ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ (NWMB ᐅᕝᕙᓗ ᑲᑎᒪᔨᑦ) ᐱᓕᕆᕝᕕᖁᑎᒋᔭᐅᕗᑦ ᑭᓇᒃᑯᓕᒫᓄᑦ ᒐᕙᒪᖃᖅᑐᓄᑦ ᓴᖅᑭᑕᐅᓯᒪᔪᖅ 1994−ᖑᑎᓪᓗᒍ.  ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᓴᖅᑭᑕᐅᓂᑰᕗᑦ ᒪᓕᒃᑕᐅᓪᓗᑎᒃ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᑦ (NLCA), ᑖᒃᑯᐊ ᐊᖏᕈᑕᐅᓚᐅᖅᓯᒪᔪᑦ ᒪᐃ 25, 1993-ᖑᑎᓪᓗᒍ.  ᑲᑎᒪᔨᐅᔪᑦ ᐊᐅᓚᑦᓯᔨᓪᓗᐊᑕᐅᕗᑦ ᐆᒪᔪᑦ ᒥᐊᓂᕆᔭᐅᓂᖏᓐᓄᑦ ᓄᓇᕗᑦ ᓄᓇᑖᕆᔭᐅᓯᒪᔪᑉ ᐃᓗᐊᓂ (NSA) ᐊᒻᒪ ᐊᐅᓚᑦᓯᔨᐅᖃᑕᐅᔪᑦ ᑲᑎᒪᔨᖏᑦ ᑲᑎᒪᔨᖃᖅᐳᑦ 9−ᓂᒃ ᑎᒃᑯᐊᖅᑕᐅᓯᒪᔪᓂᒃ.  ᑲᑎᒪᔨᑦ ᐊᒻᒪ ᐊᐅᓚᑦᓯᔨᐅᖃᑎᒋᔭᖏᑦ ᐱᓕᕆᖃᑎᒌᑲᑦᑕᖅᑐᑦ ᑲᑎᑕᐅᓪᓗᑎᒃ ᖃᐅᔨᒪᓂᕆᔭᐅᔪᑦ ᐊᒻᒪ ᑐᑭᓯᒪᓂᕆᔭᐅᔪᑦ ᐆᒪᔪᓂᒃ ᒥᐊᓂᖅᓯᔨᐅᔪᓄᑦ, ᐊᑐᖅᑎᐅᔪᓄᑦ, ᐊᒻᒪ ᑭᓇᒃᑯᑐᐃᓐᓇᕐᓄᑦ ᐃᓱᒪᓕᐅᕋᓱᐊᖅᑎᓪᓗᒋᑦ ᐱᓪᓗᒋᑦ ᐆᒪᔪᑦ ᒥᐊᓂᕆᔭᐅᓂᖏᓐᓄᑦ ᓄᓇᕗᑦ ᐃᓗᓂᐊ.

ᒪᓕᒡᑕᐅᓗᑎᒃ ᐊᐅᓚᑦᓯᔨᓪᓗᐊᑕᐅᔪᑉ ᐱᔪᓐᓇᕐᓂᕆᔭᖓ ᒥᓂᔅᑕᐅᑉ, ᓄᓇᕗᒥ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐊᐅᓚᑦᓯᔨᓪᓗᐊᑕᐅᕗᑦ ᐅᒪᔪᑦ ᒥᐊᓂᕆᔭᐅᓂᖏᓐᓄᑦ ᐊᒻᒪ ᒪᓕᒐᓕᐅᖅᑎᓪᓗᐊᑕᐅᓪᓗᓂ ᐆᒪᔪᕈᓐᓇᕐᓂᕐᒧᑦ  ᓄᓇᕗᒥ ᓄᓇᑖᕆᔭᑦ ᐃᓗᐊᓂ (NSA). ᓄᓇᕗᒥ ᓄᓇᑖᕆᔭᑦ ᐃᓗᐊᓂ ᐃᓗᓕᖃᖅᐳᖅ ᐃᓚᖓᓂᒃ ᓄᓇᕗᑦ.  ᐊᒃᑎᒋᓂᖃᖅᐳᖅ ᐅᖓᑖᓂ 1.9 ᒥᓕᐊᓐ ᓯᒃᑭᑕᐅᔪᑦ ᑭᓛᒥᑐᔅᓂᒃ, ᐱᖃᓯᐅᑎᓪᓗᒍ ᑕᕆᐅᖅ ᐊᒻᒪ ᐅᑭᐅᖅᑕᖅᑕᕐᒥᕿ ᑭᖅᑕᒐᓴᐃᑦ ᐊᒻᒪ 12 ᒪᐃᓕᒥᒃ ᐅᖓᓯᖕᓂᓕᖕᒧᑦ ᐃᒪᕐᒧᑦ ᑎᑭᓯᒪᓪᓗᓂ ᖃᓂᖏᔭᖓ ᓄᓇᕗᑦ.  ᐃᓚᖏᓪᓗᒍ ᖃᓂᒋᔭᖓᓂ 43 ᐳᓴᓐᖓᑕ ᑲᓇᑕᐅᑉ ᑕᕆᐅᖓᑕ ᓯᒡᔭᖓᓂᒃ ᐱᑕᖃᖅᑐᖅ ᓄᓇᕗᒥ ᓄᓇᑖᕆᔭᐅᓯᒪᔪᑉ ᐃᓗᐊᓂ -104,000 ᑕᐃᑲᓐᖔᖅᑐᓂᑦ ᑲᑎᓪᓗᒋᑦ ᐊᒃᑎᒋᓂᖃᖅᑐᓂᑦ 243,000 ᑭᓛᒥᑐᔅᓂᒃ. 

ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑦ ᐅᖃᐅᔾᔨᒋᐊᖅᑎᐅᓪᓗᑎᒃ ᐱᓕᕆᓂᖃᕆᕗᑦ ᐱᓪᓗᒋᑦ ᑕᕆᐅᕐᒥᐅᑕᑦ ᒥᐊᓂᕆᔭᐅᓂᖏᓐᓄᑦ ᐃᓗᐊᓂ ᐊᒡᒍᖅᑐᖅᓯᒪᓂᐅᔪᑉ I ᐊᒻᒪ II ᐊᒻᒪ ᖃᓂᒋᔭᖓᓂ ᐃᑭᐅᑉ ᐊᒡᒍᖅᑐᖅᓯᒪᓂᖏᓐᓂᒃ. ᐊᒡᒍᖅᑐᖅᓯᒪᓂᖅ I ᐊᒻᒪ II ᐊᖏᓂᐅᔪᑦ ᐃᑭᕐᒥ ᐃᖃᓪᓕᐊᕐᕕᐅᔪᑦ, ᐊᑐᓂᓗ ᐃᓗᓕᖃᖅᑐᑦ ᐅᐊᕼᐊᓐᓇᓚᑕᐅᓴᓐ ᓯᒃᑭᑕᓂᒃ ᑭᓛᒥᑐᔅᓂᒃ. ᐊᒡᒍᖅᑐᖅᓯᒪᓂᖅ I ᑕᐃᓯᕗᖅ ᐃᑭᕐᒥ ᐅᐊᖕᓇᖓᓃᑦᑐᒥᒃ 61 ᑎᑯᕇᔅ ᓴᓂᒧᑦ ᓄᓇᓐᖑᐊᒥ ᒪᓕᒡᓗᒍ ᑲᓇᑕᐅᑉ ᒐᕙᒪᒃᑯᖏᑕ ᐱᓕᕆᔪᓐᓇᕐᓂᕆᔭᖓ ᑕᕿᐅᕐᒧᑦ ᑎᑭᓪᓗᒍ ᑭᒡᓕᕆᔭᖓ, ᐃᓚᒋᓐᖏᑕᖓ ᓄᓇᕗᒥ ᓄᓇᑖᕆᔭᐅᓯᒪᔪᑉ ᐃᓗᐊᑕ ᐅᕝᕙᓗ ᐊᓯᖏᓐᓄᑦ ᓄᓇᖁᑎᑖᕆᔭᐅᓯᒪᔪᓄᑦ.  ᐊᒡᒍᖅᑐᖅᓯᒪᓂᖅ II ᑕᐃᓯᕗᖅ ᐃᑭᖓᓂᒃ ᔭᐃᒻᔅ ᐸᐃ, ᕼᐊᓐᓴᓐ ᐸᐃᒥ ᐊᒻᒪ ᕼᐊᓐᓴᓐ ᐃᑭᕋᓴᖓᓂᒃ ᐃᓚᒋᔭᐅᖏᑦᑐᑦ ᓄᓇᕗᒥ ᓄᓇᑖᕆᔭᐅᓯᒪᔪᑦ ᐃᓗᐊᑕ  ᐅᕝᕙᓗ ᐊᓯᖏᓐᓄᑦ ᓄᓇᑖᖅᓯᒪᔪᓄᑦ ᐱᒋᔭᐅᖏᑦᑐᑦ.

ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ ᑕᐅᑐᓐᖑᐊᖅᑕᖏᑦ “ᐱᐅᖅᓱᐊᕐᓂᖅ ᐆᒪᔪᓂᒃ ᐊᑐᕐᓗᑎᒃ ᐃᓄᐃᑦ ᖃᐅᔨᒪᔭᑐᖃᖏᓐᓂᒃ ᐊᒻᒪ ᖃᐅᔨᓴᖅᑎᒻᒪᕆᑦ ᖃᐅᔨᒪᓂᕆᔭᖏᓐᓂᒃ.”

Login Form