ᒥᐊᓂᕆᔭᐅᓂᖏᑦ ᐅᑭᐅᖅᑕᖅᑐᕐᒥ ᑭᖑᒃᐸᖕᓂᐊᕐᓂᖅ ᐃᑲᔪᖃᑎᒌᒡᖢᑎᒃ ᐱᓕᕆᔭᐅᕗᑦ ᐊᒃᑐᖅᑕᐅᓯᒪᔪᑦ ᐊᖅᑯᑎᒋᔭᐅᓪᓗᑎᒃ ᐅᑭᐅᖅᑕᖅᑐᕐᒥ ᑭᖑᒃᐸᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑦ (NSAC).  ᑭᒡᒐᖅᑐᖅᑎᐅᔪᑦ ᐅᑭᐅᖅᑕᖅᑕᕐᒥ ᑭᖑᒃᐸᖕᓂᐊᖅᑎᐅᔪᓄᑦ (ᓄᓇᖅᐸᓯᖕᒥ ᐊᒻᒪ ᐃᑭᕐᒥ ᑭᖑᒃᐸᖕᓂᐊᕈᑎᓄᑦ ᓚᐃᓴᓐᓯᖃᖅᑐᑦ, ᐊᒻᒪᓗ ᐱᑐᐃᓐᓇᐅᖏᑦᑐᒃᑯᑦ ᑐᓂᔭᐅᓯᒪᔪᑦ), ᐱᓕᕆᕝᕕᖓᑦ ᐃᖃᓗᓕᕆᓂᕐᒧᑦ ᐊᒻᒪ ᐃᒪᕐᒥᐅᑕᓕᕆᓂᕐᒧᑦ (DFO), ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ, ᐊᒻᒪ ᑲᓇᑕᐅᑉ ᐊᒡᒍᖅᑐᖅᓯᒪᓂᖓᓂ ᒐᕙᒪᐅᔪᖅ ᐊᒻᒪ ᓄᓇᕗᑦ ᒐᕙᒪᖏᑦ ᐃᓚᒋᔭᐅᕗᑦ ᑖᒃᑯᓄᖓ ᑲᑎᒪᔨᕋᓛᓄᑦ.  ᑖᒃᑯᐊ ᐅᑭᐅᖅᑕᖅᑐᕐᒥ ᑭᖑᒃᐸᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑦ ᐅᖃᐅᔾᔨᒋᐊᖅᑎᐅᖃᑦᑕᖅᐳᑦ ᐊᒻᒪ ᐊᑐᓕᖁᔭᓕᐊᒥᖕᓂᒃ ᑐᓂᓯᕙᒃᐳᑦ ᒥᓂᔅᑕᖓᓐᓄᑦ ᐃᒪᕐᒥᐅᑕᓕᕆᔨᒃᑯᑦ.

ᐱᔾᔪᑎᐊ

ᐅᑭᐅᖅᑕᖅᑐᕐᒥ ᑭᖑᒃᐸᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑦ ᐱᔨᑦᓯᖅᑎᐅᓪᓗᑎᒃ ᑲᑎᒪᔨᐅᕗᑦ ᐅᖃᐅᓯᖃᖅᐸᒃᑐᑦ ᐱᔾᔪᑎᐅᔪᓂᒃ ᐊᒃᑐᐊᓂᖃᖅᑐᓂᒃ ᒥᐊᓂᖅᓯᓂᕐᒧᑦ ᐊᒻᒪ ᐱᕙᓪᓕᐊᑎᑦᓯᓂᕐᒧᑦ ᐅᑭᐅᖅᑕᖅᑐᕐᒥ ᑭᖑᒃᐸᖕᓂᐊᕐᓂᕐᒥᒃ.  ᑲᑎᒪᔨᕋᓛᑦ ᐅᖃᐅᔾᔨᒋᐊᖃᑦᑕᖅᐳᑦ ᐅᑯᓄᖓ ᐱᔾᔪᑕᐅᔪᓄᑦ ᐱᖃᓯᐅᔾᔭᐅᓪᓗᑎᒃ ᐃᓗᐊᓄᑦ ᐃᖃᓗᓕᕆᓂᕐᒧᑦ ᒥᐊᓂᖅᓯᔾᔪᑎᓄᑦ ᐸᕐᓇᐅᑎᖏᓐᓄᑦ ᐅᑭᐅᖅᑕᖅᑐᕐᒥ ᑭᖑᒃᐸᖕᓂᐊᒐᒃᓴᓄᑦ:

  • ᑰᑕᐃᑦ ᑐᓂᐅᖅᑲᖅᑕᐅᓂᖏᓐᓄᑦ;
  • ᑰᑕᐅᖏᑦᑐᑦ ᐊᖑᓇᓱᖕᓂᕐᒧᑦ ᒪᓕᖓᖏᑦ (ᐊᕐᕌᒍᒥ ᖃᖓᒃᑯᑦ ᑭᖑᒃᐸᖕᓂᐊᕆᐊᒧᑦ ᒪᓕᒐᖓ ᐅᕝᕙᓗ ᖃᓄᖅ ᐊᒃᑎᒋᔪᓂᒃ ᐱᓂᐊᕐᒪᖔᑕ, ᑭᖑᒃᐸᖕᓂᐊᕈᑎᖏᓐᓄᑦ ᒪᓕᒐᐃᑦ);
  • ᐱᐅᖅᓱᐊᕐᓂᖅ;
  • ᒪᓕᒐᕐᓂᒃ ᒪᓕᒃᓯᑦᓯᐊᖏᓐᓂᕐᒧᑦ ᐱᔾᔪᑎᓂᒃ; ᐊᒻᒪ
  • ᓚᐃᓴᓐᓯᑕᖅᑎᑦᓯᓂᕐᒧᑦ ᐊᑐᐊᒐᓂᒃ.

ᐃᓚᒋᔭᐅᔪᑦ ᐅᑭᐅᖅᑕᖅᑐᕐᒥ ᑭᖑᒃᐸᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᓐᓄᑦ

ᐃᓚᒋᔭᐅᔪᑦ ᐅᑭᐅᖅᑕᖅᑐᕐᒥ ᑭᖑᒃᐸᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᓐᓄᑦ ᐃᒪᐃᓕᖓᕗᑦ:

  • ᐊᑕᐅᓯᕐᒥᒃ ᑭᒡᒐᖅᑐᖅᑎᖃᖅᑐᑦ ᐊᑐᓂ ᑲᒻᐸᓂᐅᔪᑦ ᑎᒍᒥᐊᖅᑎᑦ ᐃᑭᖅᐸᓯᖕᒥ ᐅᑭᐅᖅᑕᖅᑐᕐᒥ ᑭᖑᒃᐸᖕᓂᐊᕈᑎᓄᑦ ᓚᐃᓴᓐᓯᒥᒃ;
  • ᑭᒡᒐᖅᑐᖅᑎᑦ ᑭᖑᒃᐸᖕᓂᐊᕐᕕᐅᔪᑦ ᑐᓂᔭᐅᓯᒪᑲᐃᓐᓇᖅᑐᑦ ᐅᕝᕙᓗ ᑎᒍᒥᐊᖅᑎᐅᔪᑦ ᓯᒡᔭᖅᐸᓯᖕᒥ ᑭᖑᒃᐸᖕᓂᐊᕐᓂᕐᒧᑦ ᓚᐃᓴᓐᓯᒥᒃ;
  • ᐊᑕᐅᓯᖅ ᑲᓇᑕᐅᑉ ᐊᒡᒍᖅᓯᒪᓂᐊᓂᓐᖔᖅᑐᖅ ᐅᕝᕙᓗ ᓄᓇᕗᑦ ᒐᕙᒪᒃᑯᖏᑕ ᑭᒡᒐᖅᑐᖅᑎᖓᑦ ᐊᑐᓂ ᓂᐅ ᐳᕋᓐᓱᕕᖕᒥᐅᑕᑦ,
  • ᓂᐅᕙᓐᓛᓐ ᐊᒻᒪ ᓚᐸᑐᐊ, ᓄᕙ ᓯᑰᓴ, ᐳᕆᓐᔅ ᐃᐊᕗᐊᑦ ᐊᐃᓚᓐ, ᑯᐃᐸᐃᒃ, ᓄᓇᕗᑦ; ᐊᒻᒪ
  • ᑭᒡᒐᖅᑐᖅᑎᐅᔪᑦ ᐱᓕᕆᕝᕕᖓᓐᓂᑦ ᐃᖃᓗᓕᕆᓂᕐᒧᑦ ᐃᒪᕐᒥᐅᓯᕆᓂᕐᒧᓪᓗ, ᐊᑕᐅᓯᖅ ᑖᓐᓇ ᐃᒃᓯᕙᐅᑕᐅᖃᑦᑕᖅᑐᖅ ᐅᑭᐅᖅᑕᖅᑐᕐᒥ ᑭᖑᒃᐸᖕᓂᐊᕐᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑦ ᑲᑎᒪᑎᓪᓗᒋᑦ.

ᑲᑎᒪᓂᖏᑦ ᐅᑭᐅᖅᑕᖅᑐᕐᒥ ᑭᖑᒃᐸᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑕ

ᑲᑎᒪᖃᑦᑕᖅᑐᑦ ᐊᑕᐅᓯᐊᖅ ᐊᕐᕌᒍᒥ ᐅᕝᕙᓗ ᐱᔭᕆᐊᖃᓕᕌᖓᑕ ᐃᒪᐃᓕᔭᕌᖓᑦ:

  • ᓄᑖᓂᒃ ᑐᒃᓯᕋᐅᑎᓂᒃ ᓴᖅᑭᑦᑐᖃᕌᖓᑦ ᐱᓪᓗᒍ ᓄᑖᕈᕆᐊᖅᑕᐅᑎᓪᓗᒋᑦ ᖃᐅᔨᓴᖅᑎᒻᒪᕆᑦ ᐅᖃᐅᔾᔨᒋᐊᕈᑎᖏᑦ ᐅᕝᕙᓗ ᐅᓄᕐᓂᖏᓐᓄᑦ ᖃᐅᔨᓴᖅᑕᐅᓯᒪᔪᑦ;
  • ᐱᒻᒪᕆᐅᔪᒥᒃ ᓄᑖᒥᒃ ᒥᐊᓂᖅᓯᓂᕐᒧᑦ ᒪᓕᒐᕋᓛᓕᐅᖁᔨᓪᓗᑎᒃ ᑐᒃᓯᕋᖅᑐᖃᖅᑎᓪᓗᒍ; ᐅᕝᕙᓗ
  • ᐃᖃᓪᓕᐊᖅᑎᑦ ᖃᓄᐃᓐᓂᖓᑦ ᑲᑎᒪᔾᔪᑕᐅᔭᕆᐊᖃᓕᖅᑎᓪᓗᒍ ᐅᖃᐅᔾᔨᒋᐊᕆᐊᖃᓕᖅᑎᓪᓗᒋᑦ ᒥᓂᔅᑕᒥᒃ.

Login Form