ᐃᒪᕐᒥᐅᑕᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑦ

ᐃᒪᕐᒥᐅᑕᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑦ

ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᑕ ᖃᐅᔨᒪᓂᕆᔭᖏᑦ ᐆᒪᔪᑦ ᐊᒻᒪ ᐃᒪᕐᒥᐅᑕᑦ ᒥᐊᓂᕆᔭᐅᓂᖏᓐᓄᑦ ᐱᓪᓗᒋᑦ.  ᐱᔭᒃᓴᓂᒃ ᑐᓂᓯᐅᖅᑲᐃᓂᕐᒧᑦ ᐃᓱᒪᓕᐅᕈᑕᐅᔪᑦ ᓄᓇᕗᒥ ᐱᕈᖅᐸᓪᓕᐊᑎᓪᓗᒍ ᐃᒪᕐᒥᐅᑕᓂᒃ ᐃᖃᓗᒐᓱᐊᕐᓂᐅᔪᖅ ᐃᓱᒪᒋᔭᐅᖃᓯᐅᔾᔭᐅᔭᕆᐊᖃᕐᒪᑕ ᐱᒻᒪᕆᐅᔪᑦ ᐃᓅᓯᕐᒧᑦ ᑮᓇᐅᔭᓕᐅᕈᑎᖃᕋᓱᐊᕐᓂᕐᒧᓪᓗ ᐱᔾᔪᑕᐅᔪᑦ, ᒪᓕᒐᖏᑦ, ᐱᔅᓇᓯᑦ, ᐃᖅᑲᓇᐃᔭᖅᑎᑦᑎᓂᕐᒧᑦ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᐱᔾᔪᑕᐅᔪᑦ - ᐱᖃᓯᐅᑎᓪᓗᒋᑦ ᓄᓇᓂᖕᓄᑦ ᐱᔭᐅᔪᓐᓇᕐᓗᑎᒃ ᐊᓯᖏᓐᓄᓪᓗ ᐊᑭᑦᑐᕋᐅᑎᔪᓐᓇᕐᓂᐊᕐᒪᑕ ᐃᓱᖃᕋᓗᐊᖅᑎᓪᓗᒋᑦ ᐃᖃᓗᒐᒃᓴᐅᔪᑦ ᐊᒻᒪ ᐃᑲᔪᖅᓯᔾᔪᑎᒃᓴᐅᔪᑦ.   ᐱᒻᒪᕆᐅᔪᓂᒃ ᐱᕙᓪᓕᐊᓂᖃᖅᓯᒪᔪᑦ ᓄᓇᕗᒥ ᑕᕆᐅᕐᒥᐅᑕᓂᒃ ᐃᖃᓪᓕᐊᕐᓂᖅ ᐱᖃᓯᐅᔾᔨᓯᒪᕗᖅ ᐊᑐᓕᖅᑎᑕᐅᓂᖓ 2005-ᖑᑎᓪᓗᒍ ᓄᓇᕗᒥ ᐃᖃᓪᓕᐊᓂᕐᒧᑦ ᐅᐸᓗᖓᐃᔭᐅᑎᑦ ᑐᑭᒧᐊᒍᑕᐅᔪᓐᓇᕐᓂᐊᕐᒪᑕ ᓯᕗᓂᒃᓴᑦᑎᓐᓂ ᐱᔭᓪᓕᐊᑎᑦᑎᓂᕐᒧᑦ, ᐊᒻᒪ ᐃᖅᑲᓇᐃᖅᑕᐅᓂᒃᓴᖏᓐᓄᑦ ᐃᒻᒥᒃᑰᖅᑐᖅ ᑎᒥᐅᔪᑉ ᐋᖅᑭᒡᓱᖅᓯᒪᓂᖏᓐᓄᑦ ᐊᒻᒪ ᐱᓕᕆᑦᑎᐊᕋᓗᐊᕐᒪᖔᑕ ᕿᒥᕐᕈᓇᒍᑎᖏᓐᓄᑦ ᓄᓇᕗᒥ ᐃᑭᕐᒥ ᐃᖃᓪᓕᐊᖅᑎᐅᔪᑦ ᐊᕐᕌᒍᐊᓂ 2006 ᐃᑲᔪᖅᑕᐅᖁᓪᓗᒋᑦ ᐃᖃᓗᒐᓱᐊᕐᓂᕐᒧᑦ ᐊᑐᐊᒐᐃᑦ ᐊᒻᒪ ᐱᓕᕆᐊᒃᓴᓄᑦ ᓴᓇᓂᐅᔪᒧᑦ, ᐅᐸᓗᖓᐃᔭᐅᑎᓗᒃ ᐸᕐᓇᐃᓂᕐᒧᑦ ᐊᒻᒪ ᑮᓇᐅᔭᖃᖅᑎᑦᓯᓂᕐᒧᑦ ᐃᓱᒪᓕᐅᕈᑎᓄᑦ.  ᐃᑭᕐᒥ ᐃᖃᓗᒐᓱᐊᕐᓂᖅ ᕿᒥᕐᕈᔭᐅᓚᐅᖅᑎᓪᓗᒍ ᐊᑐᓕᖁᔭᓕᐅᓚᐅᖅᑐᑦ ᐃᖃᓗᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑦ ᓴᖅᑭᑕᐅᖁᓪᓗᒋᑦ ᐱᕕᖃᖅᑎᑦᑎᓂᐊᕐᒪᑕ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᒃ ᓴᖅᑭᔮᑦᑎᐊᖅᑐᒥᒃ ᐊᒻᒪ ᑐᕌᒐᒃᓴᖏᓐᓄᑦ ᐅᖃᐅᔾᔭᐅᒋᐊᕈᓐᓴᕐᓂᐊᕐᒪᑕ ᐱᒐᓱᐊᕐᓂᕐᒧᑦ ᐊᒻᒪ ᐃᖃᓪᓕᐊᒐᒃᓴᓂᒃ ᑐᓂᓯᐅᖅᑲᐃᓂᕐᒧᑦ ᐱᔾᔪᑕᐅᔪᓂᒃ ᓄᓇᕗᑦ ᐃᓗᐊᓂ.

ᓄᓇᕗᑦ ᒐᕙᒪᒃᑯᖏᑦ (GN) ᐊᒻᒪᓗ ᓄᓇᕗᑦ ᑐᓐᖓᕕᒃᑯᑦ ᑎᒥᖓᑦ (NTI) - ᑎᑎᕋᓚᐅᖅᑐᑦ ᑕᐃᒃᑯᐊ ᓄᓇᕗᒥ ᑮᓇᐅᔭᓕᐅᕈᑎᖃᕋᓱᐊᕐᓂᒧᑦ ᐱᕙᓪᓕᐊᑎᑦᑎᓂᕐᒧᑦ ᐅᐸᓗᖓᐃᔭᐅᑎᒃᓴᓂᒃ (2003-ᖑᑎᓪᓗᒍ) ᐊᒻᒪᓗ ᓄᓇᕗᒥ ᐃᖃᓪᓕᐊᓂᕐᒧᑦ ᐅᐸᓗᖓᐃᔭᐅᑎᑦ (2005-ᖑᑎᓪᓗᒍ) - ᐱᓕᕆᓯᒪᓂᖃᑦᑎᐊᖅᑐᑦ, ᖃᐅᔨᒪᓂᖃᖅᑐᑦ, ᐊᒻᒪ ᐱᔪᓐᓇᕐᓂᖃᖅᑐᑦ ᐃᓕᓴᖅᓯᓂᕐᒥᒃ ᐊᒻᒪ ᑎᒃᑯᐊᖅᓯᓂᕐᒥᒃ ᐱᓕᕆᔪᓐᓇᐅᑎᖃᖅᑐᓂᒃ ᑭᓇᒃᑯᑐᐃᓐᓇᕐᓂᒃ ᐃᒪᕐᒥᐅᑕᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᓐᓄᑦ ᑐᓂᓯᔪᓐᓇᕐᓂᐊᕐᒪᑕ ᑐᓴᐅᒪᑦᑎᐊᕐᓗᑎᒃ ᐊᒻᒪ ᐃᒻᒥᒃᑰᕐᓗᑎᒃ ᐅᖃᐅᔾᔨᒋᐊᕈᓐᓇᕐᓂᐊᕐᒪᑕ.  ᐊᕐᕌᒍᐊᓂ 2007 ᐃᒪᕐᒥᐅᑕᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑦ ᓴᖅᑭᑕᐅᓚᐅᖅᓯᒪᕗᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᑦ ᐃᑲᔪᖅᓯᖁᓪᓗᒋᑦ ᑲᑎᖅᓱᖅᑕᐅᓕᖅᑎᓪᓗᒋᑦ ᐱᔪᒪᓂᖃᖅᑐᑦ ᐃᖃᓗᓕᕆᓂᕐᒧᑦ ᒥᐊᓂᖅᓯᓂᕐᒧᑦ, ᐱᐅᖅᓱᐊᕐᓂᕐᒧᑦ, ᒪᓕᒐᖏᓐᓂᒃ ᐊᒻᒪ ᐱᕙᓪᓕᐊᑎᑦᑎᓂᕐᒥᒃ, ᐊᒻᒪ ᐃᒻᒥᒃᑰᖅᑐᒥᒃ ᐅᖃᐅᔾᔨᒋᐊᕈᓐᓇᖁᓪᓗᒋᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᒃ ᑐᓂᓯᐅᖅᑲᐃᑎᓪᓗᒋᑦ ᐃᖃᓪᓕᐊᒐᒃᓴᑦ ᐅᖁᒪᐃᓐᓂᖏᓐᓂᒃ ᓄᓇᕗᑦ ᓴᓂᐊᓂ ᐃᑭᕐᒥ ᐱᔭᒃᓴᓂᒃ.  ᐃᒪᕐᒥᐅᑕᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑕ ᐅᖃᐅᔾᔨᒋᐊᕈᑎᖏᑦ ᑐᓐᖓᕕᖃᕐᓂᐊᖅᑐᑦ ᐃᖃᓗᓕᕆᓂᕐᒧᑦ ᐊᑐᐊᒐᕐᓂᒃ, ᐊᒻᒪ ᕿᒥᕐᕈᓇᖃᑦᑕᕐᓂᖓᑦ ᑐᓐᖓᕕᖃᕐᓂᐊᖅᐳᖅ ᒪᓕᒐᖏᓐᓂᒃ ᐊᐅᓚᑦᓯᓂᕐᒧᑦ, ᐱᓕᕆᐊᖏᓐᓄᑦ, ᐃᑲᔪᕈᑎᓄᑦ ᐊᒻᒪ ᐸᖅᑭᒡᓯᕐᓂᕐᒧᑦ ᐸᕐᓇᐅᑎᓂᒃ ᑐᓂᔭᐅᓯᒪᔪᓂᒃ ᑐᒃᓯᕋᐅᑎᓕᐅᖅᓯᒪᔪᓂᑦ, ᐊᒻᒪ ᐊᕐᕌᒍᑕᒫᖅᓯᐅᒻᒧᑦ ᐅᓂᒃᑳᓕᐊᑦ ᑐᓂᔭᐅᖃᑦᑕᖅᑐᑦ ᐃᖃᓪᓕᐊᖅᑎᐅᔪᓂᑦ ᑐᓂᔭᐅᓯᒪᔪᓂᑦ ᐅᖁᒪᐃᓐᓂᕐᓂᒃ ᐃᖃᓪᓕᐊᒐᒃᓴᓂᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᑦ ᐊᕐᕌᒍᒋᓚᐅᖅᑕᑦᑎᓐᓂᑦ.

ᐃᒪᕐᒥᐅᑕᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑦ ᑎᓕᔭᐅᓯᒪᔾᔪᑎᖏᑦ

ᑎᓂᔭᐅᓯᒪᓪᓗᐊᑕᕈᑎᖏᑦ ᐃᒪᕐᒥᐅᑕᓕᕆᓂᕐᒧᑦ ᐅᖃᐅᔾᔨᒋᐊᖅᑎᑦ ᑲᑎᒪᔨᕋᓛᖏᑕ ᐅᖃᐅᔾᔨᒋᐊᖃᑦᑕᕈᓐᓇᖁᓪᓗᒋᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ ᑐᓂᓯᐅᖅᑲᐃᓂᕐᒧᑦ ᓂᐅᕐᕈᑎᒃᓴᓂᒃ ᐃᖃᓪᓕᐊᒐᒃᓴᑦ ᐅᖁᒪᐃᓐᓂᖏᓐᓂᑦ ᖃᓕᕋᓕᒐᒃᓴᓄᑦ ᐊᒻᒪ ᑭᖑᒃᐸᒐᒃᓴᓄᑦ ᐊᒻᒪ ᐊᓯᖏᓐᓄᑦ ᐃᖃᓗᖕᓄᑦ ᓂᐅᕐᕈᑎᒃᓴᓕᐊᖑᕙᒃᑐᓄᑦ, ᐃᓗᐊᓂ ᓄᓇᕗᑦ ᐊᒻᒪ ᐃᓗᐊᓂ ᓄᓇᕗᑦ ᓴᓂᐊᓂ ᐃᑭᕐᒥ ᓯᓚᑖᓂᒃᑯᓗᐊᖅᑎᓪᓗᒋᑦ ᓄᓇᕗᑦ ᓄᓇᖁᑎᖓᑦᑕ ᒪᓕᒡᓗᒋᑦ ᓇᓗᓇᐃᖅᑕᐅᓯᒪᓂᕆᔭᖏᑦ ᓄᓇᕗᒥ ᓄᓇᑖᕈᑎᓄᑦ ᐊᖏᖃᑎᒌᒍᑎᓂ ᑭᒡᓕᖁᑎᒋᔭᐅᔪᓂ ᐊᒡᒍᖅᑐᖅᓯᒪᓂᕐᓂ I ᐊᒻᒪ II.

ᐃᑲᔪᖅᑎᐅᔪᑦ ᑲᑎᒪᔨᕋᓛᑦ ᑎᓕᔭᐅᓯᒪᔾᔪᑎᖏᑦ ᐱᖃᓯᐅᔾᔨᓯᒪᕗᑦ ᒪᓕᒐᖏᓐᓂ ᐅᖃᐅᔾᔨᒋᐊᕐᓂᕐᒥᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᒃ ᑲᓐᖑᓇᖅᑐᓄᑦ ᐱᓕᕆᐊᓄᑦ ᐊᒻᒪ ᑐᓂᓯᐅᖅᑲᐃᓂᕐᒧᑦ ᐅᖁᒪᐃᓐᓂᕐᓂᒃ ᓴᖅᑭᑉᐸᓪᓕᐊᔪᓄᑦ ᐃᑭᕐᒥ ᐃᖃᓪᓕᐊᒐᒃᓴᓄᑦ, ᐊᒻᒪᓗ ᐃᖃᓪᓕᐊᖅᑎᑦ ᐱᔭᕆᐊᑭᒡᓕᑎᑦᑎᔨᑦ ᑲᑎᒪᔨᖏᓐᓄᑦ ᐱᓪᓗᒋᑦ ᓴᓇᔭᐅᓂᒃᓴᖓ ᐅᑎᖅᑐᒃᓴᑦ ᐊᑭᓕᐅᑎᓄᑦ ᐊᑐᕆᐊᖃᖅᑐᓄᑦ ᐊᑐᓂ ᐱᓕᕆᕝᕕᐅᔪᓄᑦ ᐱᓪᓗᒋᑦ ᐊᕐᕌᒍᑕᒫᓐ ᐊᑭᓕᕆᐊᖃᖃᑦᑕᖅᑕᖏᑦ ᖃᐅᔨᓴᐃᓗᑎᒃ ᐃᖃᓪᓕᐊᕈᑎᒃᓴᑦ ᑮᓇᐅᔭᖁᑎᖏᓐᓄᑦ.

ᐱᓕᕆᐊᒃᓴᑦ ᐊᒻᒪ ᑲᒪᒋᔭᒃᓴᑦ

ᐱᓕᕆᐊᒃᓴᑦ ᐊᒻᒪ ᑲᒪᒋᔭᒃᓴᑦ ᑲᑎᒪᔨᕋᓛᓄᑦ ᐱᖃᓯᐅᔾᔨᓯᒪᕗᖅ ᐅᑯᓂᖓ:

· ᕿᒥᕐᕈᓗᑎᒃ ᐊᒻᒪ ᖃᐅᔨᓴᐃᖃᑦᑕᕐᓗᑎᒃ ᑐᒃᓯᕋᐅᑎᓂᒃ, ᐱᖃᓯᐅᑎᓗᒋᑦ ᒪᓕᒐᖏᑦ, ᐱᔅᓇᓯᖓ, ᐃᑲᔪᕈᑎᓂᒃ ᐊᒻᒪ ᐸᖅᑭᒡᖠᕐᓂᕐᒧᑦ ᐸᕐᓇᐅᑎᓂᒃ, ᑐᓂᔭᐅᖃᑦᑕᖅᑐᓂᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᓐᓄᑦ ᓂᐅᕐᕈᑎᒃᓴᓂᒃ ᐃᑭᕐᒥ ᐃᖃᓪᓕᐊᒐᒃᓴᑦ ᑐᓂᔭᐅᑎᓪᓗᒋᑦ;

· ᕿᒥᕐᕈᖁᓪᓗᒋᑦ ᖃᐅᔨᓴᐃᓗᑎᒡᓗ ᐊᕐᕌᒍᑕᒫᓐ ᐅᓂᒃᑳᓕᐊᓂᒃ ᑐᓂᔭᐅᖃᑦᑕᖅᑐᓂᑦ ᑰᑕᓂᒃ ᑎᒍᒥᐊᖅᑎᐅᔪᓂᑦ;

· ᐊᑐᓕᖁᔭᓕᐅᖃᑦᑕᕐᓗᑎᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ ᑐᓂᓯᐅᖅᑲᐃᓂᕐᒧᑦ ᐅᖁᒪᐃᓐᓂᕐᓂᒃ ᓄᓇᕗᒥ ᐃᖃᓪᓕᐊᒐᒃᓴᓂᒃ ᑐᓐᖓᕕᒋᓗᒋᑦ ᕿᒥᕐᕈᓇᖕᓂᐅᓚᐅᖅᑐᑦ ᐊᒻᒪ ᖃᐅᔨᓴᐃᓂᐅᓚᐅᖅᑐᑦ ᑐᓂᔭᐅᓯᒪᔪᑦ ᑐᒃᓯᕋᐅᑎᑦ ᐊᒻᒪ, ᐊᑑᑎᖃᕌᖓᑦ, ᐊᕐᕌᒍᑕᒫᓐ ᐅᓂᒃᑳᓕᐊᑦ;

· ᐃᑲᔪᖅᓯᖁᓪᓗᒋᑦ ᐊᒻᒪ ᐅᖃᐅᔾᔨᒋᐊᖃᑦᑕᕐᓗᑎᒃ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ, ᑐᒃᓯᕋᕐᕕᐅᔭᕌᖓᑕ, ᐱᓪᓗᒋᑦ ᕿᒥᕐᕈᓂᖅ ᖃᐅᔨᓴᐃᓗᑎᒃ ᑐᒃᓯᕋᐅᑎᓂᒃ ᑐᓂᔭᐅᔪᒪᓗᑎᒃ ᐱᕙᓪᓕᐊᔪᓂᑦ ᐃᑭᕐᒥ ᐃᖃᓪᓕᐊᖅᑎᐅᔪᓂᑦ;

· ᐃᑲᔪᖅᓯᖁᓪᓗᒋᑦ ᐅᖃᐅᔾᔨᒋᐊᕐᓗᑎᒡᓗ ᐃᖃᓪᓕᐊᖅᑎᑦ ᐱᔭᕆᐊᑭᒡᓕᑎᑦᑎᔨᑦ ᑲᑎᒪᔨᖏᓐᓄᑦ (IWG), ᑐᒃᓯᕋᕐᕕᐅᓂᖏᑦ ᒪᓕᒡᓗᒋᑦ, ᐱᓪᓗᒍ ᐊᑐᓕᖅᑎᑦᑎᓂᕐᒧᑦ ᐊᒻᒪ ᐊᓪᓚᕕᖕᒥ ᐊᐅᓚᑕᐅᓂᖏᑦ ᑐᒃᓯᕋᐅᑕᐅᓯᒪᔪᑦ ᖃᐅᔨᓴᐃᓗᑎᒃ ᐃᖃᓪᓕᐊᕈᑎᒃᓴᑦ ᑮᓇᐅᔭᖁᑎᖏᑦ ᐊᒻᒪ ᐋᖅᑭᒡᓱᖅᑕᐅᓗᑎᒃ ᐊᑐᓂ ᓴᓇᔭᐅᓂᒃᓴᖏᑦ ᐅᑎᖅᑐᒃᓴᐅᔪᑦ;

· ᐅᖃᐅᔾᔨᒋᐊᖃᑦᑕᕐᓗᑎᒃ, ᒪᓕᒡᓗᒍ ᑐᒃᓯᕋᕐᕕᐅᓯᒪᓂᖓᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ, ᓄᓇᕗᑦ ᒐᕙᒪᒃᑯᖏᓐᓄᑦ ᐊᒻᒪ/ᐅᕝᕙᓗ ᓄᓇᕗᑦ ᑐᓐᖓᕕᒃᑯᑦ ᑎᒥᖏᓐᓄᑦ, ᐱᓪᓗᒋᑦ ᓴᓇᔭᐅᓂᒃᓴᖏᑦ ᐃᖃᓪᓕᐊᖅᑐᓕᕆᓂᕐᒧᑦ ᐱᕙᓪᓕᐊᖃᑎᑦᑎᔾᔪᑎᒃᓴᓄᑦ ᐱᔾᔪᑕᐅᔪᑦ ᓄᓇᕗᒥ;

· ᐅᖃᐅᔾᔨᒋᐊᖃᑦᑕᕐᓗᑎᒃ ᐊᒻᒪ ᐊᑐᓕᖁᔭᓕᐅᖃᑦᑕᕐᓗᑎᒃ ᑲᓐᖑᓇᖅᑐᓕᕆᓂᕐᒧᑦ ᑐᕌᖓᔪᓂᒃ, ᓲᕐᓗ ᑐᓴᒐᒃᓴᑦ ᑲᓐᖑᓇᖅᑑᑎᑕᐅᔭᕆᐊᖃᖅᐸᑦ ᓴᖅᑭᑕᐅᔭᕆᐊᖃᖅᐸᓪᓘᕝᕙ; ᐊᒻᒪᓗ

· ᐊᓯᖏᓪᓗ ᑐᕌᒐᒃᓴᑦ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓂᑦ ᑐᒃᓯᕋᖅᑕᐅᑐᐃᓐᓇᕆᐊᓕᑦ ᑲᑎᒪᔨᕋᓛᓄᑦ ᑲᒪᒋᖁᔭᐅᓗᑎᒃ.

ᑲᑎᒪᔨᕋᓗᓛᓄᑦ ᑲᑎᒪᔨᐅᖃᑕᐅᓂᐊᖅᑐᑦ

ᑲᑎᒪᔨᕋᓛᓄᑦ ᑲᑎᒪᔨᐅᖃᑕᐅᓂᐊᖅᑐᑦ ᑕᓪᓕᒪᐅᓂᐊᖅᐳᑦ ᐅᑯᓄᖓ ᑎᒥᐅᔪᓄᑦ ᑎᒃᑯᐊᖅᑕᐅᓯᒪᓗᑎᒃ:

· ᒪᕐᕉᒃ ᑎᒃᑯᐊᖅᑕᐅᓯᒪᔫᒃ ᓄᓇᕗᑦ ᑐᓐᖓᕕᒃᑯᑦ ᑎᒥᖓᓐᓄᑦ, ᐊᑕᐅᓯᕐᓗᓴ ᖃᐅᔨᒪᔨᑕᖅ ᐃᖃᓪᓕᐊᖅᑎᓂᓐᖔᖅᓯᒪᔪᖅ ᐊᒻᒪ ᐊᓯᐊ ᖃᐅᔨᒪᓂᓕᒃ ᐃᓄᖕᓄᑦ ᐃᓕᓴᕆᔭᐅᓯᒪᔪᖅ ᖃᐅᔨᒪᓂᖃᑦᑎᐊᕐᓂᖓᓂᒃ ᐱᔾᔪᑕᐅᔪᓂᒃ ᓯᕗᒧᐊᑦᑎᐊᖁᓪᓗᒍ ᐃᖃᓪᓕᐊᕐᓂᖅ);

· ᒪᕐᕉᒃ ᑎᒃᑯᐊᖅᑕᐅᓯᒪᔪᒃ ᓄᓇᕗᑦ ᒐᕙᒪᒃᑯᖏᓐᓄᑦ, ᐊᑕᐅᓯᖅ ᐃᖃᓪᓕᐊᖅᑎᓂᒃ ᖃᐅᔨᒪᓂᖃᕐᓗᓂ ᐊᐃᑉᐸᖓᓗ ᐃᓄᐃᑦ ᖃᐅᔨᒪᔭᖏᓐᓂᒃ ᖃᐅᔨᒪᓂᖃᕐᓗᓂ;

· ᐊᑕᐅᓯᖅ ᑎᒃᑯᐊᖅᑕᐅᓯᒪᓗᓂ ᓄᓇᕗᑦ ᐆᒪᔪᓕᕆᔨᕐᔪᐊᑦ ᑲᑎᒪᔨᖏᓐᓄᑦ.

ᑲᑎᒪᔨᐅᖃᑕᐅᔪᑦ ᑎᒃᑯᐊᖅᑕᐅᓯᒪᓗᑎᒃ ᑎᒥᐅᔪᓄᑦ ᑐᓐᖓᕕᒋᓪᓗᒋᑦ ᖃᐅᔨᒪᓂᕆᔭᖏᑦ ᐊᒻᒪ ᐊᑐᖅᓯᒪᓂᕆᔭᖏᑦ ᐃᖃᓪᓕᐊᓂᕐᒧᑦ ᓄᓇᕗᑦ ᐃᓗᐊᓂ, ᐱᖃᓯᐅᑎᓪᓗᒍ ᖃᐅᔨᒪᓂᖓᑦ ᐃᓅᓯᕐᒧᑦ, ᑮᓇᐅᔭᓕᐅᕋᓱᐊᓂᕐᒧᑦ, ᒪᓕᒐᕐᓄᑦ, ᐱᔅᓇᓯᒧᑦ, ᐃᖅᑲᓇᐃᔭᖅᑎᑦᑎᓂᕐᒧᑦ ᐊᒻᒪ ᐱᕙᓪᓕᐊᑎᑦᑎᓂᕐᒧᑦ ᐱᔾᔪᑕᐅᔪᓂᒃ ᐊᒃᑐᐊᓂᖃᖅᑐᓂᒃ ᓂᐅᕐᕈᑎᒃᓴᓂᒃ ᐃᑭᕐᒥ ᐃᖃᓪᓕᐊᖃᑦᑕᕐᓂᕐᒧᑦ.  ᑕᐃᒪᓕ ᓂᕈᐊᖅᑕᐅᓚᐅᖅᑎᓪᓗᒋᑦ, ᑲᑎᒪᔨᕋᓛᖑᔪᑦ ᑎᒃᑯᐊᖅᓯᓂᐊᖅᐳᑦ ᐃᒃᓯᕙᐅᑕᒃᓴᒥᖕᓂᒃ ᐊᒻᒪ ᑐᖏᓕᕆᓂᐊᖅᑕᖓᓂᒃ ᐃᒃᓯᕙᐅᑕᐅᑉ.  ᑖᒃᑯᐊ ᑲᑎᒪᔨᐅᖃᑕᐅᔪᑦ ᑎᒃᑯᐊᖅᑕᓯᒪᒐᓗᐊᖅᑎᓪᓗᒋᑦ ᑎᒥᐅᔪᓂᑦ, ᑎᒃᑯᐊᖅᑕᐅᓯᒪᓕᖅᐸᑕ ᐱᓕᕆᐊᒃᓴᒥᖕᓂᒃ ᐱᓕᕆᐊᖃᕐᓂᐊᖅᑐᑦ ᐃᒻᒥᒃᑰᕐᓗᑎᒃ, ᑕᑉᐱᖅᓱᐃᖏᓪᓗᑎᒃ ᑭᓇᑐᐃᓐᓇᕐᒥᒃ ᐊᒻᒪ ᐊᑐᕐᓗᑎᒃ ᑕᖅᑲᒃᑯᓄᖓ ᐊᑲᐅᓛᖑᔪᓂᒃ.