑭᑕᐅᓯᒪᓪᓗᓂ ᓈᓴᐅᑎᖓᒍᑦ 11 ᓄᓇᕗᒥ ᓄᓇᑖᕈᑎᑎᒍᑦ, ᓄᓇᐃᑦ ᐊᑐᖅᑕᐅᓂᖏᓐᓄᑦ ᐸᕐᓇᐅᑎᑦ. ᒪᓕᒡᓗᒍ 11.4.1 ᓄᓇᕗᒥ ᓄᓇᑖᕈᑎᓄᑦ ᐊᖏᕈᑎᓂ, ᓄᓇᕗᒥ ᐸᕐᓇᐃᔨᑦ ᓴᖅᑭᑕᐅᓯᒪᕗᑦ ᐅᑯᓄᖓ ᑲᒪᒋᔭᒃᓴᓪᓗᐊᑕᖃᕐᖢᑎᒃ:

  1. ᓴᖅᑭᑦᑎᖁᓪᓗᒋᑦ ᓯᐊᒻᒪᒃᓯᒪᔪᓂᒃ ᐸᕐᓇᐃᓂᕐᒧᑦ ᐊᑐᐊᒐᓂᒃ, ᑐᕌᒐᒃᓴᓂᒃ ᐊᒻᒪ ᑎᑭᑕᐅᓇᓱᐊᕐᓂᐊᖅᑐᓂᒃ ᓄᓇᕗᑦ ᐃᓗᐊᓂ ᐱᓕᕆᖃᑎᒋᓗᒋᑦ ᒐᕙᒪᒃᑯᑦ;
  2. ᓴᓇᓗᑎᒃ, ᒪᓕᒃᓯᒪᓗᑎᒃ ᐊᓯᖏᓐᓂᒃ ᓈᓴᐅᑎᖏᑕ ᐃᓗᓕᖏᓐᓂᒃ ᓄᓇᑖᕈᑎᑦ, ᓄᓇᓄᑦ ᐊᑐᕐᓂᕐᒧᑦ ᐸᕐᓇᐅᑎᑦ ᑐᑭᒧᐊᒍᑕᐅᓗᑎᒃ ᐊᒻᒪ ᓄᓇᒥᐅᑕᓂᒃ ᐊᑐᕐᓂᕐᒧᑦ ᒪᓕᒍᑕᐅᓗᑎᒃ ᐊᒻᒪ ᓴᓇᔾᔪᑕᐅᓗᑎᒃ ᐱᕙᓪᓕᐊᑎᑦᓯᓂᕐᒥᒃ ᓄᓇᕗᑦ ᐃᓗᐊᓂ; ᐊᒻᒪᓗ
  3. ᑭᓱᑐᐃᓐᓇᕐᓄᑦ ᑐᕌᖓᔪᑦ, ᐱᓕᕆᐊᒃᓴᖏᓐᓂᒃ ᐱᓕᕆᖁᓪᓗᒋᑦ ᐊᖏᖃᑎᒌᒍᑎᑦ ᒪᓕᒡᓗᒋᑦ ᓇᓗᓇᐃᖅᑕᐅᓯᒪᔪᑦ, ᐊᒻᒪ ᒪᓕᒃᑕᐅᓗᑎᒃ ᒪᓕᒐᖏᑦ ᑐᓐᖓᕕᐅᔪᑦ ᓇᓗᓇᐃᖅᑕᐅᓯᒪᔪᑦ ᓈᓴᐅᑎᖏᓐᓂ 11.2.1, ᐊᒻᒪᓗ ᐃᓚᒋᐊᕈᑎᑦ ᐱᓕᕆᐊᒃᓴᖏᓐᓄᑦ ᐊᖏᖃᑎᒌᒍᑕᐅᔪᓐᓇᖅᐳᑦ ᖃᑯᑎᒃᑯᑦ ᒐᕙᒪᒃᑯᓐᓄᑦ ᐊᒻᒪ ᑎᓕᔭᐅᓯᒪᔪᓄᑦ ᐃᓄᐃᑦ ᑎᒥᖁᑎᒋᔭᖏᓐᓄᑦ.

ᑐᓴᕆᐊᕐᕕᑦᓴᑦ ᑐᓴᒐᒃᓴᖏᑦ ᐊᒻᒪ ᑐᓴᒐᒃᓴᓂᒃ ᐱᒃᑲᓐᓂᕈᒪᒍᕕᑦ ᓄᓇᕗᑦ ᐸᕐᓇᐃᔨᑦ ᑲᒥᓴᖏᓐᓄᑦ ᐅᕙᓂ ᓇᓂᔪᓐᓇᖅᐸᑎᑦ: www.nunavut.ca.

ᓄᓇᕗᒥ ᐊᕙᑎᕆᓂᕐᒧᑦ ᕿᒥᕐᕈᔨᑦ ᑲᑎᒪᔨᖏᑦ (NIRB):

 ᓄᓇᕗᒥ ᐊᕙᑎᓕᕆᓂᕐᒧᑦ ᕿᒥᕐᕈᔨᑦ ᑲᑎᒪᔨᖏᑦ ᐱᓕᕆᕝᕕᖁᑎᒋᔭᐅᕗᑦ ᑭᓇᒃᑯᓕᒫᓄᑦ ᒐᕙᒪᖃᖅᑐᓄᑦ ᓴᖅᑭᑕᐅᓯᒪᓪᓗᑎᒃ ᑎᒥᖁᑎᒋᔭᐅᓪᓗᑎᒃ ᑭᓇᒃᑯᓕᒫᓄᑦ ᒐᕙᒪᕆᔭᐅᔪᓄᑦ ᐊᑖᒍᑦ ᓈᓴᐅᑎᖓᑕ 12 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ (NLCA).  ᒪᓕᒡᓗᒍ ᓈᓴᐅᑎᖓ 12.2.2 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ ᐃᓗᐊᓂ ᐱᓕᕆᐊᒃᓴᓪᓗᐊᑕᖏᑦ ᓄᓇᕗᒥ ᐊᕙᑎᓕᕆᓂᕐᒧᑦ ᕿᒥᕐᕈᔨᑦ ᑲᑎᒪᔨᖏᑕ ᐅᑯᐊ:

  1. ᖃᐅᔨᓴᐃᖃᑦᑕᖁᓪᓗᒋᑦ ᐱᓕᕆᐊᒃᓴᓄᑦ ᑐᒃᓯᕋᐅᑕᐅᔪᓂᒃ ᖃᐅᔨᓴᐃᓂᐊᕐᒪᑕ ᕿᒥᕐᕈᓇᖕᓂᖅᑕᖃᕆᐊᖃᕐᒪᖔᑦ ᐅᕝᕙᓗ ᕿᒥᕐᕈᓇᖕᓂᖅᑕᖃᕆᐊᖃᖏᒻᒪᖔᑦ;
  2. ᐱᓕᕆᖁᓪᓗᒋᑦ ᐊᒻᒪ ᓇᓗᓇᐃᖅᓯᖁᓪᓗᒋᑦ ᖃᓄᑎᒋ ᐊᒡᒍᖅᑐᖅᓯᒪᓂᕐᒥ ᐊᒃᑐᖅᑕᐅᔪᖃᕋᔭᕐᒪᖔᑦ ᐱᓕᕆᔪᖃᖅᑎᓪᓗᒍ, ᓲᕐᓗ ᑐᑭᖓ ᐃᓱᒪᒃᓴᖅᓯᐅᕈᑕᐅᔭᕆᐊᓕᒃ ᒥᓂᔅᑕᒧᑦ ᐃᓱᒪᓕᐅᕋᓱᐊᖅᑎᓪᓗᒍ ᐊᒡᒍᖅᑐᖅᓯᒪᓂᕐᒥ ᐱᔪᒪᔭᐅᓂᑯᒥᒃ;
  3. ᕿᒥᕈᓇᖁᓪᓗᒋᑦ ᐊᕙᑎᒧᑦ ᐊᒻᒪ ᐃᓅᓯᕐᒧᑦ ᑮᓇᐅᔭᓕᐅᕋᓱᐊᕐᓂᐅᑉ ᐊᒃᑐᐃᓂᕆᒐᔭᖅᑕᖓ ᐱᓕᕆᐊᓴᕆᔭᐅᔪᒪᓗᓂ ᑐᒃᓯᕋᐅᑎᒋᔭᐅᔪᒧᑦ;
  4. ᐋᖅᑭᒡᓯᖃᑦᑕᕐᓗᑎᒃ ᑐᓐᖓᕕᒋᓗᒋᑦ ᕿᒥᕐᕈᓂᕆᕋᑖᖅᑕᖓᑦ, ᑖᓐᓇ ᐱᓕᕆᐊᒃᓴᕆᔭᐅᔪᒪᓪᓗᓂ ᑐᒃᓯᕋᐅᑎᐅᔪᖅ ᑲᔪᓯᑎᑕᐅᓂᐊᕐᒪᖔᑦ, ᐊᒻᒪ ᓯᕗᒧᐊᒃᑎᑕᐅᓂᐊᖅᐸᑦ, ᖃᓄᐃᑦᑐᓂᒃ ᒪᓕᒐᖃᕋᔭᕐᒪᖔᑦ, ᐊᒻᒪ ᐅᓂᒃᑳᓕᐅᕆᐊᖃᕐᓂᖓ ᒥᓂᔅᑕᒧᑦ ᐊᖏᖅᑕᐅᒐᓱᐊᕐᓗᓂ; ᐃᓚᒋᓪᓗᒍ, ᓄᓇᕗᒥ ᐊᕙᑎᓕᕆᓂᕐᒧᑦ ᕿᒥᕐᕈᔨᑦ ᑲᑎᒪᔨᖏᑦ ᖃᐅᔨᓴᐃᖃᑦᑕᖅᐳᑦ ᐃᓅᓯᕐᒧᑦ ᑮᓇᐅᔭᓕᐅᕋᓱᐊᕐᓂᕐᒧᑦ ᐊᒃᑐᐃᓂᕆᔭᖓᓂᒃ ᐊᒃᑐᐊᓂᖃᖏᑦᑐᖅ ᐊᕙᑎᒧᑦ ᐊᒃᑐᐃᓂᕆᔭᖓᓂᒃ ᑕᒪᒃᑯᐊᓗ ᐅᖃᐅᑕᐅᓪᓗᑎᒃ ᐊᑐᓕᖁᔭᓕᐊᖑᓪᓗᑎᒃ ᒥᓂᔅᑕᒧᑦ; ᐊᒻᒪᓗ
  5. ᓇᐅᑦᑎᖅᓱᐃᖃᑦᑕᕐᓗᑎᒃ ᐱᓕᕆᐊᕆᔭᐅᔪᓂᒃ ᒪᓕᒡᓗᒋᑦ ᒪᓕᒐᖏᑦ ᐃᓚᖓᓂ 7.

           ᑐᓴᕆᐊᕐᕕᒃᓴᓄᑦ ᑐᓴᒐᒃᓴᑦ ᐊᒻᒪ ᑐᓴᒐᒃᓴᒃᑲᓐᓂᕐᓂᒃ ᐱᔪᒪᒍᕕᑦ ᓄᓇᕗᒥ ᐊᕙᑎᓕᕆᓂᕐᒧᑦ ᕿᒥᕐᕈᔨᑦ ᑲᑎᒪᔨᖏᑕ ᒥᒃᓵᓄᑦ ᐅᕙᓂ ᓇᓂᔭᐅᔪᓐᓇᖅᐳᑦ: www.nirb.ca

ᓄᓇᕗᒥ ᐃᒪᓕᕆᓂᕐᒧᑦ ᑲᑎᒪᔨᑦ (NWB):

ᓄᓇᕗᑦ ᐃᒪᓕᕆᓂᕐᒧᑦ ᑲᑎᒪᔨᖏᑦ ᓴᖅᑭᑕᐅᓚᐅᖅᓯᒪᕗᑦ ᐱᓕᕆᕝᕕᐅᓂᐊᕐᓗᑎᒃ ᑭᓇᒃᑯᓕᒫᓄᑦ ᒐᕙᒪᖃᖅᑐᓄᑦ ᐊᑐᖅᑕᐅᓪᓗᓂ ᓈᓴᐅᑎᖓ 13.2.1 ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ.  ᓄᓇᕗᒥ ᐃᒪᓕᕆᔨᑦ ᑲᒪᒋᔭᒃᓴᖃᖅᐳᑦ ᖃᒻᒪ ᓴᓐᖏᓂᖃᖅᐳᑦ ᐊᐅᓚᑦᓯᔾᔪᑎᓄᑦ ᒪᓕᒐᕋᓛᓕᐅᕐᓂᕐᒧᑦ, ᐊᑐᖅᑕᐅᓂᖏᓐᓄᑦ ᐊᒻᒪ ᒥᐊᓂᕆᔭᐅᓂᖓᓄᑦ ᐃᒪᐃᑦ ᓄᓇᕗᑦ ᐃᓗᐊᓂ.

ᑐᓴᕆᐊᕐᕕᑦᓴᑦ ᑐᓴᒐᒃᓴᖏᑦ ᐊᒻᒪ ᑐᓴᒐᒃᓴᓂᒃ ᐱᒃᑲᓐᓂᕈᒪᒍᕕᑦ ᓄᓇᕗᑦ ᐃᒪᓕᕆᔨᑦ ᑲᑎᒪᔨᖏᓐᓄᑦ ᐅᕙᓂ ᓇᓂᔪᓐᓇᖅᐸᑎᑦ: www.nunavutwaterboard.org.

ᐃᓄᐃᑦ ᑎᒥᖁᑎᖏᑦ

ᐃᓄᐃᑦ ᓄᓇᕗᒥ ᐃᓚᒋᔭᐅᕗᑦ ᐊᐅᓚᑦᓯᔨᐅᖃᑎᒌᒃᑐᓄᑦ ᑕᐱᕇᒃᑐᓄᑦ ᐊᒻᒪ ᑭᒡᒐᖅᑐᖅᑕᐅᓪᓗᑎᒃ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ.  ᐊᒡᒍᖅᑐᖅᓯᒪᓂᕐᒥ ᐃᓄᐃᑦ ᑲᑐᔾᔨᖃᑎᒌᖏᑦ ᓂᕈᐊᒐᒃᓴᓐᖑᖅᑎᑦᓯᖃᑦᑕᖅᑐᖅ ᑲᑎᒪᔨᐅᖃᑕᐅᓂᐊᖅᑐᒧᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ.  ᐃᖅᑲᓇᐃᔭᖃᑎᖃᖃᑦᑕᕐᒥᔪᒍᑦ ᑲᓇᑕᒥ ᐃᓄᐃᑦ ᑲᑐᔾᔨᖃᑎᒌᖏᓐᓂᒃ, ᐃᓄᐃᑦ ᑕᐱᕇᑦ ᑲᓇᑕᒥ ᑕᒪᒃᑯᓂᖓ ᐱᔾᔪᑕᐅᔪᓄᑦ.

ᑐᓴᕆᐊᒃᑲᓐᓂᕈᒪᒍᕕᑦ ᓄᓇᕗᑦ ᑐᓐᖓᕕᒃ ᑎᒥᖓᓐᓄᑦ ᐅᕝᕙᓗ ᐊᒡᒍᖅᑐᖅᓯᒪᓂᕐᒥ ᐃᓄᐃᑦ ᑲᑐᔾᔨᖃᑎᒌᖏᓐᓄᑦ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ www.tunngavik.com/

ᑐᓴᕆᐊᒃᑲᓐᓂᕈᒪᒍᕕᑦ ᐃᓄᐃᑦ ᑕᐱᕇᑦ ᑲᓇᑕᒥ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ  www.itk.ca

ᓄᓇᕗᒥ ᐃᓄᐃᑦ ᐆᒪᔪᓕᕆᓂᕐᒧᑦ ᑎᑎᕋᕐᕕᖓᑦ (NIWS):

ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᑐᑭᒧᐊᒃᑎᑦᓯᖃᑦᑕᖅᐳᖅ ᐱᓕᕆᔭᐅᔪᓂᒃ ᐃᓗᐊᓂ ᓄᓇᕗᑦ 27-ᖑᔪᑦ ᓄᓇᓕᖕᓂ ᐊᖑᓇᓱᒃᑐᓕᕆᔨᒃᑯᑦ ᑎᒥᖁᑎᖏᓐᓂᒃ, ᐊᒻᒪ ᐱᖓᓱᓂ ᐊᒡᒍᖅᑐᖅᓯᒪᓂᕐᒥ ᐆᒪᔪᓕᕆᓂᕐᒧᑦ ᑎᒥᖁᑎᖏᓐᓂᒃ, ᑲᑐᔾᔨᓪᓗᑎᒃ ᐃᖅᑲᓇᐃᔭᖃᑎᖃᖃᑦᑕᖅᑐᑦ ᓄᓇᕗᒥ ᐃᓄᐃᑦ ᐆᒪᔪᓕᕆᓂᕐᒧᑦ ᑎᑎᕋᕐᕕᖓᓐᓄᑦ.  ᑖᒃᑯᐊ ᑎᒥᐅᔪᑦ ᓇᐅᑦᑎᖅᓱᐃᔨᐅᕗᑦ ᐊᖑᔭᐅᕙᓪᓕᐊᔪᓂᒃ ᓄᓇᓕᖕᓂ ᐊᒻᒪ ᐊᒡᒍᖅᑐᖅᓯᒪᓂᐅᑉ ᐃᓗᐊᓂ, ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᓇᐅᑦᑎᖅᓱᐃᔨᐅᓪᓗᑎᒃ ᐆᒪᔪᑦ ᒥᐊᓂᕆᔭᐅᓂᖏᓐᓂᒃ ᓄᓇᕗᑦ ᐃᓗᐊᓂ.  ᑮᓇᐅᔭᖃᖅᑎᑦᓯᖃᑦᑕᕐᒥᔪᒍᑦ ᑖᒃᑯᓄᖓ ᑎᒥᐅᔪᓄᑦ.

ᑐᓴᕆᐊᒃᑲᓐᓂᕈᒪᒍᕕᑦ ᑖᒃᑯᐊ ᑎᒥᐅᔪᑦ ᒥᒃᓵᓄᑦ, ᐅᕗᖓ ᖃᐅᔨᒋᐊᕈᓐᓇᖅᐳᑎᑦ   www.niws.ca

ᒐᕙᒪᒃᑯᑦ

ᓄᓇᕗᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᑎᓕᔭᐅᔾᔪᑎᑖᖃᑦᑕᕐᒥᔪᑦ ᐱᓕᕆᐊᒃᓴᖏᓐᓄᑦ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂᑦ ᑖᒃᑯᐊ ᐱᓕᕆᐊᖃᖃᑦᑕᖅᑐᑦ ᐱᓕᕆᐊᒃᓴᖏᓐᓂᒃ ᐃᒻᒥᒃᑰᕐᖢᑎᒃ ᑎᒥᐅᓪᓗᑎᒃ.  ᐊᖓᔪᖅᑳᖃᖏᑦᑐᑦ ᒐᕙᒪᒃᑯᑦ ᐱᓕᕆᕝᕕᖓᓐᓂᒃ ᓇᓕᐊᖕᓂᑐᐃᓐᓇᖅ, ᑭᓯᐊᓂᓕ ᐃᖅᑲᓇᐃᔭᖃᑎᖃᖃᑦᑕᖅᑐᑦ ᑭᓱᑐᐃᓐᓇᕐᓄᑦ ᐱᔾᔪᑕᐅᔪᓄᑦ ᐊᒃᑐᐊᓂᖃᖅᑐᓄᑦ ᒥᐊᓂᕆᔭᐅᓂᖏᓐᓂᒃ ᓄᓇᕗᑦ ᐆᒪᔪᖏᑦ.

 

ᓄᓇᕗᑦ ᒐᕙᒪᒃᑯᖏᓐᓂ:

ᑲᓇᑕᐅᑉ ᒐᕙᒪᒃᑯᖏᓐᓂ:

  • ᓄᓇᖃᖅᑳᖅᓯᒪᔪᓕᕆᓂᕐᒧᑦ ᐊᒻᒪ ᐅᑭᐅᖅᑕᖅᑐᕐᒥᐅᑕᓕᕆᔨᒃᑯᑦ ᑲᓇᑕᒥ – www.ainc-inac.gc.ca
  • ᐱᓕᕆᕝᕕᖓᑦ ᐃᖃᓗᓕᕆᓂᕐᒧᑦ ᐊᒻᒪ ᐃᒪᕐᒥᐅᓯᕆᔨᒃᑯᑦ– www.dfo-mpo.gc.ca
  • ᐊᕙᑎᓕᕆᔨᒃᑯᑦ ᑲᓇᑕᒥ – www.ec.gc.ca
  • ᒥᓐᖑᐃᖅᓯᕐᕕᓕᕆᔨᒃᑯᑦ ᑲᓇᑕᒥ - www.pc.gc.ca
  • ᓄᓇᒥᐅᑕᓕᕆᔨᒃᑯᑦ ᑲᓇᑕᒥ - www.nrcan.gc.ca

ᐊᓯᖏᑦ ᑲᓇᑕᒥ ᐆᒪᔪᐃᑦ ᒥᐊᓂᕆᔭᐅᖏᓐᓄᑦ ᑲᑎᒪᔨᑦ:

ᓇᓗᓇᖏᒻᒪᑦ, ᓂᕐᔪᑎᑦ, ᑎᖕᒥᐊᑦ, ᐱᕈᖅᑐᑦ ᐊᒻᒪ ᐃᖃᓗᐃᑦ ᐃᓕᓴᖅᓯᓯᒪᖏᒻᒪᑕ ᒐᕙᒪᒃᑯᓐᓄᑦ ᑭᒡᓕᓐᖑᐊᓕᐊᕆᔭᐅᓯᒪᔪᓂᒃ, ᐱᒻᒪᕆᐅᕗᖅ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐃᖅᑲᓇᐃᔭᖃᑎᖃᕐᓂᕆᔭᖏᑦ ᐊᓯᖏᓐᓂᒃ ᑎᒥᐅᔪᓂᒃ ᓄᓇᕗᑦ ᓯᓚᑖᓂᕐᒥᐅᑕᐅᔪᓂᒃ ᐱᓪᓗᒋᑦ ᑕᒪᒃᑯᐊ ᐊᒃᑐᐃᓂᖃᖅᑐᑦ.  ᐅᑯᐊ ᑎᒥᐅᔪᑦ ᐱᓕᕆᖃᑎᒋᔭᐅᕙᒃᐳᑦ:

ᓄᓇᑦᓯᐊᕐᒥ

ᔫᑳᓐ

  • ᔫᑳᓐᒥ ᐃᖃᓗᓕᕆᓂᕐᒧᑦ ᐆᒪᔪᓕᕆᓂᕐᒧᓪᓗ ᑲᑎᒪᔨᖏᑦ - www.yfwmb.ca
  • ᑯᐃᐸᐃᒃ - ᓄᓇᕕᖕᒥ ᑕᕆᐅᕐᒥᐅᑕᐅᓂᖏᓐᓂ ᐆᒪᔪᓕᕆᓂᕐᒧᑦ ᑲᑎᒪᔨᖏᑦ- nmrwb.ca/
  • ᒪᑭᕕᒃ ᑯᐊᐳᕇᓴᓐ - www.makivik.org

ᓂᕙᓐᓛᓐ ᐊᒻᒪ ᓛᐸᑐᐊ

  • ᑑᕐᖓᐃᑦ ᐆᒪᔪᓕᕆᓂᕐᒧᑦ ᐱᕈᖅᑐᓕᕆᓂᕐᒧᓪᓗ ᐊᐅᓚᑦᓯᔨᐅᖃᑎᒌᑦ ᑲᑎᒪᔨᖏᑦ www.torngatsecretariat.ca

Login Form